10.12.2018 | 
Կրթություն
ԻՐԱՎԱԿԱՆ ՀԱՐՑԵՐԻ ՔՆՆԱՐԿՈՒՄՆԵՐ ՈՒ ՆՈՐ ՎԵՐԼՈՒԾՈՒԹՅՈՒՆՆԵՐ. ՄԵԿՆԱՐԿԵՑ ՏԱՐԵԿԱՆ ԳԻՏԱԿԱՆ ԵՐԿՕՐՅԱ ՆՍՏԱՇՐՋԱՆԸ
ԻՐԱՎԱԿԱՆ ՀԱՐՑԵՐԻ ՔՆՆԱՐԿՈՒՄՆԵՐ ՈՒ ՆՈՐ ՎԵՐԼՈՒԾՈՒԹՅՈՒՆՆԵՐ. ՄԵԿՆԱՐԿԵՑ ՏԱՐԵԿԱՆ ԳԻՏԱԿԱՆ ԵՐԿՕՐՅԱ ՆՍՏԱՇՐՋԱՆԸ
ԵՊՀ իրավագիտության ֆակուլտետի դատական նիստերի դահլիճում այսօր տեղի ունեցավ Իրավագիտության ֆակուլտետի ասպիրանտների և հայցորդների տարեկան գիտական երկօրյա նստաշրջանի մեկնարկը:

Երիտասարդ գիտնականներին ողջունեց  Իրավագիտության ֆակուլտետի դեկան Գագիկ Ղազինյանը՝ մաղթելով նրանց արդյունավետ աշխատանքային օր:

 

Ավանդական դարձած այս նստաշրջանն իրականացվում է արդեն 10 տարի: Գիտական նստաշրջանի ընթացքում ասպիրանտներն ու հայցորդները ներկայանում են զեկուցումներով, որոնց հաջորդում է հարցուպատասխանը: 

 

Ըստ այդմ՝ իրենց հետազոտական աշխատանքներն ու վերլուծությունները ներկայացրին Քրեական իրավունքի, Եվրոպական և միջազգային իրավունքի, Քաղաքացիական իրավունքի և Քաղաքացիական դատավարության, ինչպես նաև Քրեական դատավարության և կրիմինալիստիկայի ամբիոնների ասպիրանտներն ու հայցորդները:

 

Քրեական իրավունքի ամբիոնի ասպիրանտների ուշադրության կենտրոնում էին մեդիացիայի իրականացումը՝ որպես պրոբացիոն ծառայությունների գործառույթը, իրավաբանական անձանց համար նախատեսվող պատիժների համակարգը, 

պատիժը պայմանականորեն չկիրառելիս սահմանվող փորձաշրջանի վերացման հիմքերի և դրա քրեաիրավական հետևանքների վերաբերյալ որոշ հարցեր և այլ գիտական թեմաներ:

 

Քրեական իրավունքի ամբիոնի ասպիրանտ Ռոզա Աբրահամյանն անդրադարձավ անչափահաս դատապարտյալների նկատմամբ ազատազրկում պատժատեսակի կատարման, տարբերակման և անհատականացման վերաբերյալ հարցերի իրավական կարգավորման զարգացմանը:

 

Բանախոսը մանրամասն ուսումնասիրել էր տարբեր երկրներում անչափահաս դատապարտյալների նկատմամբ ազատազրկման պատժատեսակները: «Անչափահասների հետ տարվում է անհատական աշխատանք: Ի սկզբանե, նրանց հետ խոսում են և՛ բժիշկները, և՛ հոգեբանները»,- նշեց Ռոզան:

 

Ներկայացնելով տարբեր երկրների օրինակաները՝ բանախոսը միաժամանակ կատարեց համեմատություններ:

 

Եվրոպական և միջազգային իրավունքի ամբիոնի ասպիրանտ Գրիգոր Չոբանյանն անդրադարձավ արդի գլոբալացման պայմաններում պետության սուվերենության հիմնախնդրին:

 

Հիշեցնենք, որ Իրավագիտության ֆակուլտետի ասպիրանտների և հայցորդների տարեկան գիտական երկօրյա նստաշրջանի ավարտը դեկտեմբերի 11-ն է:


Անգին Խաչատրյան

 

Այլ նորություններ
ԵՊՀ-ՈՒՄ ԴԱՍԵՐԸ ՄԵԿՆԱՐԿԵԼՈՒ ԵՆ ՓԵՏՐՎԱՐԻ 11-ԻՑ
2018-2019 ուստարվա 2-րդ կիսամյակի առկա ուսուցման ուսումնական պարապմունքները սկսվելու են փետրվարի 11-ից, իսկ հեռակա ուսուցման ուսումնական պարապմունքները՝ մարտի 11-ից:
ԵՊՀ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ ԿԻՐԱՌՎՈՒՄ ԵՆ ՈՒՍՈՒՄՆԱՌՈՒԹՅԱՆ ԺԱՄԱՆԱԿԱԿԻՑ ՄԻՋՈՑՆԵՐ
Երևանի պետական համալսարանում «Moodle» էլեկտրոնային ուսուցման համակարգի ներդրման առաջին քայլերն արվել են ՏՏ կրթական և հետազոտական կենտրոնի կողմից դեռևս 2008 թվականին: Առաջին առցանց դասընթացները կենտրոնի աշխատակիցների կողմից հարթակում տեղադրվել են դեռևս 2009-2010 թվականներին: