06.12.2019 | 
Գիտություն
ԻՐԱՎԱԳԻՏԱԿԱՆ ԱՐԴԻԱԿԱՆ ՀԱՐՑԵՐԻ ՎԵՐՀԱՆՈՒՄ, ՔՆՆԱՐԿՈՒՄ ՈՒ ՎԵՐԼՈՒԾՈՒՄ. ԳԻՏԱԺՈՂՈՎ՝ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԻՐԱՎԱԳԻՏԱԿԱՆ ԱՐԴԻԱԿԱՆ ՀԱՐՑԵՐԻ ՎԵՐՀԱՆՈՒՄ, ՔՆՆԱՐԿՈՒՄ ՈՒ ՎԵՐԼՈՒԾՈՒՄ. ԳԻՏԱԺՈՂՈՎ՝ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի դատական նիստերի դահլիճում այսօր տեղի է ունեցել պրոֆեսորադասախոսական կազմի ամենամյա գիտաժողովը, որի ժամանակ հնչել են զեկուցումներ` նվիրված արդիականություն ունեցող իրավագիտական հիմնահարցերին:

Պրոֆեսորադասախոսական կազմի ամենամյա գիտաժողովն Իրավագիտության ֆակուլտետում անցկացվող ավանդական միջոցառումներից մեկն է, որը տեղի է ունենում արդեն 19-րդ անգամ: Միջոցառման նպատակն է ամփոփել տարվա ընթացքում կատարված գիտահետազոտական բոլոր աշխատանքները և վերլուծել դրանց արդյունքները:

 

Գիտաժողովին զեկուցումներով հանդես են եկել Իրավագիտության ֆակուլտետի բոլոր ամբիոնների պրոֆեսորադասախոսական կազմի ներկայացուցիչները: Մեզ հետ զրույցում ֆակուլտետի դեկան Գագիկ Ղազինյանը փաստեց, որ գիտաժողովին մասնակցելու հայտերը շատ են եղել, սակայն ընտրվել են այն թեմաները, որոնք արդիական են և այս պահին մեծ նշանակություն ունեն գործնական դաշտում:

 

 

«Մեր նպատակն էր ծավալել գիտական քննարկում այդ թեմաների վերաբերյալ, վերլուծել և ապա ամփոփ ու վերջնական տեսքով դրանք տարածել մասնագիտական հանրույթի շրջանում: Նյութերն օգտակար կլինեն նաև կիրառության իմաստով»,- ասաց Գագիկ Ղազինյանը:

 

Նրա փոխանցմամբ, գիտահետազոտական բոլոր նյութերը, այդ թվում՝ գիտաժողովին հնչած զեկուցումները, հրապարակվելու են ԵՊՀ իրավագիտության ֆակուլտետի պրոֆեսորադասախոսական կազմի գիտաժողովի նյութերի ժողովածուում, որն առաքվում է այլ բուհեր և գիտագործնական նշանակություն ունեցող տարբեր կառույցներ:

 

 

Գագիկ Ղազինյանը հիշեցրեց, որ երեկ ամփոփվել է ֆակուլտետի ասպիրանտների և հայցորդների տարեկան գիտական երկօրյա նստաշրջանը, որի նպատակն էր հարթակ տրամադրել զեկուցողներին՝ մասնագիտական լսարանի առաջ ներկայացնելու իրենց ատենախոսության որևէ դրույթ: Դեկանի փոխանցմամբ, նստաշրջանին հնչած զեկուցումները ևս հրապարակվելու և հասանելի են դառնալու գիտական լայն հանրությանը: 

 

Քնար Միսակյան

 

Այլ նորություններ
ԲՈՆՆԻ ՀԱՄԱԼՍԱՐԱՆԻ ՊՐՈՖԵՍՈՐ ՍԵԲԱՍՏԻԱՆ ՀԱՅՆԵՆ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԵՊՀ արևելագիտության ֆակուլտետի իրանագիտության ամբիոնում այսօր Բոննի համալսարանի պրոֆեսոր Սեբաստիան Հայնեն հանդես է եկել «Ընդհանուր ակնարկ աֆղաներենով դյուցազներգական գրականության մասին» խորագրով դասախոսությամբ:
ԴՐԱՄԱՇՆՈՐՀՆԵՐԸ՝ ՀԵՏԱԶՈՏՈՒԹՅՈՒՆՆԵՐԸ ՇԱՐՈՒՆԱԿԵԼՈՒ ԵՎ ՆՈՐ ՈՒՍՈՒՄՆԱՍԻՐՈՒԹՅՈՒՆՆԵՐ ԻՐԱԿԱՆԱՑՆԵԼՈՒ ՀՆԱՐԱՎՈՐՈՒԹՅՈՒՆ. ԵՊՀ ՀԱՅՑՈՐԴԸ ՀԱՂԹԵԼ Է ՄՐՑՈՒՅԹՆԵՐՈՒՄ
ԵՊՀ քիմիայի ֆակուլտետի հայցորդ, Օրգանական քիմիայի ամբիոնի ուսումնական լաբորատորիայի վարիչ Նաղաշ Միրաքյանի առաջարկած թեման Ձեռնարկությունների ինկուբատոր հիմնադրամի և «PMI Science»-ի կողմից իրականացվող «Ասպիրանտների աջակցության ծրագիր 2019»-ի շրջանակում երաշխավորվել է ֆինանսավորման: Բացի դրանից՝ ֆինանսավորվելու է նրա և Օրգանական քիմիայի ամբիոնի վարիչ Նարինե Դուրգարյանի կողմից «Faculty research funding project 2019» ծրագրին ներկայացված թեման: