03.10.2017 | 
Քաղաքականություն
ՇԱՐՈՒՆԱԿՎՈՒՄ ԵՆ ԴԵՊԻ ՄԱՅՐ ԲՈՒՀ ՈՒՂՂՈՐԴՄԱՆ ԱԿՏԻՎ ԱՇԽԱՏԱՆՔՆԵՐԸ
ՇԱՐՈՒՆԱԿՎՈՒՄ ԵՆ ԴԵՊԻ ՄԱՅՐ ԲՈՒՀ ՈՒՂՂՈՐԴՄԱՆ ԱԿՏԻՎ ԱՇԽԱՏԱՆՔՆԵՐԸ
ԵՊՀ մինչհամալսարանական կրթության վարչությունն այսօր կազմակերպել էր այցեր դեպի Մայր բուհ և ավագ դպրոցներ:

Կազմակերպված այցերը դպրոցների ավարտական դասարանների աշակերտների մասնագիտական կողմնորոշմանը նպաստելու, իրազեկության մակարդակը բարձրացնելու և դեպի ԵՊՀ ուղղորդելու համար են:

 

Այսօր Մայր բուհն ընդունել էր հ. 105 և հ. 142 ավագ դպրոցների աշակերտներին, ովքեր, եղան համապատասխանաբար ԵՊՀ ֆիզիկայի և կենսաբանության ֆակուլտետներում, տեղում ծանոթացան ԵՊՀ կրթական ծրագրերին, ֆակուլտետների կառուցվածքին, ինչպես նաև դասընթացների կազմակերպման գործընթացին: Ապագա ուսանողները լսեցին նաև դասախոսություններ և ստացան իրենց հուզող հարցերի պատասխանները:

 

Մեզ հետ զրույցում հ. 142 ավագ դպրոցի կենսաբանության ուսուցչուհի Նաիրա Գյուլնազարյանը նշեց, որ դպրոցն ակտիվորեն և շարունակական ձևով համագործակցում է Մայր բուհի հետ. «Մենք միշտ կապի մեջ ենք ԵՊՀ պրոֆեսորադասախոսական կազմի ներկայացուցիչների հետ, հաճախ ենք հրավիրում նրանց մեզ մոտ՝ մեզ հետաքրքրող թեմաներով դասախոսություններ կարդալու»:

 

 

Նույն դպրոցի տասներորդ դասարանի աշակերտ Պետրոս Ավանեսյանն էլ մեզ հետ զրույցում փաստեց, որ Մայր բուհ կատարած այցը շատ հետաքրքիր էր և կարևոր. «Այստեղ ստացանք նոր գիտելիքներ՝ ավելի պատկերավոր և հետաքրքիր ձևով»:

 

Բացի ապագա ուսանողներին Մայր բուհում դիմավորելուց՝ ԵՊՀ մինչհամալսարանական կրթության վարչությունն այսօր կազմակերպել էր նաև պրոֆեսորադասախոսական կազմի ներկայացուցիչների այցը դեպի ավագ դպրոցներ:

 

ԵՊՀ քիմիայի ֆակուլտետի դասախոս ՆաղաշՄիրաքյանը, Ռոմանագերմանական բանասիրության ֆակուլտետի դեկան Սամվել Աբրահամյանը և նույն ֆակուլտետի դասախոս Նարինե Հարությունյանն այսօր այցելեցին համապատասխանաբար հ. 142 և հ. 83 ավագ դպրոցներ և հանդես եկան դասախոսություններով:

Այլ նորություններ
ՖԱԿՈՒԼՏԵՏՆԵՐՆ ԱՄՓՈՓԵԼ ԵՆ ԱՆՑԱԾ ՈՒՍՏԱՐԻՆ
Ինչպես ամեն տարի, այս տարի նույնպես բոլոր ֆակուլտետներում տեղի են ունեցել գիտխորհրդի տարեվերջյան ամփոփիչ նիստեր, որոնց ընթացքում դեկանները հանդես են եկել հաշվետվությունների ներկայացմամբ:
ՇԱՐՈՒՆԱԿՎՈՒՄ ԵՆ ՄԱՐԶԱՅԻՆ ԱՅՑԵՐԸ
ԵՊՀ մինչհամալսարանական կրթության վարչությունը շարունակում է Մայր բուհի պրոֆեսորադասախոսական կազմի ներկայացուցիչների այցելությունները մարզային դպրոցներ: