04.10.2018 | 
Հասարակություն
ԱՅՍՕՐ ԿԿԱՅԱՆԱ ԳՈՒՐԳԵՆ ՄԱՀԱՐՈՒ ԿՆՈՋ՝ ԱՆՏՈՆԻՆԱ ՄԱՀԱՐՈՒ ՀՈՒՂԱՐԿԱՎՈՐՈՒԹՅՈՒՆԸ
ԱՅՍՕՐ ԿԿԱՅԱՆԱ ԳՈՒՐԳԵՆ ՄԱՀԱՐՈՒ ԿՆՈՋ՝ ԱՆՏՈՆԻՆԱ ՄԱՀԱՐՈՒ ՀՈՒՂԱՐԿԱՎՈՐՈՒԹՅՈՒՆԸ
Երեկ՝ հոկտեմբերի 3-ին, 94 տարեկանում մահացել է արձակագիր, Հայաստանի գրողների միության անդամ Անտոնինա Մահարին՝ Գուրգեն Մահարու կինը։

Անտոնինա Մահարին ապրում էր միայնակ, Կասյան փողոցում: Վերջին օրերին նրա առողջական վիճակը վատացել էր, և նա տասն օր հիվանդանոցում մնալուց հետո մահացել է:

 

Անտոնինա Պավլիտայտեն ծնվել է Վիլնյուսում: Նա անցել է ստալինյան բռնատիրության ճանապարհով, քանի որ եղել է Լիտվայի համար պայքարող ընդհատակյա կազմակերպության անդամ: Բանտարկվել և աքսորվել է Սիբիր, որտեղ էլ ծանոթացել է Գուրգեն Մահարու հետ, դարձել նրա կյանքի ուղեկիցը, փրկել մեծ գրողի կյանքը։

 

Այն տունը, որտեղ ապրել են Գուրգեն Մահարին ու նրա կինը, այսօր դատարկ է: Իսկ տան ամբողջ կահույքը մնացել է նույն վիճակում, ինչ Մահարու օրոք էր. խունացած վարագույրներ, հնությունից ճռռացող դռներ, տեղ-տեղ պոկված մանրահատակ, պատռված պաստառներ:

 

Քանի որ Անտոնինա Մահարին Հայաստանում չուներ բարեկամներ, նրա հուղարկավորությունը տեղի է ունենալու այսօր:

Այլ նորություններ
ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԻ ԵՐԵՔ ՈՒՍԱՆՈՂՆԵՐԸ՝ «ԼՐԱԳՐՈՂԱԿԱՆ ՄԵՆԱՄԱՐՏ» ՀԵՌՈՒՍՏԱՆԱԽԱԳԾԻ ՄԱՍՆԱԿԻՑՆԵՐ
ԵՊՀ ժուռնալիստիկայի ֆակուլտետի երեք ուսանողներ՝ Աննա Կոստանյանը, Էլեն Աղաջանյանը (4-րդ կուրս) և Ռիմա Գրիգորյանը (2-րդ կուրս), մասնակցել են Եվրոպական միության կողմից համաֆինանսավորվող «Տեղեկատվության մատչելիություն և հետաքննական լրագրություն առավել իրազեկված քաղաքացիների համար» ծրագրի շրջանակում իրականացվող «Լրագրողական մենամարտ» հեռուստանախագծին և հասել մինչև եզրափակիչ:
ՔՆՆԱՐԿՈՒՄ՝ ԲԱՐՁՐԱԳՈՒՅՆ ԿՐԹՈՒԹՅԱՆ ՀԻՄՆԱԽՆԴԻՐՆԵՐԻ, ՄԱՐՏԱՀՐԱՎԵՐՆԵՐԻ ԵՎ ԴՐԱՆՑ ՀՆԱՐԱՎՈՐ ԼՈՒԾՈՒՄՆԵՐԻ ՎԵՐԱԲԵՐՅԱԼ
ԵՊՀ Չարենցի անվան դահլիճում «Մեդիա կենտրոն»-ի նախաձեռնությամբ անցկացվեց «Բարձրագույն կրթության հիմնախնդիրները, առկա մարտահրավերներն ու դրանց հնարավոր լուծումները բարձրագույն կրթության զարգացման ռազմավարությունում» թեմայով քննարկում: