15.06.2018 | 
Կրթություն
ԱՐԱՄ ՍԻՄՈՆՅԱՆԸ ՀԱՆԴԻՊԵՑ ԹՈՒՐՔ ՀԱՅՏՆԻ ՊԱՏՄԱԲԱՆ ԹԱՆԵՐ ԱՔՉԱՄԻ ՀԵՏ
ԱՐԱՄ ՍԻՄՈՆՅԱՆԸ ՀԱՆԴԻՊԵՑ ԹՈՒՐՔ ՀԱՅՏՆԻ ՊԱՏՄԱԲԱՆ ԹԱՆԵՐ ԱՔՉԱՄԻ ՀԵՏ
Այսօր ԵՊՀ ռեկտոր Արամ Սիմոնյանը հյուրընկալեց ԱՄՆ Մասաչուսեթսի Քլարք համալսարանի պրոֆեսոր, թուրք հայտնի պատմաբան Թաներ Աքչամին:

Հանդիպմանը ներկա էին ԵՊՀ պրոռեկտոր Գեղամ Գևորգյանը, Միջազգային համագործակցության վարչության պետ Ալեքսանդր Մարգարովը, Արևելագիտության ֆակուլտետի դեկան Ռուբեն Մելքոնյանը, Թյուրքագիտության ամբիոնի վարիչ Ալեքսանդր Սաֆարյանը և նույն ամբիոնի դասախոս Լուսինե Սահակյանը:

Արամ Սիմոնյանը նախ հյուրին ներկայացրեց ԵՊՀ-ի հիմնադրման համառոտ պատմությունը, կառուցվածքը, ուսումնագիտական գործընթացներն ու միջազգային համագործակցությունը:


«Մայր բուհը գրեթե մեկդարյա պատմություն ունի: ԵՊՀ-ն հանրապետության ամենամեծ և գլխավոր բուհն է, որը տալիս է երկրի գիտական արդյունքի շուրջ 1/3-ը: Համալսարանի զարգացման համար բուհի ղեկավարությունը մեծ ուշադրություն է դարձնում միջազգային կապերի հաստատմանն ու զարգացմանը: Մենք կարևորում ենք արտասահմանյան հեղինակավոր բուհերի հետ գիտական կապերի ընդլայնումը»,- նշեց ԵՊՀ ռեկտորը և հավելեց, որ ծանոթ է թուրք հայտնի պատմաբանի գրքերին և մեծ պատիվ է Մայր բուհում հյուրընկալել նրան:


Արևելագիտության ֆակուլտետի դեկան Ռուբեն Մելքոնյանը հյուրին ներկայացրեց ԵՊՀ ռեկտորի գիտական աշխատանքները, անդրադարձավ ԵՊՀ արևելագիտության ֆակուլտետի գործունեությունը, ներկայացրեց կառուցվածքը, ֆակուլտետում դասավանդվող առարկաները:

Թուրք հայտնի պատմաբան Թաներ Աքչամը հետաքրքրվեց՝ ԵՊՀ արևելագիտության ֆակուլտետում ինչ ուսումնասիրություններ են իրականացվում, ինչպես նաև հյուրին հետաքրքրեց, թե արդյոք ԵՊՀ-ում օմաներեն դասավանդվում է, և ուսանողները տիրապետում են այդ լեզվին, Ռուբեն Մելքոնյանը նշեց, որ այո դասավանդվում է և կան ուսանողներ, ովքեր լավ տիրապետում են այդ լեզվին:

Թուրք հայտնի պատմաբան Թաներ Աքչամը ԵՊՀ ռեկտորին շնորհակալություն հայտնեց հյուրընկալելու և Մայր բուհում դասախոսություն կարդալու համար:

 

Նադեժդա Տեր-Աբրահամյան

Այլ նորություններ
«ԿԱՐՈՂ ԵՆ ԱՐԴՅՈ՞Ք ՊԵՏԱԿԱՆ ԻՆՍՏԻՏՈՒՏՆԵՐԸ ԿԱՆԽՈՐՈՇԵԼ ՏՆՏԵՍԱԿԱՆ ԱՃԸ». ՊԱՐԶԱԲԱՆՈՒՄ Է ԵՊՀ ՏՆՏԵՍԱԳԻՏՈՒԹՅԱՆ ԹԵԿՆԱԾՈՒ, ԴՈՑԵՆՏ ԿԱՌԼԵՆ ԽԱՉԱՏՐՅԱՆԸ
ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ, տնտեսագիտության թեկնածու, դոցենտ Կառլեն Խաչատրյանի ներկայացրած «Պետության ինստիտուտների կայացվածությունը ` որպես տնտեսական աճի ապահովման հիմնական գործոն» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
«ԳԵԹ ՄԵԿ ԵՐԵԽԱՅԻ ԿՅԱՆՔԸ ՓՈԽԵԼՆ ԱՐԴԵՆ ՄԵԾ ՁԵՌՔԲԵՐՈՒՄ Է». «ԴԱՍԱՎԱՆԴԻ՛Ր, ՀԱՅԱՍՏԱՆ»-Ի ԼՈՒՍԱՎՈՐ ՈՒ ՄՈՒԹ ԿՈՂՄԵՐԸ
Ես Վարդուհի Մարգարյանն եմ: Սովորել եմ ԵՊՀ հոգեբանության ֆակուլտետում և մասնակցել «Դասավանդի՛ր, Հայաստան» ծրագրին ու աշխատել եմ որպես հատուկ մանկավարժ-հոգեբան Արմավիրի մարզի Վանանդի միջնակարգ դպրոցում: