21.02.2019 | 
Մշակույթ
ԹԱԼԻՇԱԿԱՆ ԵՐԱԺՇՏՈՒԹՅՈՒՆ՝ ԵՊՀ ԻՐԱՆԱԳԻՏՈՒԹՅԱՆ ԱՄԲԻՈՆՈՒՄ
ԹԱԼԻՇԱԿԱՆ ԵՐԱԺՇՏՈՒԹՅՈՒՆ՝ ԵՊՀ ԻՐԱՆԱԳԻՏՈՒԹՅԱՆ ԱՄԲԻՈՆՈՒՄ
ԵՊՀ իրանագիտության ամբիոնում այսօր տեղի ունեցավ թալիշ երաժշտագետ, ազգագրագետ, մտավորական, «Քադուս» երաժշտական համույթի ղեկավար Արմին Ֆարիդիի «Հայացք Իրանում թալիշական ազգագրական երաժշտությանը» թեմայով դասախոսությունը:

Դասախոսությանը ներկա էին Իրանագիտության ամբիոնի դասախոսներ, ուսանողներ, ինչպես նաև ասպիրանտներ Էլհամ Գոլիզադեն և Յասեր Քյարամզադեն: Վերջինս, ի դեպ, «Թալիշական բանահյուսություն» գրքի հեղինակն է:

ԵՊՀ իրանագիտության ամբիոնի վարիչ Վարդան Ոսկանյանը, ողջունելով ներկաներին, նշեց, որ այս միջոցառումը հիանալի հնարավորություն է ուսանողների համար՝ ծանոթանալու թալիշական մշակույթին:



Արմին Ֆարիդին իր ուրախությունն ու երախտիքը հայտնեց հյուրընկալության և թալիշական երաժշտությունը ներկայացնելու հնարավորության համար:

Ֆարիդին, ներկայացնելով թալիշական ազգագրական երաժշտությունը, նշեց դրա հնությունն ու սերնդեսերունդ փոխանցվելը:

Ըստ բանախոսի՝ երաժշտությունը ազգագրության ուսումնասիրության մեջ շատ կարևոր տեղ է զբաղեցնում:

Նա նաև պատմեց, որ խորհրդային տարիներից սկսած՝ ձայնագրվել են բազմաթիվ երգեր, և այդ գործընթացը շարունակվում է նաև հիմա:



Երկու տասնամյակ աշխատելով երաժշտագիտության ոլորտում՝ Ֆարիդին պատմեց, որ թալիշաբնակ շրջաններում երաժշտությունը պահպանվել է իր մաքուր տեսքով:

Թալիշական ազգագրական երաժշտության առանձնահատկություններից Ֆարիդին մատնանշեց, որ երգերը հիմնականում նկարագրում էին գյուղական առօրյան, կենցաղը, ինչպես նաև ժողովրդի հիմնական զբաղմունքը՝ անասնապահությունը:

Հիմնականում օգտագործվել են թամբուրն ու սրինգը (լալա): Ֆարիդին փաստեց, որ ինչպես դուդուկի երաժշտությունն է արտահայտում հայկական հոգեկերտվածքը, այնպես էլ լալան թալիշական հոգու երաժշտությունն է:



Ֆարիդին ասաց, որ մեծ է եղել հայերի դերը թալիշական երաժշտության զարգացման գործում:

Դասախոսության ընթացքում Ֆարիդին հատվածներ ներկայացրեց թալիշական և իրանական երաժշտությունից:

 

Մարի Ռաֆյան

Այլ նորություններ
ՀԱՅ-ՂԱԶԱԽԱԿԱՆ ՄՇԱԿՈՒԹԱՅԻՆ ՀԱՄԱԳՈՐԾԱԿՑՈՒԹՅԱՆ ՈՒՇԱԳՐԱՎ ՆՈՐ ԷՋ
2020 թ. Ղազախստանում, Հայաստանում և այլ երկրներում մեծ շուքով նշվում է ղազախական նոր գրականության հիմնադիր Աբայ Կունանբաևի 175-ամյակը:
«ԵԹԵ ՄԵՆՔ ԸՆԴՈՒՆՈՒՄ ԵՆՔ ԱՅՆ ՏԵՍԱԿԵՏԸ, ՈՐ ԹԱՏՐՈՆԸ ՊԵՏՈՒԹՅԱՆ ՓՈՔՐ ՄՈԴԵԼՆ Է, ԱՊԱ ԱՅՆ ԱՐՏԱՑՈԼՈՒՄ Է ՏՎՅԱԼ ՊԵՏՈՒԹՅԱՆ ԸՆԴՀԱՆՐԱԿԱՆ ՎԻՃԱԿԸ». ՎԱՐԴԱՆ ՄԿՐՏՉՅԱՆ
Հեռավար ուսուցման շրջանակում ԵՊՀ ժուռնալիստիկայի ֆակուլտետն այսօր իր առցանց տիրույթում հյուրընկալել էր Գաբրիել Սունդուկյանի անվան թատրոնի տնօրեն, դերասան, արվեստագետ, մշակութային գործիչ Վարդան Մկրտչյանին: