14.06.2018 | 
Հասարակություն
«ՀԱՋՈՂՈՒԹՅԱՆ ԲԱՆԱՁԵՎԸ ՅՈՒՐԱՔԱՆՉՅՈՒՐԻ ԱՇԽԱՏԱՍԻՐՈՒԹՅՈՒՆՆ Է». ԱՐՇԱԿ ԲԱԼՅԱՆ
«ՀԱՋՈՂՈՒԹՅԱՆ ԲԱՆԱՁԵՎԸ ՅՈՒՐԱՔԱՆՉՅՈՒՐԻ ԱՇԽԱՏԱՍԻՐՈՒԹՅՈՒՆՆ Է». ԱՐՇԱԿ ԲԱԼՅԱՆ
ԵՊՀ աստվածաբանության ֆակուլտետը սկսում է նոր, ոչ ֆորմալ հարցազրույցների շարք, որը հագեցած կլինի ամենասիրելի դասախոսների մասին պատմող ամենահետաքրքիր բացահայտումներով։ Մեր առաջին հյուրն է պ․գ․թ դոցենտ Արշակ Յուրիի Բալյանը։

- Ծննդյան թիվը և վայրը …

- Ծնվել եմ 1980 թ.-ի ապրիլի 10-ին Երևանում:

- Կրթությունը …

-Ավարտել եմ Խ. Աբովյանի անվան մանկավարժական համալսարանի պատմության ֆակուլտետը։

- Ձեր «երկրորդ կեսը» …

- Մի քանի բառով եթե բնութագրեմ՝ նվիրված, կանացի, բարի: Մարդը, ով պատրաստ է իր ամբողջ կյանքը կիսել հենց ինձ հետ:

- Ձեր զավակները …

- Ունեմ երկու երեխա՝ տղա և աղջիկ։ Տղաս շուտով կդառնա 4 տարեկան, իսկ աղջիկս՝ 2։ Իմ հրեշտակներն են, իմ կյանքը լուսավորող էակներն են, ովքեր լցնում են մեր օրը։



- Ձեր կյանքի մեծագույն նպատակը …

- Մեծագույն նպատակս ընտանիքիս բարեկեցությունն է, երեխաներիս վաղվա օրն ապահովելը։

- Փոքր տարիքում երազում էիք դառնալ …

- Ցանկանում էի բժիշկ դառնալ:

- Ամենաթանկ խորհուրդը, որը ստացել եք:

- Ընդհանրապես իմ կյանքի խորհրդատուները ծնողներս են, բայց հիմնականում հայրս, ով ինձ համար միշտ լավ օրինակ է։ Նրա բոլոր խորհուրդներն էլ թանկ են ինձ համար։

- Զգացողություն, որ կուզենայիք կրկնվեր:

- Երեխաների ծնունդը, որը յուրաքանչյուրի կյանքում, կարծում եմ, ամենանվիրական պահն է, և այդ զգացողությունը կցանկանայի կրկնվեր։

- Սիրած քաղաքը …

-Միանշանակ Երևանը (ժպտում է):

- Երևանում սիրած վայրը …

-Սիրում եմ Օղակաձև այգին, Աբովյան փողոցը, Կասկադը, իսկ ընդհանրապես սիրում եմ գիշերային Երևանը (ժպտում է):

- Ինչի՞ց եք վախենում:

-Վախենում եմ անել այնպիսի սխալներ, որոնք հետագայում չեմ կարող շտկել։

- Ձեր հաջողության բանաձևը …

- Իմ կարծիքով, հաջողության բանաձևը յուրաքանչյուրի աշխատասիրությունն է, ինչպես նաև որոշ չափով բախտի գործոնը:

- Սիրած եղանակը …

- Սիրում եմ տարվա չորս եղանակներն էլ, բայց առանձնացնում եմ գարունը, որովհետև այն նոր, դրական լիցքեր է հաղորդում:

- Սիրած ուտեստը …

- Ես ընդհանրապես սիրում եմ համեղ սնվել։ Սիրում եմ մայրիկիս պատրաստածը, բայց կինս ևս չի զիջում նրան։



- Սիրած ֆիլմը …

- Շատ սիրում եմ «Տրոյա», «Բեն Հուր», «Գլադիատոր» և «Երկնային արքայություն» ֆիլմերը, ինչպես նաև հայկական սովետական շրջանի ֆիլմերը։

- Ո՞ր ֆիլմում և ո՞ւմ կցանկանայիք մարմնավորել։

- «Տրոյա» ֆիլմում կցանկանայի մարմնավորել Հեկտորի կերպարը։

- Նախընտրած փոխադրամիջոցը …

- Սեփական ոտքերս` 11 համարը (ժպտում է):

- Ձեզ երջանիկ համարում ե՞ք:

- Այո՛, ես երջանիկ եմ։ Երջանկությունը յուրաքանչյուր ապրածդ րոպեն ու վայրկյանն է, որ տրվել է քեզ Աստծու կողմից։ Իմ երջանկությունն իմ ընտանիքն է, ինձ շրջապատող հարազատ մարդիկ։

Այլ նորություններ
ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԻ ԵՐԵՔ ՈՒՍԱՆՈՂՆԵՐԸ՝ «ԼՐԱԳՐՈՂԱԿԱՆ ՄԵՆԱՄԱՐՏ» ՀԵՌՈՒՍՏԱՆԱԽԱԳԾԻ ՄԱՍՆԱԿԻՑՆԵՐ
ԵՊՀ ժուռնալիստիկայի ֆակուլտետի երեք ուսանողներ՝ Աննա Կոստանյանը, Էլեն Աղաջանյանը (4-րդ կուրս) և Ռիմա Գրիգորյանը (2-րդ կուրս), մասնակցել են Եվրոպական միության կողմից համաֆինանսավորվող «Տեղեկատվության մատչելիություն և հետաքննական լրագրություն առավել իրազեկված քաղաքացիների համար» ծրագրի շրջանակում իրականացվող «Լրագրողական մենամարտ» հեռուստանախագծին և հասել մինչև եզրափակիչ:
ՔՆՆԱՐԿՈՒՄ՝ ԲԱՐՁՐԱԳՈՒՅՆ ԿՐԹՈՒԹՅԱՆ ՀԻՄՆԱԽՆԴԻՐՆԵՐԻ, ՄԱՐՏԱՀՐԱՎԵՐՆԵՐԻ ԵՎ ԴՐԱՆՑ ՀՆԱՐԱՎՈՐ ԼՈՒԾՈՒՄՆԵՐԻ ՎԵՐԱԲԵՐՅԱԼ
ԵՊՀ Չարենցի անվան դահլիճում «Մեդիա կենտրոն»-ի նախաձեռնությամբ անցկացվեց «Բարձրագույն կրթության հիմնախնդիրները, առկա մարտահրավերներն ու դրանց հնարավոր լուծումները բարձրագույն կրթության զարգացման ռազմավարությունում» թեմայով քննարկում: