16.09.2021 | 
Հասարակություն
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ ՄԵԾ ՇՈՒՔՈՎ ՆՇՎԵՑ ՀԱՅՏՆԻ ՀՐԱՊԱՐԱԿԱԽՈՍ ԵՎ ԼՐԱԳՐՈՂ ԱՐՏԱՇԵՍ ՔԱԼԱՆԹԱՐՅԱՆԻ 90-ԱՄՅԱԿԸ
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ ՄԵԾ ՇՈՒՔՈՎ ՆՇՎԵՑ ՀԱՅՏՆԻ ՀՐԱՊԱՐԱԿԱԽՈՍ ԵՎ ԼՐԱԳՐՈՂ ԱՐՏԱՇԵՍ ՔԱԼԱՆԹԱՐՅԱՆԻ 90-ԱՄՅԱԿԸ
ԵՊՀ Ե. Չարենցի անվան դահլիճում այսօր Ժուռնալիստիկայի ֆակուլտետի ղեկավարության և Ա. Քալանթարյանի ընտանիքի անդամների նախաձեռնությամբ կազմակերպվել էր անվանի հրապարակախոսի և դրամատուրգի 90-ամյակին նվիրված միջոցառում:

Միջոցառման շրջանակում անցկացվեց նաև Արտաշես Քալանթարյանի ստեղծագործական կյանքին նվիրված զեկուցումների մրցույթ: Ֆակուլտետի սաները «Արտագաղթն ու հայրենադարձությունը Քալանթարյանի ստեղծագործության մեջ», «Արտաշես Քալանթարյանը՝ լրագրող» և «Տեսաուղերձ կամ նամակ Զավեն Շարաֆյանին («Իսկ դո՞ւք որտեղ էիք» ստեղծագործության հերոսին)» խորագրերի ներքո գրավոր կամ տեսապատկերներով զեկուցումներ էին պատրաստել:

 


«Քաղաքացիական իր ակտիվ պահվածքով, հրապարակախոսական սուր գրչով, գեղարվեստական նուրբ մտածողությամբ Քալանթարյանը նշանակալից հետք է թողել խորհրդահայ գրականության և հրապարակախոսության մեջ»,- նշեց Նոր մեդիայի և հաղորդակցության ամբիոնի վարիչ Դավիթ Պետրոսյանը և հավելեց, որ անվանի գրողի ընտանիքի անդամների հետ բարեկամական կապն ու ակտիվ համագործակցությունը տարիների պատմություն ունեն, որոնց արդյունքում ֆակուլտետն ունի Քալանթարյանի անվան լսարան, իսկ լավագույն ուսանողները նաև նրա անվան կրթաթոշակ են ստանում:


Հնչեցին 12 զեկուցումներ: Հանձնաժողովը, որի կազմում էին ներառված նաև Քալանթարյանի զավակները, առաջին երեք լավագույն զեկուցումների համար նախատեսել էին 200.000-ական դրամ: Սահմանվել էր նաև 6 խրախուսական մրցանակ՝ Ա. Քալանթարյանի ժողովածուները ներառած «Kindle»-ներ:

 


«Շնորհակալ եմ բոլորի համագործակցության համար: Իսկապես չէի սպասում, որ նմանօրինակ բարձր մակարդակի զեկուցումներ կհնչեն: Ժուռնալիստիկայի ֆակուլտետը բավականին լավ կադրեր է պատրաստում, ուստի բոլորին մաղթում եմ ստեղծագործական վերելքներ»,- ամփոփեց Արտաշես Քալանթարյանի որդին՝ Ալեքսանդր Քալանթարյանը:

 

 

Վարդուհի Զաքարյան

Այլ նորություններ
ԿՅԱՆՔԻՑ ՀԵՌԱՑԵԼ Է ԵՊՀ ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԻ ՎԱՐԻՉ, ՊՐՈՖԵՍՈՐ ՅՈՒՐԻԿ ԳԱԲՐԻԵԼՅԱՆԸ
Երևանի պետական համալսարանը կրել է ցավալի կորուստ: Կորոնավիրուսի հետևանքով մահացել է ԵՊՀ եվրոպական լեզուների և հաղորդակցության ֆակուլտետի գերմանական բանասիրության ամբիոնի վարիչ, պրոֆեսոր Յուրիկ Գաբրիելյանը:
ՀԱՅԿԱԿԱՆ ԱՐՏԱԴՐԱՆՔՆԵՐԻ ԱՐՏԱՀԱՆՄԱՆ ՀՆԱՐԱՎՈՐՈՒԹՅՈՒՆՆԵՐԸ. ՀԱՆԴԻՊՈՒՄ-ՔՆՆԱՐԿՈՒՄ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏՈՒՄ
ԵՊՀ կառավարման և գործարարության ամբիոնի նախաձեռնությամբ այսօր Տնտեսագիտության և կառավարման ֆակուլտետի ավարտական կուրսի ուսանողները հանդիպել են «ՌեԱրմենիա» հարթակի տնօրեն Գևորգ Պողոսյանի հետ և քննարկել ստարտափերի ձևավորման ու զարգացման հեռանկարները և համաշխարհային շուկայում ներկայանալու հնարավորությունները: