21.03.2019 | 
Կրթություն
«ՆՈՐ ՄՈՏԵՑՈՒՄՆԵՐ ՈՉ ՍՊԻՏԱԿՈՒՑԱՅԻՆ ԱՄԻՆԱԹԹՈՒՆԵՐԻ ԱՍԻՄԵՏՐԻԿ ՍԻՆԹԵԶՈՒՄ». ԴԱՍԱԽՈՍՈՒԹՅՈՒՆ ԵՊՀ-ՈՒՄ
«ՆՈՐ ՄՈՏԵՑՈՒՄՆԵՐ ՈՉ ՍՊԻՏԱԿՈՒՑԱՅԻՆ ԱՄԻՆԱԹԹՈՒՆԵՐԻ ԱՍԻՄԵՏՐԻԿ ՍԻՆԹԵԶՈՒՄ». ԴԱՍԱԽՈՍՈՒԹՅՈՒՆ ԵՊՀ-ՈՒՄ
Ֆարմացիայի ինստիտուտի և Քիմիայի ֆակուլտետի ուսանողների համար այսօր դասախոսությամբ հանդես եկավ Ռուսաստանի Ա.Նեսմեյանովի անվան էլեմենտօրգանական միացությունների ինստիտուտի ասիմետրիկ կատալիզի լաբորատորիայի ավագ գիտաշխատող, քիմ. գիտ. թեկնածու Վլադիմիր Լարիոնովը:

Տեղեկացնենք, որ Վլադիմիր Լարիոնովը ԵՊՀ ֆարմացիայի ինստիտուտ է ժամանել գիտական գործուղման շրջանակներում՝ ինստիտուտում կատալիզի նոր մեթոդների ներդրման նպատակով:

 

Դասախոսության սկզբում Քիմիայի ֆակուլտետի դեկանի տեղակալ Արմեն Գալստյանն ուսանողներին ներկայացրեց բանախոսին՝ փաստելով, որ վերջինս ներկայացնում է նաև Ռուսաստանի ժողովուրդների բարեկամության համալսարանը. «Վլադիմիր Լարիոնովը կներկայացնի իրենց աշխատանքները թեմայի վերաբերյալ»:

 

Վլադիմիր Լարիոնովն ուսանողներին նախևառաջ բացատրեց, թե ինչ է իրենից ներկայացնում խիրալ միացությունը՝ մարդու ձեռքերի և α-ամինաթթվի օրինակով. « Հայտնի են բազմազան օրինակներ, երբ երկու առարկա միմյանց համար հանդիսանում են հայելապատկեր, օրինակ, աջ և ձախ ձեռքը, աջ և ձախ բյուրեղը և այլն։ «Խիրալություն» տերմինն օգտագործում են այն դեպքում, երբ երկու առարկա գտնվում են նման հարաբերության մեջ»։

 

 

Բանախոսը ներկայացրեց α-ամինաթթվի կարևորությունը՝ փաստելով, որ այն սպիտակուցների և պեպտիդների «կառուցապատման նյութ» է կենդանի օրգանիզմներում. «Բացի դրանից՝ օգտագործվում է պեպտիդների մոդիֆիկացման, հակաբորբոքայինների սինթեզի համար, ինչպես նաև կիրառվում է որպես խիրալ կատալիզատոր, լիգանդ և նախնական նյութ խիրալ կատալիզատորների սինթեզի համար»:

 

Վլադիմիր Լարիոնովը խոսեց էնանտիոմերապես մաքուր α-ամինաթթուների ստացման մեթոդների մասին՝ նշելով, որ այն կարելի է ստանալ բնական հումքից,  ֆերմենտային սինթեզի, ասիմետրիկ կատալիզի և ասիմետրիկ ստեխիոմետրիկ սինթեզի շնորհիվ:

 

Այնուհետև բանախոսը ներկայացրեց էնանտիոմերապես հարստացված α-ամինաթթուների սինթեզի նոր մեթոդներ՝ Co(III) քիրալային կոմպլեքսների օգնությամբ ասիմետրիկ կատալիզի և Ni(II) խիրալային կոմպլեքսների հիման վրա ասիմետրիկ ստեխիոմետրիկ սինթեզի կիրառմամբ:

 

Քնար Միսակյան

Այլ նորություններ
ԵՊՀ ԹԻՄԸ ՈՍԿԵ ԵՎ ԱՐԾԱԹԵ ՄԵԴԱԼՆԵՐ Է ՆՎԱՃԵԼ ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ
Ավարտվել է Բուլղարիայի Բլագոևգրադ քաղաքում անցկացվող 26-րդ մաթեմատիկական միջազգային ուսանողական օլիմպիադան։ Օլիմպիադային Հայաստանը ներկայացրել է Երևանի պետական համալսարանի թիմը՝ նվաճելով 3 ոսկե և 3 արծաթե մեդալներ։
ԵՊՀ-Ի ԵՎ ՊՈԼ ՎԱԼԵՐԻ ՄՈՆՊԵԼՅԵ 3 ՀԱՄԱԼՍԱՐԱՆԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎԵԼՈՒ Է
«Erasmus+» ծրագրի շրջանակում Երևանի պետական համալսարանի և Ֆրանսիայի Պոլ Վալերի Մոնպելյե 3 համալսարանի միջև հաստատված համագործակցությունն ամրապնդվում է: Այն շարունակվելու է մինչև 2020 թվականը: