27.09.2007 | 
Հասարակություն
ՊԱՏՎԱՍՏՎՈՒՄ ԵՆ ՆԱԵՎ ԵՊՀ-ՈՒՄ
ՊԱՏՎԱՍՏՎՈՒՄ ԵՆ ՆԱԵՎ ԵՊՀ-ՈՒՄ
6-27 տարեկան բոլոր անձինք պատվաստվում են կարմրուկի եւ կարմրախտի դեմ:

Հոկտեմբերի 1-13-ը Հայաստանի Հանրապետության ողջ տարածքում իրականացվելու է նշված հիվանդությունների կանխարգելմանն ուղղված ծրագիր: Այդ օրերին մեր երկրի բոլոր պոլիկլինիկաներում լրացուցիչ անվճար պատվաստումներ կկատարվեն: 6-27 տարեկան բոլոր անձինք պետք է այցելեն իրենց տարածքի պոլիկլինիկա: 

Մեծ հիմնարկների, ուսումնական հաստատությունների համար ՀՀ առողջապահության նախարարությունը պատվաստումներ կիրականացնի տվյալ հիմնարկության տարածքում: 

Երեւանի պետական համալսարանը բացառություն չէ: Մինչեւ 27 տարեկան ուսանողներն ու համալսարանի աշխատակիցները, ըստ ԵՊՀ ուսումնական վարչության մշակած կարգի, կպատվաստվեն բուհի տարածքում` այդ նպատակով տրամադրված սենյակներում: 

Համալսարանի բուժկետը, 1-ին ուսումնական մասնաշենքի (քիմիայի, աշխարհագրության, երկրաբանության ֆակուլտետներ) 103 լսարանը, 6-րդ մասնաշենքի (պատմության, աստվածաբանության, տնտեսագիտության ֆակուլտետներ) 131 եւ 7-րդ մասնաշենքի(արեւելագիտության, ռուս բանասիրության, ռոմանագերմանական բանասիրության, ժուռնալիստիկայի ֆակուլտետներ) 109 լսարանները նախատեսված են պատվաստումներ կատարելու համար: 

Յուրաքանչյուր ֆակուլտետից կնշանակվի հատուկ պատասխանատու, ով էլ, ըստ նախօրոք կազմված ցուցակների, ուսանողներին կուղեկցի պատվաստման համար տրամադրված սենյակներ: 

Պատվաստումները կիրականացնեն ինչպես ԵՊՀ բուժկետի, այնպես էլ ուսանողական պոլիկլինիկայի աշխատակիցները: Պատվաստանյութը բարձրորակ է եւ առաջացնում է բարձր վարակամերժություն (իմունիտետ): Ալերգիայով տառապող անձանց պատվաստման վերաբերյալ որոշում բժիշկները կկայացնեն նրանց հետ զրուցելուց հետո միայն: 

Կարմրուկը եւ կարմրախտը օդակաթիլային վարակիչ հիվանդություններ են, որ մանկական մահացության եւ ուղեղի մշտական ախտահարման վտանգ են առաջացնում: Միայն 2005 թվականին կարմրուկից մահացել է 345 000 մարդ, իսկ կարմրախտի հետեւանքով յուրաքանչյուր տարի ծնվում է 100 000-ից ավելի արատավոր երեխա:

Այլ նորություններ
«ՈՒԺԵՂ ՊԵՏՈՒԹՅԱՆ ՀԻՄՔՈՒՄ ՀԶՈՐ ԳԻՏՈՒԹՅՈՒՆՆ Է». ՄՀԵՐ ԽԱՉԱՏՐՅԱՆ
ԵՊՀ ֆիզիկայի ֆակուլտետի 4-րդ կուրսի ուսանող Մհեր Խաչատրյանը ԿԳՄՍ նախարարության կազմակերպած «Հանրապետության լավագույն ուսանող-2020» մրցույթի հաղթողներից է: Մեքենայական ուսուցման ոլորտում մասնագիտացող Մհերի հետ զրուցել ենք մասնագիտության ընտրության, դրա հեռանկարների, կրթության ու գիտության զարգացմանն ուղղված քայլերի մասին:
ՀՀ ՎԱՐՉԱՊԵՏԻ ՀՐԱԺԱՐԱԿԱՆԸ ՊԱՀԱՆՋՈՂ ՑՈՒՑԱՐԱՐՆԵՐԸ ՄՏԵԼ ԵՆ ԵՊՀ
Արդեն մի քանի օր է՝ «Հայրենիքի փրկության շարժումը» վարչապետ Նիկոլ Փաշինյանի հրաժարականի պահանջով մայրաքաղաքում անհնազանդության ակցիաներ է իրականացնում: Այսօր շարժման ներկայացուցիչները մտել են ԵՊՀ, հանդիպել ռեկտորի հետ և կոչով դիմել ուսանողներին ու դասախոսներին։