14.03.2018 | 
Հասարակություն
ԼԱՎԱԳՈՒՅՆ ՈՒՍԱՆՈՂՆԵՐԸ ԿՀԱՅՏՆՎԵՆ «UCOM»-ՈՒՄ
ԼԱՎԱԳՈՒՅՆ ՈՒՍԱՆՈՂՆԵՐԸ ԿՀԱՅՏՆՎԵՆ «UCOM»-ՈՒՄ
ԵՊՀ շրջանավարտների և կարիերայի կենտրոնի և «Ucom» հեռահաղորդակցական ընկերության համագործակցության շրջանակում պետհամալսարանում կազմակերպվել էր կլոր սեղան-հանդիպում ընկերության ներկայացուցիչների հետ:

Ներկաներին նախ ողջունեց Շրջանավարտների և կարիերայի կենտրոնի տնօրեն Լիլիթ Հակոբյանը և մասնակիցներին մաղթեց արդյունավետ քննարկում:

 

Համալսարանականներին հյուրընկալվել էր «Ucom» ընկերության ներքին վերահսկողության և ռիսկերի գնահատման, ինչպես նաև անձնակազմի հավաքագրման բաժինների ներկայացուցիչները:

 

Հանդիպման հիմնական մասնակիցները ԵՊՀ մաթեմատիկայի և մեխանիկայի ֆակուլտետի ուսանողներն ու շրջանավարտներն էին:

 

Ընկերության ներքին վերահսկողության և ռիսկերի գնահատման բաժնի ղեկավար Վահրամ Տոնոյանն ուսանողներին ներկայացրեց ռիսկերի կառավարման բաժնի գործառույթները՝ ընդգծելով, որ տվյալ բաժնի աշխատանքը բարդ է, պատասխանատու և պահանջում է գիտելիքների, հմտությունների ու մասնագիտական որակների մեծ պաշար:

 

«Ucom»-ի ներկայացուցիչները պատասխանեցին նաև հանդիպման մասնակիցների հարցերին, որոնք վերաբերում էին բաժնի հիմնական գործառույթներին, աշխատանքային մեթոդներին, ինչպես նաև հեռահաղորդակցական ոլորտում գործող ընկերության հնարավոր ռիսկերին՝ համեմատած այլ գործունեություն իրականացնող կազմակերպությունների հետ:

 

Հանդիպման ավարտին Անձնակազմի հավաքագրման բաժնի մասնագետները ներկայացրին Ներքին վերահսկողության և ռիսկերի գնահատման բաժնում առկա պրակտիկայի հնարավորությունը, հիմնական պահանջները և դիմելու կարգը:

 

Ընկերության ներկայացուցիչները վստահեցնում են, որ պրակտիկայի ավարտին լավագույնները ընկերությունում աշխատելու հնարավորություն կստանան:

Այլ նորություններ
«ՀԱՅՐԵՆԱՍԻՐՈՒԹՅՈՒՆԸ ԳՈՐԾ Է. ՀԱՅՐԵՆԻՔԸ ՊԵՏՔ Է ԿԱՌՈՒՑԵԼ». ԵՊՀ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑԵԼ Է ՆՈՐ ԿԱՌՈՒՑՎՈՂ ԲՆԱԿԱՐԱՆԻ ՀԻՄՆԱՐԿԵՔԻ ԱՐԱՐՈՂՈՒԹՅԱՆԸ
ԵՊՀ պատվիրակությունն արցախյան երկօրյա այցի ընթացքում այսօր մասնակցել է «100 տուն Արցախում» ծրագրով համալսարանի կողմից ֆինանսավորվող տան կառուցման հիմնարկեքի արարողությանը։
«ՀԱՅԱՍՏԱՆ-ԱՐՑԱԽ ՄԻԱՍՆՈՒԹՅՈՒՆՆ ՈՒ ՀԱՅ ԺՈՂՈՎՐԴԻ ՄԻԱՍՆԱԿԱՆՈՒԹՅՈՒՆՆ ԱՅԼԸՆՏՐԱՆՔ ՉՈՒՆԵՆ». ԵՊՀ ՌԵԿՏՈՐԻ Ժ.Պ.-Ն ՀԱՆԴԻՊԵԼ Է ԱՀ ՆԱԽԱԳԱՀԻ ՀԵՏ
ԵՊՀ պատվիրակության արցախյան երկօրյա այցի ընթացքում այսօր ԵՊՀ ռեկտորի ժ.պ. Հովհաննես Հովհաննիսյանը և աշխատակազմի ղեկավար Դավիթ Հովհաննիսյանը հանդիպել են Արցախի Հանրապետության նախագահ Արայիկ Հարությունյանի հետ։