18.04.2022 | 
Կրթություն, Գիտություն
ԿԵՆՍԱԲԱՆՈՒԹՅԱՆ ՖԱԿՈՒԼՏԵՏԻ ՈՒԽ ՆԱԽԱՁԵՌՆՈՒԹՅԱՄԲ ԵՊՀ-ՈՒՄ ԱՆՑԿԱՑՎԵՑ «BioEXPO» («ԲիոԷՔՍՊՈ») ԵՐԿՕՐՅԱ ՑՈՒՑԱՀԱՆԴԵՍԸ
ԿԵՆՍԱԲԱՆՈՒԹՅԱՆ ՖԱԿՈՒԼՏԵՏԻ ՈՒԽ ՆԱԽԱՁԵՌՆՈՒԹՅԱՄԲ ԵՊՀ-ՈՒՄ ԱՆՑԿԱՑՎԵՑ «BioEXPO» («ԲիոԷՔՍՊՈ») ԵՐԿՕՐՅԱ ՑՈՒՑԱՀԱՆԴԵՍԸ
Ապրիլի 15-16-ը կազմակերպված միջոցառման շրջանակում ֆակուլտետի յոթ ամբիոններ ներկայացրին իրենց գործունեությունը:

Ցուցահանդեսին ներկա էին ԵՊՀ ռեկտոր Հովհաննես Հովհաննիսյանը, համալսարանի դասախոսներ, ուսանողներ, Երևանի մի շարք դպրոցների ուսուցիչներ, աշակերտներ, ԵՊՀ-ում կազմակերպված դպրոցականների օլիմպիադայի մասնակիցներ, ՀՊՄՀ-ի ուսանողներ և այլ հյուրեր։

 

 

Ներկաները հնարավորություն ունեցան ծանոթանալու ֆակուլտետում իրականցվող հետազոտական աշխատանքներին, նորագույն սարքավորումներին, որոնք կիրառվում են լաբորատոր հետազոտություններ իրականացնելիս։

 

 

Ցուցահանդեսի շրջանակում կազմակերպվեցին տարաբնույթ գիտափորձեր։ Կարևորելով միջոցառման դերն ու նշանակությունը՝ ֆակուլտետի ՈՒԽ նախագահ Թագուհի Մկրտչյանը նշեց. «Ցուցահանդեսը նպատակ ունի ներկայացնելու ֆակուլտետում իրականացվող աշխատանքները, ինչպես նաև օգնելու ներկա գտնվող աշակերտներին մասնագիտական կողմնորոշման հարցում»:

Միջոցառման ավարտին ֆակուլտետի ՈՒԽ աշխատակազմի ներկայացուցիչներին շնորհակալագրեր տրվեցին՝ կազմակերպչական աշխատանքներում ակտիվ դերակատարում ունենալու համար։

 

 

ԵՊՀ կենսաբանության ֆակուլտետի ուսխորհրդի նախաձեռնած միջոցառմանը օժանդակել էին փոխդեկան Կարեն Ղազարյան, պրոֆեսորադասախոսական կազմի այլ ներկայացուցիչներ:

Այլ նորություններ
ԳԻՏԱՃԱՆԱՉՈՂԱԿԱՆ ԱՅՑ՝ ՆՎԻՐՎԱԾ ՍԼԱՎՈՆԱԿԱՆ ԳՐԻ ԵՎ ՄՇԱԿՈՒՅԹԻ ՕՐՎԱՆ
ԵՊՀ ռուս բանասիրության ֆակուլտետի դասախոսներն ու ուսանողներն այցելեցին Լոռու մարզի Ֆիոլետովո գյուղ՝ ծանոթանալու Հայաստանում մոլոկան համայնքի ներկայացուցիչների կյանքին ու մշակույթին, ինչպես նաև տեղում ուսումնասիրելու նրանց բարբառի արդի լեզվավիճակը։
ԵՊՀ-ՈՒՄ ՏԵՂԻ ՈՒՆԵՑԱՎ ՎԱՉԱԳԱՆ ՄԱՆՈՒԿՅԱՆԻ ԱՆՎԱՆ ԿՐԹԱՄՐՑԱՆԱԿՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆԸ
Այսօր ԵՊՀ ժուռնալիստիկայի ֆակուլտետում տեղի ունեցավ Արցախյան 44-օրյա պատերազմի հերոս, գրող-հրապարակախոս Վաչագան Մանուկյանի անվան կրթաթոշակի համար հայտարարված մրցույթի արդյունքների ամփոփումը։ «Ոսկի սերմեր․ հարգանքի և երախտիքի կրթամրցանակներ» ծրագրի շրջանակում կազմակերպված մրցանակաբաշխության ընթացքում ցուցադրվեց հերոսի մասին պատմող տեսանյութ։ Մրցույթի մասնակիցներն ստացան դրամական պարգևներ և այլ մրցանակներ։