05.12.2018 | 
Կրթություն
ԲԵԼԱՌՈՒՍԻՑ ԺԱՄԱՆԱԾ ԿԵՆՍԱԲԱՆԸ ԵՊՀ-ՈՒՄ ՀԱՆԴԵՍ ԵԿԱՎ ՄԱՍՆԱԳԻՏԱԿԱՆ ԴԱՍԱԽՈՍՈՒԹՅԱՄԲ
ԲԵԼԱՌՈՒՍԻՑ ԺԱՄԱՆԱԾ ԿԵՆՍԱԲԱՆԸ ԵՊՀ-ՈՒՄ ՀԱՆԴԵՍ ԵԿԱՎ ՄԱՍՆԱԳԻՏԱԿԱՆ ԴԱՍԱԽՈՍՈՒԹՅԱՄԲ
ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնն այսօր հյուրընկալել էր Բելառուսի գիտությունների ազգային ակադեմիայի մանրէաբանության ինստիտուտի առաջատար գիտաշխատող, կենսաբանական գիտությունների թեկնածու Տատյանա Վլադիմիրի Սեմաշկոյին:

Վերջինս ուսանողների համար «Գլյուկոզօքսիդազները՝ որպես կենսավառելիքային սարքերի հիմքեր» թեմայով դասախոսություն կարդաց:  

 

Նշենք, որ Տատյանա Վլադիմիրի Սեմաշկոյի այցը կազմակերպվել է ՀՀ ԿԳՆ գիտության կոմիտեի և Բելառուսական հանրապետական հիմնադրամի կողմից տրամադրվող «ՀՀ ԿԳՆ ԳՊԿ - ՀՀԲՀՀ - 2016» միջազգային մրցույթի «Մանրէների հիդրոգենազները և գլիցերոլ օքսիդազները որպես կենսավառելիքային սարքերի կենսակատալիզատորներ» գիտական թեմայի շրջանակում: Գիտական ծրագրի հայաստանյան կողմի ղեկավարը ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթ. անդամ, կ. գ. դ., պրոֆեսոր Արմեն Թռչունյանն է, իսկ գիտական թեմայի խմբում ընդգրկված են նաև ԵՊՀ 3 աշխատակիցներ:

 

Մինչ դասախոսությունը սկսելը Տատյանա Սեմաշկոն ամբիոնի պրոֆեսորադասախոսական կազմին և ուսանողներին ներկայացրեց Բելառուսի գիտությունների ազգային ակադեմիայի մանրէաբանության ինստիտուտի հիմնական գիտահետազոտական ուղղություններն ու գիտական ձեռքբերումները:

 

 

 

Նա պատմեց կենսավառելիքային սարքերի, դրանցում կիրառվող ֆերմենտների, դրանց անջատման, մաքրման և օգտագործման հնարավորությունների մասին:

 

Հավելենք, որ Կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի դոցենտ, ավագ գիտաշխատող, կ. գ. թ. Աննա Փոլադյանը, ով նույնպես ընդգրկված է վերոհիշյալ գիտական ծրագրում, հոկտեմբերին այցելել էր Բելառուսի գիտությունների ազգային ակադեմիայի մանրէաբանության ինստիտուտ, որտեղ, բացի համատեղ իրականացրած հետազոտական աշխատանքներից, հանդես էր եկել դասախոսությամբ:

 

Նադեժդա Տեր-Աբրահամյան

 

 

Այլ նորություններ
ԱԿՏԻՎ ՈՒՍՈՒՑՈՒՄ՝ «ՇՐՋՎԱԾ ԼՍԱՐԱՆՈՒՄ». ԵՊՀ ԴԱՍԱԽՈՍՆԵՐԸ ՎԵՐԱՊԱՏՐԱՍՏՎԵԼ ԵՆ ՇՎԵԴԻԱՅՈՒՄ
ԵՊՀ աշխատակիցները դեկտեմբերի 3-ից 7-ը Շվեդիայի Լինշյոպինգի համալսարանում մասնակցել են «Ակտիվ ուսուցում շրջված լսարանում» վերապատրաստման դասընթացին:
ԵՊՀ ԴԱՍԱԽՈՍՆԵՐԸ ՄԱՍՆԱԿՑԵԼ ԵՆ ԿՈՎԿԱՍՅԱՆ ԷԿՈՌԵԳԻՈՆԻ ՊԱՀՊԱՆՄԱՆ ՊԼԱՆԻ ՎԵՐԱՆԱՅՄԱՆ ՏԱՐԱԾԱՇՐՋԱՆԱՅԻՆ ՀԱՆԴԻՊՄԱՆԸ
Բնության համաշխարհային հիմնադրամի կովկասյան մասնաճյուղը (WWF-Caucasus) դեկտեմբերի 3-7-ը Թբիլիսիում կազմակերպել էր Կովկասյան էկոռեգիոնի պահպանման պլանի վերանայման տարածաշրջանային հանդիպում, որին մասնացել են ԵՊՀ ներկայացուցիչները: