20.06.2019 | 
Հասարակություն
«ՄԵԾ ՀԱՅՔԻ ՄԱՅՐԱՔԱՂԱՔ ՏԻԳՐԱՆԱԿԵՐՏԸ ՀԱՅ-ՀՌՈՄԵԱ-ԱՌԱՋԱՎՈՐԱՍԻԱԿԱՆ ՄԻՋՊԵՏԱԿԱՆ ՓՈԽՀԱՐԱԲԵՐՈՒԹՅՈՒՆՆԵՐԻ ԿՈՆՏԵՔՍՏՈՒՄ». ԲԵԼԳՈՐՈԴՈՒՄ ԼՈՒՅՍ Է ՏԵՍԵԼ ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ԳԻՐՔԸ
«ՄԵԾ ՀԱՅՔԻ ՄԱՅՐԱՔԱՂԱՔ ՏԻԳՐԱՆԱԿԵՐՏԸ ՀԱՅ-ՀՌՈՄԵԱ-ԱՌԱՋԱՎՈՐԱՍԻԱԿԱՆ ՄԻՋՊԵՏԱԿԱՆ ՓՈԽՀԱՐԱԲԵՐՈՒԹՅՈՒՆՆԵՐԻ ԿՈՆՏԵՔՍՏՈՒՄ». ԲԵԼԳՈՐՈԴՈՒՄ ԼՈՒՅՍ Է ՏԵՍԵԼ ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ԳԻՐՔԸ
Ռուսաստանի Դոնի- Ռոստով քաղաքում օրեր առաջ լույս է տեսել ԵՊՀ պատմության ֆակուլտետի համաշխարհային պատմության ամբիոնի դոցենտ, պ.գ.դ. Հակոբ Հարությունյանի հեղինակած «Մեծ Հայքի մայրաքաղաք Տիգրանակերտը հայ-հռոմեա-առաջավորասիական միջպետական փոխհարաբերությունների կոնտեքստում» գիրքը՝ նվիրված ակադեմիկոս Գագիկ Սարգսյանի հիշատակին:

Հեղինակի խոսքով, գրքի մտահղացումը ծնվել էր դեռ ասպիրանտուրայում սովորելու տարիներին. «Իմ գիտական ղեկավար Գագիկ Սարգսյանն առաջարկեց թեկնածուական ատենախոսությունում ավելի մանրամասն ուսումնասիրել և ներկայացնել Տիգրանակերտի հին հունարեն արձանագրությունը»:

Դոցենտը խոստովանում է, որ այդ տարիներին սկսնակ լինելու պատճառով կարողացել է գրել ընդամենը 10 էջ, բայց այժմ մի ողջ մենագրություն է նվիրում նշված արձանագրությանը:


«Գրքում ներկայացված են մինչև քրիստոնեության ընդունումը՝ 296-301 թթ., հայ-հռոմեա-առաջավորասիական միջպետական փոխհարաբերությունները»,- տեղեկացրեց Հ. Հարությունյանը:


Վերջինս ուսումնասիրել է հունարեն արձանագրությունը, որի թարգմանության հարցում օգնել է Մատենադարանի գիտաշխատող բ.գ.դ. Գոհար Մուրադյանը:


Հ. Հարությունյանի համոզմամբ, այս գրքում բարձրաձայնված հարցերն արդիական են, որտեղ ներգրավված են նաև հայ հասարակության, միջպետական փոխհարաբերությունների մասին տեղեկություններ:


Նշենք նաև, որ գիրքը հասանելի է ՀՀ գրադարաններում, շուտով նաև՝ ԵՊՀ գրադարանում:

Այլ նորություններ
5 ԳԻՐՔ ԵՎ ՖԻԼՄ, ՈՐ ՊԵՏՔ Է ԿԱՐԴԱՆ ԵՎ ԴԻՏԵՆ ԻՐԱՎԱԳԵՏՆԵՐԸ. ԽՈՐՀՈՒՐԴ Է ՏԱԼԻՍ ԱՐԹՈՒՐ ՎԱՂԱՐՇՅԱՆԸ
Տարբեր մասնագիտությունների մասին պատմող գրքերն ու ֆիլմերը բազմաթիվ են, բայց քիչ են այն ֆիլմերն ու գրքերը, որոնք ոգևորում են ընթերցողին և դիտողին, թերևս, գաղտնիորեն ու նրբորեն փոխանցում մասնագիտական գաղտնիքները, նուրբ անցումներով կերտում մասնագիտական այնպիսի կերպար, որը փորձում է դառնալ լավագույնը՝ իր ճանապարհին հայտնված բազմաթիվ խնդիրներ հաղթահարելով:
«ՄԻՋԱԶԳԱՅԻՆ ԵՎ ԵՎՐՈՊԱԿԱՆ ԻՐԱՎՈՒՆՔ» ՄԱԳԻՍՏՐՈՍԱԿԱՆ ԾՐԱԳՐԻ ՇՐՋԱՆԱՎԱՐՏՆԵՐԸ ՍՏԱՑԱՆ ԻՐԵՆՑ ԴԻՊԼՈՄՆԵՐԸ
ԵՊՀ պատմության թանգարանում այսօր տեղի է ունեցել «Միջազգային և եվրոպական իրավունք» մագիստրոսական ծրագրի շրջանավարտների դիպլոմների հանձնման հանդիսավոր արարողությունը: