07.02.2018 | 
Հասարակություն
ԵՊՀ ՀՐԱՏԱՐԱԿՉՈՒԹՅԱՆ ԼՈՒՅՍԸՆԾԱՅԱԾ ԳԻՐՔԸ՝ ՄՐՑԱՆԱԿԱԿԻՐ ԳՐՔԵՐԻ ՇԱՐՔՈՒՄ
ԵՊՀ ՀՐԱՏԱՐԱԿՉՈՒԹՅԱՆ ԼՈՒՅՍԸՆԾԱՅԱԾ ԳԻՐՔԸ՝ ՄՐՑԱՆԱԿԱԿԻՐ ԳՐՔԵՐԻ ՇԱՐՔՈՒՄ
Փետրվարի 6-ին ԵՊՀ հրատարակչության լույսընծայած «Հովհաննես Շիրազ, գիրք Բ» գրքին շնորհվել է Հայաստանի գրողների միության նախագահության մրցանակ:

Նիկոլ Աղբալյանի անվան մրցանակը (գրականագիտություն) հանձնվել է ԵՊՀ հայ բանասիրության ֆակուլտետի ակադեմիկոս Հ. Թամրազյանի անվան հայ գրականության պատմության ամբիոնի վարիչ Սամվել Մուրադյանին «Հովհաննես Շիրազ, գիրք Բ» գրքի համար:

 

Սամվել Մուրադյանը 2011թ.-ից զբաղվել է Հովհաննես Շիրազի երկերի ուսումնասիրության և հրատարակության հարցով: «Հովհաննես Շիրազ» մենագրության 2-րդ գիրքը ներառում է գրականագետի այն ուսումնասիրությունները, որոնք գրվել են վերջին շրջանում: Մենագրության էջերում գրական ազգակցության տեսանկյունով ներկայացվում է Հ. Շիրազի սիրերգությունը, քննվում են նախորդ շրջանների հայ բանաստեղծների և աշուղագուսանական, ժողովրդական բանարվեստի հետ առնչությունները, քառյակները:

 

Աշխատությունում նաև առաջին ամբողջական խոսքն է ասվում «Անի» և «Թոնդրակեցիները» պատմափիլիսոփայական, ազգային ու համամարդկային ծավալուն պոեմների ինչպես գեղարվեստական յուրահատկությունների, այնպես էլ  արդիականության մասին:

 

«2011 թ.-ին ԵՊՀ ռեկտոր Արամ Սիմոնյանի գլխավորությամբ հնարավոր եղավ հրատարակել Շիրազի «Անի»-ն, որը բացառիկ է իր տեսակով: Ժամանակներ անց հրատարկվեցին նաև այլ գործեր: 2012 թ.-ին հրատարակվել է մրցանակ ստացած գրքի առաջին հատորը, մրցանակը հանձնվել է գրքի երկրորդ հատորին: Ինձ համար շատ ուրախալի է ստանալ այն, որովհետև Նիկոլ Աղբալյանի անվան մրցանակ ստանալը պատիվ է ցանկացած գրականագետի համար»,- նշել է Սամվել Մուրադյանը:

 

Հայաստանի գրողների միության նախագահ Էդվարդ Միլիտոնյանն էլ փաստել է, որ այս տարի ևս մրցանակաբաշխության ժամանակ ընտրվել են լավագույն գործերը:

Այլ նորություններ
«ԵՍ ԵՐԵՎԱՆՈՒՄ ՀԱՃԱԽ ԷԻ ՍԻՐԱՀԱՐՎՈՒՄ» ՅԱԿՈԲ ՎՈՅՍԻԿ
2010 թվականից Երևանի պետական համալսարանը տարածաշրջանի մյուս 4 առաջատար համալսարանների հետ իրականացնում է «Մարդու իրավունքները և ժողովրդավարացումը Կովկասում» մագիստրոսական ծրագիրը, որի մասնակիցներից մեկը Լեհաստանից ժամանած Յակոբ Վոյսիկն է:
ԼԵՀԱԿԱՆ ՇՈՒՆՉԸ ԵՊՀ-ԻՑ ՆԵՐՍ
Ագնիեշկա Վաշիլչուկը լեհերենի դասախոս է, Հայաստան է գործուղվել Արտերկրում լեհական կրթության զարգացման կենտրոնի կողմից: Լեհերեն է դասավանդում Երևանի պետական համալսարանում, Հայաստանում լեհերի «Պոլոնիա» միությունում և «Պոլսկա Ռոդզինա» ընկերությունում: