13.10.2017 | 
Հասարակություն, Մշակույթ
ՄԱՅՐ ԲՈՒՀԻ ՀՐԱՏԱՐԱԿԱԾ ԳՐՔԵՐԸ ՆԵՐԿԱՅԱՑՎՈՒՄ ԵՆ ԵՎՐՈՊԱՅԻ ՀԱՅ ՀԱՄԱՅՆՔՆԵՐՈՒՄ
ՄԱՅՐ ԲՈՒՀԻ ՀՐԱՏԱՐԱԿԱԾ ԳՐՔԵՐԸ ՆԵՐԿԱՅԱՑՎՈՒՄ ԵՆ ԵՎՐՈՊԱՅԻ ՀԱՅ ՀԱՄԱՅՆՔՆԵՐՈՒՄ
Հոկտեմբերի 3-8-ը Վիեննայի Հայ Առաքելական և կաթոլիկ համայնքներում ներկայացվեցին ԵՊՀ-ի վերջին տարիների հրատարակությունները:

Հոկտեմբերի 3-ին Ավստրիայի Հայ առաքելական եկեղեցական համայնքի մեծ դահլիճում տեղի ունեցավ ԵՊՀ հրատարակչության կողմից հրատարակված գրքերի ցուցահանդեսը:

Միջոցառման ընթացքում ողջույնի խոսքերով հանդես եկան Ավստրիայում ՀՀ արտակարգ և լիազոր դեսպան, ԵՊՀ պրոֆեսոր Արման Կիրակոսյանը, Համայնքային վարչության ատենապետ Վահագն Ամիրջանյանը, Ավստրիայի Հայ առաքելական համայնքի հոգևոր հովիվ տեր Անդրեաս քահանա Իսախանյանը և ուրիշներ:

Միջոցառմանը ներկա էին նաև Վիեննայի հայ համայնքի ներկայացուցիչներ, մտավորականներ, այդ թվում ՝ աշխարհահռչակ սոպրանո Հասմիկ Պապյանը:



ԵՊՀ գրահրատարակչական գործունեությունը միջոցառման մասնակիցներին ներկայացրեց ԵՊՀ հրատարակչության տնօրեն Կարեն Գրիգորյանը, որից հետո ներկաները դիտեցին ԵՊՀ վերջին տարիների ձեռքբերումների մասին պատմող տեսաֆիլմ:

Միջոցառման մշակութային հատվածում հանրաճանաչ դաշնակահարուհի Նարե Արղամանյանը հանդես եկավ հայ կոմպոզիտորների մի շարք ստեղծագործությունների ներկայացմամբ:



ԵՊՀ հրատարակչության տնօրեն Կարեն Գրիգորյանը շնորհակալություն հայտնեց Ավստրիայի Հայ առաքելական համայնքի վարչությանը, հատկապես Սուսաննա Գևորգյանին՝ միջոցառման կազմակերպմանն ակտիվ մասնակցելու համար:

Մեզ հետ զրույցում Կարեն Գրիգորյանը փաստեց, որ հրատարակչության կողմից հրատարակված գրքերը ցուցադրվել են նաև Վիեննայի Մխիթարյան միաբանության լեգենդար գրադարանում:

Նշենք նաև, որ ԵՊՀ հրատարակչությունը հոկտեմբերի 11-15-ը մասնակցելու է Ֆրանկֆուրտի գրքի միջազգային տոնավաճառին:



Այլ նորություններ
«ԵՍ ԵՐԵՎԱՆՈՒՄ ՀԱՃԱԽ ԷԻ ՍԻՐԱՀԱՐՎՈՒՄ» ՅԱԿՈԲ ՎՈԼԺԱԿ
2010 թվականից Երևանի պետական համալսարանը տարածաշրջանի մյուս 4 առաջատար համալսարանների հետ իրականացնում է «Մարդու իրավունքները և ժողովրդավարացումը Կովկասում» մագիստրոսական ծրագիրը, որի մասնակիցներից մեկը Լեհաստանից ժամանած Յակոբ Վոլժակն է:
ԼԵՀԱԿԱՆ ՇՈՒՆՉԸ ԵՊՀ-ԻՑ ՆԵՐՍ
Ագնիեշկա Վաշիլչուկը լեհերենի դասախոս է, Հայաստան է գործուղվել Արտերկրում լեհական կրթության զարգացման կենտրոնի կողմից: Լեհերեն է դասավանդում Երևանի պետական համալսարանում, Հայաստանում լեհերի «Պոլոնիա» միությունում և «Պոլսկա Ռոդզինա» ընկերությունում: