26.06.2018 | 
Կրթություն
«ՕՊՏԻԿԱՅԻ ԵՎ ՖՈՏՈՆԻԿԱՅԻ ՍԱՀՄԱՆՆԵՐԸ» ԽՈՐԱԳԻՐԸ ԿՐՈՂ ԴՊՐՈՑԸ ԵՊՀ-ՈՒՄ
«ՕՊՏԻԿԱՅԻ ԵՎ ՖՈՏՈՆԻԿԱՅԻ ՍԱՀՄԱՆՆԵՐԸ» ԽՈՐԱԳԻՐԸ ԿՐՈՂ ԴՊՐՈՑԸ ԵՊՀ-ՈՒՄ
ԵՊՀ 3-րդ մասնաշենքի Կոնֆերենց դահլիճում ընթանում է «Օպտիկայի և ֆոտոնիկայի սահմանները» խորագրով կազմակերպված դպրոցի 4-րդ օրը:

Մեզ հետ զրույցում դպրոցի կազմակերպիչներ Աստղիկ Կուզանյանը և Նարինե Գևորգյանը կիսվեցին դպրոցի նպատակների և այս ընթացքում գրանցած հաջողությունների մասին:

 

«Օպտիկայի և ֆոտոնիկայի սահմանները» դպրոցի ամենակարևոր նպատակներից մեկը ուսանողների շրջանում առկա ձեռքբերումներին և զարգացումներին ծանոթացնելն է:

 

«Նախաձեռնությունը կրում է պարբերական բնույթ,- նշեց Աստղիկ Կուզանյանը,- այն թվով արդեն 5-րդ դպրոցն է, որը կազմակերպվում է 2012 թվականից: Դպրոցը կենտրոնացած չէ մի բուհում կամ մի կազմակերպությունում, այն անցկացվում է տարբեր վայրերում, մենք համագործակցում ենք տարբեր կրթական հաստատությունների ու կազմակերպությունների հետ»:

 

 

Այս ընթացքում ուսանողներն արդեն իսկ հասցրել են ծանոթանալ ոլորտում առաջատար գիտնականների հետ, լսել նրանց դասախոսությունները ու կապեր հաստատել մի շարք առաջատար համալսարանների հետ:

 

«Մեր հիմնական նպատակն է հայ ուսանողներին ներգրավվել գիտության և տեխնիկայի համաշխարհային զարգացումների գործընթացներում, տեղեկացնել օպտիկայի և ֆոտոնիկայի ոլորտում նորությունների մասին, - ասում է Նարինե Գևորգյանը ,- ծրագրում հնարավորինս ներգրավվում ենք հայտնի համալսարանների պրոֆեսորներին»:

 

Առաջին անգամ 2012 թ.-ին կազմակերպված դպրոցի գլխավոր հյուրը հայտնի անգլիացի գիտնական Մայքլ Բերին էր:

 

Կազմակերպիչները խոսեցին նաև այն խնդիրների մասին, որոնք նրանք ստիպված են եղել հաղթահարել դպրոցի ստեղծման առաջին իսկ օրվանից մինչ այժմ:

 

«Այս տարվա հիմնական խնդիրներից մեկը ֆինանսավորման հետ էր կապված,- ասաց Նարինե Գևորգյանը:

 

Անդրադառնալով դպրոցի առաքելությանն ու նպատակներին՝ կազմակերպիչները նշեցին, որ եթե իրենք այս ընթացքում կարողացել են իրենց տրամադրած տեղեկատվությամբ և արտասահմանյան բուհերի հետ կապեր հաստատելով օգտակար լինել գոնե մեկ ուսանողի, ապա դա արդեն իսկ մեծ նշանակություն ունի իրենց համար:

 

«Այս ընթացքում մեզ համար նաև շատ կարևոր ձեռքբերում էր այն, որ մենք կարողացանք հայ և արտասահմանցի երիտասարդ գիտնականների միջև համագործակցության հարթակ ստեղծել: Հիմա մենք արդեն ունենք այդպիսի համագործակցության մի քանի օրինակ, ինչի համար և շատ ուրախ ենք»,- ասաց Աստղիկ Կուզանյանը:

 

Նարինե Գևորգյանն էլ ավելացրեց, որ «Օպտիկայի և ֆոտոնիկայի սահմանները» խորագրով դպրոցն իր բովանդակությամբ եզակի է Հայաստանում:

Անի Պողոսյան 

Այլ նորություններ
ԵՐԿՈՒ ՆՈՐ ԴԱՍԱԳԻՐՔ. ԵՊՀ-ՈՒՄ ՌՈՒՍԵՐԵՆԻ ԴԱՍԱՎԱՆԴՈՒՄՆ ԱՎԵԼԻ ԱՐԴՅՈՒՆԱՎԵՏ Է ԴԱՐՁԵԼ
ԵՊՀ ռուս բանասիրության ֆակուլտետը երկու դասագիրք է հրատարակել։
ԳԵՐՄԱՆԻԱՅԻՑ ՀՐԱՎԻՐՎԱԾ ԴԱՍԱԽՈՍԸ ՆԵՐԿԱՅԱՑՐԵՑ ՄԱՆՐԷԱԲԱՆԱԿԱՆ ԿԵՆՍԱՏԵԽՆՈԼՈԳԻԱՅԻ ՈԼՈՐՏԻՆ ԱՌՆՉՎՈՂ ՎԵՐՋԻՆ ԶԱՐԳԱՑՈՒՄՆԵՐԸ
ԵՊՀ կենսաբանության ֆակուլտետում այսօր մեկնարկեց «Մանրէաբանական կենսատեխնոլոգիայի միտումները» խորագրով դասախոսությունների շարքը, որը շարունակվելու է մինչև նոյեմբերի 8-ը: