06.12.2017 | 
Կրթություն
ԻՆՔՆԱՏԻՊ ԼԻՆԵԼՈՒ ԲԱՂԱԴՐԱՏՈՄՍ ՆՎԱՐԴ ՄԵԼՔՈՆՅԱՆԻՑ
ԻՆՔՆԱՏԻՊ ԼԻՆԵԼՈՒ ԲԱՂԱԴՐԱՏՈՄՍ ՆՎԱՐԴ ՄԵԼՔՈՆՅԱՆԻՑ
Այսօր ԵՊՀ գիտխորհրդի նիստերի դահլիճում մեկնարկեց «Գործարար իմիջ և բիզնես էթիկետ» խորագրով երկօրյա սեմինար-դասընթացը:

ԵՊՀ շրջանավարտների և կարիերայի կենտրոնի նախաձեռնությամբ անցկացվող սեմինարը վարում էր ԵՊՀ սոցիոլոգիայի ֆակուլտետի դոցենտ, «SPRING PR» ընկերության համահիմնադիր-նախագահ Նվարդ Մելքոնյանը:

 

Սեմինար-դասընթացի մասնակիցներին նախ ողջունեց, ապա հյուրին ներկայացրեց ԵՊՀ շրջանավարտների և կարիերայի կենտրոնի տնօրեն Լիլիթ Հակոբյանը:

 

«Յուրաքանչյուր հանդիպման ժամանակ, երբ դահլիճում նոր դեմքեր ենք նկատում, հասկանում ենք, որ մեր նախաձեռնությունները հետաքրքիր են ուսանողների համար, ինչը, անկասկած, հաճելի է, պարտավորեցնող և ոգևորող»,- ասաց Լիլիթ Հակոբյանը և հետաքրքիր ու արդյունավետ աշխատանքային օր մաղթեց դասընթացի մասնակիցներին:

 

Կենտրոնի տնօրենը հավելեց նաև, որ հանդիպման մասնակիցները հետագայում կարող են հայտնել դասընթացի վերաբերյալ իրենց կարծիքները, հանդես գալ առաջարկություններով, ինչը նոր ծրագրեր կազմելու ժամանակ անպայման հաշվի կառնվի:

 

Դասընթացի շրջանակում ուսանողները ծանոթացան իմիջի ձևավորման և արդյունավետ ինքնաներկայացման տեխնոլոգիաներին, գործարար իմիջի առանձնահատկություններին՝ զարգացնելով ղեկավարության, հաճախորդների և գործընկերներների հետ գործարար կապերի կառուցման հմտությունները:

 

«Իմիջի ձևավորման հմտություններն այսօր բիզնես հաջողության կարևորագույն գործոններից են: Հենց արդյունավետ ինքնաներկայանալու առանձնահատկություններն ու մյուսներից տարբերվելու հմտություններն են հարթում մարդու կերպարի և նրա բիզնեսի զարգացան ուղին»,- նշեց Նվարդ Մելքոնյանը:

 

Հանդիպումն անցնում էր ինտերակտիվ ձևաչափով. ուսանողները ելույթի ընթացքում ակտիվորեն հարցեր էին ուղղում բանախոսին, պատասխանում վերջինիս հարցերին, ինչպես նաև ներկայացնում իրենց տեսակետներն ու պատկերացումները թեմայի վերաբերյալ:

 

Համալսարանականների հետ հաջորդ հանդիպումը կկայանա դեկտեմբերի 8-ին, որի ընթացքում սեմինարավարը դասընթացի մասնակիցներին կներկայացնի նաև բիզնես էթիկետի կանոնները, գործնական խոսքի, նամակագրության և բանակցությունների առանձնահատկությունները: 

Այլ նորություններ
 «ՏՎՅԱԼՆԵՐԻ ԳԻՏՈՒԹՅՈՒՆԸ ԲԻԶՆԵՍՈՒՄ» ՄԱԳԻՍՏՐՈՍԱԿԱՆ ԾՐԱԳՐԻ ՈՐՈՇ ՈՒՍԱՆՈՂՆԵՐ ՇԱՐՈՒՆԱԿԵԼՈՒ ԵՆ ՈՒՍՈՒՄԸ ՍԱՆ ԽՈՍԵԻ ՀԱՄԱԼՍԱՐԱՆՈՒՄ
Երևանի և Սան Խոսեի պետական համալսարանների 2019 թվականին ձեռք բերված համագործակցության շնորհիվ ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագրի ընտրական փուլը հաղթահարած 2-4 ուսանող 2020 թ. սեպտեմբերից կշարունակեն ուսումն ԱՄՆ-ի Սան Խոսեի պետական համալսարանի «Data Analytics» (MS) մագիստրոսական ծրագրում։ Համագործակցության, նպատակների ու հետագա գործունեության մասին ysu.am-ը զրուցել է «Տվյալների գիտությունը բիզնեսում» մագիստրոսական ծրագրի ղեկավար Ռուբեն Գևորգյանի և ընտրական փուլ հասած ուսանողներից մի քանիսի հետ։
«ԻՆԴՈՒՍՏՐԻԱՅԻ ՕՐ» ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ
Երևանի պետական համալսարանի մաթեմատիկայի և մեխանիկայի ֆակուլտետն այսօր կազմակերպել էր «Ինդուստրիայի օր» խորագիրը կրող միջոցառում, որի նպատակն էր բարձր կուրսերի ուսանողներին հնարավորություն տալ ծանոթանալու ՏՏ ոլորտի ընկերությունների ներկայացուցիչների հետ և իրենց մագիստրոսական ծրագրի համար գտնելու համագործակցության ուղիներ։