09.08.2019 | 
Հասարակություն
ԵՊՀ-Ն ԿՐԹՈՒԹՅԱՆ ՈՐԱԿՈՎ ԱՇԽԱՐՀԻ ԼԱՎԱԳՈՒՅՆ ԲՈՒՀԵՐԻ ՑԱՆԿՈՒՄ Է
ԵՊՀ-Ն ԿՐԹՈՒԹՅԱՆ ՈՐԱԿՈՎ ԱՇԽԱՐՀԻ ԼԱՎԱԳՈՒՅՆ ԲՈՒՀԵՐԻ ՑԱՆԿՈՒՄ Է
Համալսարանների վարկանիշների համաշխարհային կենտրոնը (Center for World University Rankings) հրապարակել է աշխարհի լավագույն բուհերի ցանկը, որտեղ ընդգրկված են աշխարհի տարբեր երկրներից 2 հազար բարձրագույն ուսումնական հաստատություններ։

Երևանի պետական համալսարանը ևս ընդգրկված է այդ ցանկում՝ զբաղեցնելով 1930-րդ տեղը։ Հնարավոր 100 միավորից ԵՊՀ-ն վաստակել է 66.1 միավոր՝ առաջ անցնելով Խորվաթիայի Օսյեկի Ստրասմայերի անվան և Թուրքիայի Բահչեշեհիրի համալսարաններից, Ֆրանսիայի Նանտի կենտրոնական դպրոցից, ինչպես նաև առաջատար պետությունների այլ հայտնի բուհերից։

Աղյուսակը կազմելիս հեղինակներն առաջնորդվել են կրթության որակով, կատարված հետազոտությունների արդյունքներով, շրջանավարտների աշխատանքի անցնելու հնարավորություններով, ինչպես նաև հաշվի են առել բուհերի ֆակուլտետներում աշխատող դասախոսների միջազգային մրցանակները, պարգևներն ու մեդալները, միջազգային գիտական ամսագրերում հրատարակված աշխատատարությունների թվերը, հղման ցուցանիշները։

2 հազար բուհ ընդգրկող ցուցակում առաջին հորիզոնականները զբաղեցնում են ԱՄՆ-ի և Մեծ Բրիտանիայի բուհերը։ Առաջատարը Հարվարդի համալսարանն է, երկրորդ տեղն է զբաղեցնում Մասաչուսեթսի տեխնոլոգիական ինստիտուտը, իսկ երրորդ տեղում է Ստենդֆորդի համալսարանը։

Ցուցակն ամբողջությամբ հասանելի է այստեղ։

Այլ նորություններ
«ԺԱՄԱՆԱԿԻ ՄԵՋ ԳՈՅԻ ԻՄԱՍՏԱՎՈՐՄԱՆ ԴԱՍԵՐԸ…». ԼՈՒՅՍ Է ՏԵՍԵԼ ԳԱԳԻԿ ՀԱՐՈՒԹՅՈՒՆՅԱՆԻ ԺՈՂՈՎԱԾՈՒՆ
ԵՊՀ Պալեանների անվան դահլիճում այսօր տեղի է ունեցել Սահմանադրական ամբիոնի պրոֆեսոր, ՀՀ Սահմանադրական դատարանի նախկին նախագահ, ԲԴԽ նախկին նախագահ Գագիկ Հարությունյանի մենագրության շնորհանդեսը:
ԲՆԱՊԱՀՊԱՆՈՒԹՅԱՆ ԹԵՄԱՅՈՎ ԴԱՍԱԽՈՍՈՒԹՅՈՒՆ ԳՈՒՐԳԵՆ ՄԱՐԳԱՐՅԱՆԻ ԱՆՎԱՆ Հ. 94 ԱՎԱԳ ԴՊՐՈՑՈՒՄ
ԵՊՀ իրավագիտության ֆակուլտետի էկոլոգիական իրավունքի գիտաուսումնական կենտրոնի իրավաբան Օլիմպիա Գեղամյանն այսօր մասնագիտական թեմայով դասախոսություն է կարդացել Երևանի հ. 94 ավագ դպրոցի իրավաբանական հոսքի 11-րդ և 12-րդ դասարանների աշակերտների համար: