10.07.2019 | 
Կրթություն, Մշակույթ
ՍՈՑԻՈԼՈԳԻԱՅԻ ՖԱԿՈՒԼՏԵՏԸ ՃԱՆԱՊԱՐՀԵՑ «ՄԱՐԴԿԱՅԻՆ ՌԵՍՈՒՐՍՆԵՐԻ ԿԱՌԱՎԱՐՈՒՄ» ՄԱԳԻՍՏՐՈՍԱԿԱՆ ԾՐԱԳՐԻ ՇՐՋԱՆԱՎԱՐՏՆԵՐԻՆ
ՍՈՑԻՈԼՈԳԻԱՅԻ ՖԱԿՈՒԼՏԵՏԸ ՃԱՆԱՊԱՐՀԵՑ «ՄԱՐԴԿԱՅԻՆ ՌԵՍՈՒՐՍՆԵՐԻ ԿԱՌԱՎԱՐՈՒՄ» ՄԱԳԻՍՏՐՈՍԱԿԱՆ ԾՐԱԳՐԻ ՇՐՋԱՆԱՎԱՐՏՆԵՐԻՆ
ԵՊՀ սոցիոլոգիայի ֆակուլտետում այսօր տեղի ունեցավ «Մարդկային ռեսուրսների կառավարում» մագիստրոսական ծրագրի շրջանավարտների դիպլոմների հանձնման արարողությունը:

Միջոցառմանը ներկա էին ֆակուլտետի պրոֆեսորադասախոսական կազմի ներկայացուցիչներ, շրջանավարտների ընկերներ և հարազատներ:

 


Մինչև դիպլոմների հանձնման հանդիսավոր արարողությունը՝ «Մարդկային ռեսուրսների կառավարում» մագիստրոսական ծրագրի ղեկավար Աննա Մաքսուդյանը շնորհավորեց շրջանավարտներին, անդրադարձավ մագիստրոսական ծրագրին, ուսանողների հետ իրականացրած լայնածավալ աշխատանքներին, թվացյալ դժվարություններին և ձեռքբերումներին:

«Ի սկզբանե անհավանական էր թվում մագիստրոսական այս ծրագրի մեկնարկը: Ես տարբեր ֆակուլտետներ էի գնում հասկանալու՝ ում հետ է հնարավոր այն իրագործել: Ի վերջո, խոսելով ֆակուլտետի ղեկավարության հետ, հասկացանք, որ հենց այստեղ էլ պետք է սկիզբ դրվի ծրագրին»,- նշեց ծրագրի ղեկավարը:

Ա. Մաքսուդյանն ընդգծեց, որ շրջանավարտների հաջողությունները նկատելի են, քանի որ նրանցից շատերն արդեն ունեն աշխատանք և կիրառում են ֆակուլտետում ստացած գիտելիքները. «Մենք ունեցել ենք անմոռանալի հիշողություններ, հետաքրքիր պահեր, թվացյալ խնդիրներ, բայց այսօր ես ուրախ ու հպարտ եմ, որ դուք կայացել եք իբրև լավ մասնագետներ»:



Շրջանավարտներին շնորհավորեցին, անձնական ու գործնական հաջողություններ մաղթեցին նաև Սոցիոլոգիայի ֆակուլտետի դեկանի տեղակալ Անահիտ Սահակյանն ու Սոցիալական աշխատանքի և սոցիալական տեխնոլոգիաների ամբիոնի դոցենտ Նվարդ Մելքոնյանը:

Շրջանավարտներից Մելինե Գևորգյանը, որը սովորել է Միջազգային հարաբերությունների ֆակուլտետի բակալավրիատում, կարևորեց այս ծրագրի արդիականությունն ու նոր չափորոշիչներով աշխատաոճը:

Մագիստրոսական այս ծրագրի ընտրությունը Մելինեն պայմանավորում է ինչպես իր նեղ մասնագիտական պահանջներով, այնպես էլ աշխատաշուկայում HR մասնագետի պահանջով:

Խոսելով մագիստրոսական ծրագրի մասին՝ նա նշեց, որ այն նորույթ էր իր բովանդակությամբ և դասավանդման մեթոդիկայով:

«Մասնագիտական կրթական ծրագրերի կառավարումը շատ ճկուն է, դասավանդման մեթոդիկան ունի նոր ոճ և կազմված է բացառապես գործնական գիտելիքների հենքի վրա, այս ամենի հետ մեկտեղ կա նաև ուսանողների մեծ ներգրավվածություն»,- ասաց ուսանողուհին:

Շնորհակալական և գովեստի խոսքերին հաջորդեց դիպլոմների հանձնման հանդիսավոր արարողությունը:

Այլ նորություններ
ՄԱՍՆԱԳԻՏԱԿԱՆ ԳԻՏԵԼԻՔՆԵՐ ԵՎ ՓՈՐՁԻ ՓՈԽԱՆԱԿՈՒՄ ԵՊՀ ՖԱՐՄԱՑԻԱՅԻ ԻՆՍՏԻՏՈՒՏՈՒՄ
ԵՊՀ ֆարմացիայի ինստիտուտում այսօր «ԷՖ ԷՄ ԴԻ ՔԵՅ ԷԼ ԵՎՐՈՊԱ» (FMD K&L Europe) ՍՊԸ-ի ներկայացուցիչները հանդես են եկել մասնագիտական դասընթացով:
ԿՐԹԱԿԱՆ ՆՈՐ ԾՐԱԳԻՐ, ՈՐԸ ՆՊԱՍՏԵԼՈՒ Է ԼՐԱԳՐՈՂՆԵՐԻ ԻՐԱՎԱԿԱՆ ԳՐԱԳԻՏՈՒԹՅԱՆ ԲԱՐՁՐԱՑՄԱՆԸ
ԵՊՀ իրավագիտության ֆակուլտետի նախաձեռնությամբ և «Կոնրադ Ադենաուեր» գերմանական քաղաքական հիմնադրամի աջակցությամբ մեկնարկել է «Մեդիա իրավունք» կրթական ծրագիրը, որի նպատակն է նպաստել լրագրողների իրավական գրագիտության բարձրացմանը, այդ թվում՝ լրագրողների, իրավաբանների համար «Մեդիա իրավունք» մագիստրոսական կրթական ծրագրի միջոցով: