03.03.2022 | 
Հասարակություն
ՄԱԳԻՍՏՐՈՍՆԵՐԻ ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ՄԱԳԻՍՏՐՈՍՆԵՐԻ ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի դատական նիստերի դահլիճում այսօր տեղի է ունեցել մագիստրատուրայի շրջանավարտների դիպլոմների հանձնման հանդիսավոր արարողությունը:

Իրավագիտության ֆակուլտետի մագիստրատուրայի առաջին մագիստրոսներն ավարտել են 2001 թվականին: Այսօր արդեն իրենց դիպլոմներն են ստացել մագիստրատուրայի 22-րդ շրջանավարտները:

 

 

Ֆակուլտետի դեկան Գագիկ Ղազինյանը փաստեց, որ տարիների ընթացքում կրթական այս աստիճանը մեծապես զարգացել է, բայց և կատարելագործմանն ուղղված աշխատանքները մշտապես շարունակվելու են: Դեկանը, շնորհավորելով շրջանավարտներին, ասաց, որ այսօր ավարտվում է նրանց կյանքի կարևոր և հետաքրքիր փուլերից մեկը, իսկ առջևում էլ ավելի պատասխանատու և բարդ շրջափուլն է:

 

Գ. Ղազինյանը հորդորեց երբեք չմոռանալ ֆակուլտետը, որտեղ ձևավորվել են որպես մասնագետ և քաղաքացի, ինչպես նաև երբեք չդավաճանել մասնագիտությանը՝ անկախ հանգամանքներից և իրավիճակներից:

 

 

Դիպլոմների հանձնման հանդիսավոր արարողությանը ներկա էր ՀՀ Սահմանադրական դատարանի դատավոր Երվանդ Խունդկարյանը: Նա ասաց, որ դասախոսները միշտ հպարտանում են իրենց ուսանողների հաջողությամբ և ինչ-որ առումով մեղավոր զգում ձախողումների համար. «Աշխատեք, որ միշտ հպարտության զգացում պարգևեք ձեր դասախոսներին»:

 

 

ՀՀ գլխավոր դատախազության պետական շահերի պաշտպանության վարչության պետ Վահե Ռաֆայելյանը, շնորհավորելով ուսանողներին, հույս հայտնեց, որ նրանք իրենց մասնագիտական գործունեության ընթացքում արդյունավետորեն կկիրառեն իրենց գիտելիքները գերագույն առաքելություններից մեկի՝ արդարության զգացումը պահպանելու համար:

 

 

Ֆակուլտետի շրջանավարտ Կարոլինա Հարությունյանը շնորհակալություն հայտնեց դեկանին և պրոֆեսորադասախոսական անձնակազմին համբերության, նվիրումի, փոխանցած գիտելիքների ու հմտությունների, իսկ Գևորգ Բարսեղյանն էլ՝ այս տարիների ընթացքում ուսանողակենտրոն մոտեցման, ձևավորված ջերմ մթնոլորտի և միջավայրի համար:

 

Այլ նորություններ
ՄԻՋԱԶԳԱՅԻՆ ԳԻՏԱԳՈՐԾՆԱԿԱՆ ԳԻՏԱԺՈՂՈՎ ԵՊՀ-ՈՒՄ
Երևանի պետական համալսարանի, ԵՊՀ իրավագիտության ֆակուլտետի և ՌԴ նախագահին առընթեր Ս. Ալեքսեևի անվան մասնավոր իրավունքի գիտահետազոտական կենտրոնի միջև կնքվել է համագործակցության հուշագիր, որից հետո տեղի է ունեցել միջազգային գիտագործնական գիտաժողով:
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը: