04.06.2019 | 
Կրթություն
«ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ ԵՎ ՀԱՂՈՐԴԱԿՑԱՅԻՆ ՏԵԽՆՈԼՈԳԻԱՆԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՇՐՋԱՆԱՎԱՐՏՆԵՐԻ ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆ
«ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ ԵՎ ՀԱՂՈՐԴԱԿՑԱՅԻՆ ՏԵԽՆՈԼՈԳԻԱՆԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՇՐՋԱՆԱՎԱՐՏՆԵՐԻ ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆ
ԵՊՀ ժուռնալիստիկայի ֆակուլտետի հեռակա ուսուցման մագիստրատուրայի 2018-19 ուստարվա շրջանավարտներին այսօր հանդիսավոր արարողությամբ հանձնվեցին դիպլոմները:

Շրջանավարտներին ողջունեց ֆակուլտետի դեկան Նաղաշ Մարտիրոսյանը. «Բացառիկ մի իրավիճակ է. ունենք երեք սփյուռքահայ շրջանավարտ, և նրանց ներկայությունը ԵՊՀ ժուռնալիստիկայի ֆակուլտետի «Հասարակայնության հետ կապեր և հաղորդակցային տեխնոլոգիաներ» մագիստրոսական ծրագրում վկայում է այն իրողության մասին, որ այս ծրագիրն արդիական է, գրավիչ անգամ նրանց համար, ովքեր ճանապարհ են անցել և կայացել հայրենիքից հեռու, բայց որոշել են վերադառնալ և հայոց Մայր բուհում մասնագիտական կրթություն ստանալ»:



Շրջանավարտ, լրագրող, ժողովրդական դիվանագետ Րաֆֆի Հերմոն Արաքսը, ներկաներին պատմելով իր լրագրողական փորձառնության մասին, վերհիշեց ուսումնառության ընթացքում տպավորված պահերը՝ շնորհակալական խոսք հղելով դասախոսներին և դեկան Նաղաշ Մարտիրոսյանին:



Երախտիքի խոսքով հանդես եկան նաև շրջանավարտներ Սիլվա Կարավարդանյանը և Բեատրիս Փանոսյանը:


ԵՊՀ տպագիր և հեռարձակվող լրատվամիջոցների ամբիոնի վարիչ Մուշեղ Հովսեփյանը, շնորհավորելով շրջանավարտներին, նշեց, որ այս կուրսում սովորում էին ուսանողներ ինչպես Սփյուռքից, այնպես էլ Արցախից և Հայաստանից:



Նոր մեդիայի և հաղորդակցության ամբիոնի վարիչ Դավիթ Պետրոսյանը ևս միացավ շնորհավորանքներին՝ մաղթելով նոր հաջողություններ ու բարի երթ:

Ելույթներին հաջորդեց դիպլոմների հանձնման արարողությունը:

 

Մարի Ռաֆյան

Այլ նորություններ
ՆՈՐ ԳԻՏԵԼԻՔՆԵՐ ՄԵԴԻԱԴԱՇՏԻ ԻՐԱՎԱԿԱՆ ԿԱՐԳԱՎՈՐՈՒՄՆԵՐԻ ՎԵՐԱԲԵՐՅԱԼ. ՄԵԿՆԱՐԿԵԼ Է «ՄԵԴԻԱ ԻՐԱՎՈՒՆՔ» ԴԱՍԸՆԹԱՑԸ
ԵՊՀ իրավագիտության ֆակուլտետի նախաձեռնությամբ և «Կոնրադ Ադենաուեր» գերմանական քաղաքական հիմնադրամի աջակցությամբ մեկնարկել է «Մեդիա իրավունք» կրթական ծրագիրը, որը նպաստելու է մասնակիցների իրավական գրագիտության բարձրացմանը:
ԵՊՀ-ՈՒՄ ԿՐԹԱԿԱՆ ՀԱՄԱԿԱՐԳԻ ԵՐՐՈՐԴ ԲԱՂԱԴՐԻՉԸ ՀԱՄԱՊԱՏԱՍԽԱՆԵՑՎԵԼՈՒ Է ԲՈԼՈՆՅԱՆ ԿՐԹԱԿԱՆ ՀԱՄԱԿԱՐԳԻՆ
«Erasmus +» ծրագրի շրջանակում 2020 թվականի փետրվարից մեկնարկել է «Armdoct» եռամյա նախագիծը, որն ուղղված է Հայաստանում կրթական երրորդ աստիճանի բարեփոխմանը: