08.12.2017 | 
Ուսանողական, Հասարակություն
ՄԱՅՐ ԲՈՒՀԸ ՀՅՈՒՐԸՆԿԱԼԵԼ ԷՐ ՉԵՄՊԻՈՆՆԵՐԻՆ
ՄԱՅՐ ԲՈՒՀԸ  ՀՅՈՒՐԸՆԿԱԼԵԼ ԷՐ ՉԵՄՊԻՈՆՆԵՐԻՆ
Այսօր ԵՊՀ-ում հյուրընկալվել էին հունահռոմեական ոճի ըմբշամարտի օլիմպիական չեմպիոն Արթուր Ալեքսանյանը, աշխարհի չեմպիոններ Արսեն Ջուլֆալակյանն ու Մաքսիմ Մանուկյանը:

Մարզիկների առաջարկով հանդիպումը տեղի ունեցավ հարց ու պատասխանի ձևաչափով: Ներկաները հետաքրքրվեցին չեմպիոնների հաջողության պատմություններից, անձնական կյանքից, սպորտում նրանց մոտիվացիայից:

Ուսանողներից մեկը հետաքրքրվեց, թե ինչով է կարևոր սպորտից դուրս մասնագիտություն ունենալը:


«Վերջերս Լոզանում սեմինարներ էին անցկացվում, որտեղ քննարկվում էր, թե  ինչպես համատեղել սպորտը և ուսումը: Կարծիք հնչեց, որ մարզիկին պատանի հասակից՝ 16-17 տարեկանից, պետք է համոզել, հավատացնել ու հասկացնել, որ պարտադիր է այլ մասնագիտություն ունենալը: Դա օգնում է, որ սպորտում պրոֆեսիոնալ կարիերան ավարտելուց հետո մարզիկը կարողանա իրեն «գտնել կյանքում»»,- ասաց Արսեն Ջուլֆալակյանը, ով նաև ԵՊՀ միջազգային հարաբերությունների ֆակուլտետի ասպիրանտ է:


Արսեն Ջուլֆալակյանի խոսքով՝ պրոֆեսիոնալ մարզիկներն անկախ սպորտաձևից ունեն հոտառություն մյուս բոլոր բնագավառներում, և նրանց ծանրաբեռնվածությունն է նաև պատճառը, որ շատերն իրենց չեն փորձում այլ ոլորտներում:


«Դեռ դպրոցական տարիներից ծնողներս մեծ ուշադրություն են դարձրել ուսմանս: Ինքս ինձ չեմ պատկերացնում առանց ընթերցանության, գիտության, բայց միևնույն ժամանակ, իհարկե, ուսումն ու սպորտը համադրելն ու համատեղելը բարդ գործ են: Ցանկության դեպքում ամեն ինչ էլ հնարավոր է»,- նշեց Ջուլֆալակյանը:


Ուսանողներից մեկն էլ Արթուր Ալեքսանյանից հետաքրքրվեց սպորտում անհաջողությունների, պարտությունների ժամանակ մարզիկների տրամադրվածության փոփոխությունների ու դրանց հաղթահարման հնարավոր միջոցներից:


«Եթե պրոֆեսիոնալ մարզիկ ես, ապա պետք է պատրաստ լինես յուրաքանչյուր դժվարության: Դրանցից խուսափելու լավագույն միջոցը շարունակական պարապմունքներն ու մարզումներ են»,- նշեց Արթուր Ալեքսանյանը:


Մարզիկների մոտիվացիայից խոսելիս Արթուր Ալեքսանյանն ասաց, որ իր համար ամենաոգևորիչը հայրենակիցների արձագանքն է. «Ինձ մոտիվացնում է այն, որ հաղթանակովս մի ամբողջ ազգ է ուրախանում, այսինքն՝ կարողանում եմ մարդկանց գոնե մի քանի րոպեով կտրել իրենց հոգսերից»:


Մաքսիմ Մանուկյանն էլ հավելեց, որ իր համար ամենաոգևորիչն իր հայրանակիցներին հպարտության զգացում պարգևելն է ու հաղթական տրամադրություն հաղորդելը:


Հանդիպման ընթացքում ընթերցվեց նաև Արթուր Ալեքսանյանին ուղղված նամակը, որտեղ երկրպագուհիներից մեկը հետաքրքրվում էր, թե ինչ հատկանիշներ պետք է ունենա նրա ընտրյալը:


Արթուր Ալեքսանյանը կատակեց՝ ասելով, թե այդ հարցի մասին կարող է ժամերով խոսել, բայց առանձնացրեց իր կարծիքով ամենակարևոր բանավորության գծերը:


«Ամենակարևորը այն է, որ նա լինի խելացի, հավատարիմ ու անպայման՝ հայ»,- ընդգծեց Արթուր Ալեքսանյանը:

Հանդիպման վերջում ուսանողները լուսանկարվեցին չեմպիոնների հետ:

Այլ նորություններ
«ՍՈՑՔԵՄՓ» ՍՈՑԻԱԼԱԿԱՆ ՉԿՈՖԵՐԱՆՍՆ ԱՅՍ ՏԱՐԻ ՀԱՏՈՒԿ ՀՅՈՒՐԵՐԻ ԿԱԶՄՈՒՄ ԱՆԱԿՆԿԱԼՆԵՐ Է ԽՈՍՏԱՆՈՒՄ
ԵՊՀ սոցիոլոգիայի ֆակուլտետի ՈՒԳԸ-ն արդեն 4-րդ տարին է, ինչ նախաձեռնում է «ՍոցՔեմփ» սոցիալական ոչ ֆորմալ կոնֆերանսը կամ, ինչպես կազմակերպիչներն են ասում, չկոնֆերանսը: Այն մասնագիտական հարթակ է բոլոր նրանց համար, ովքեր ունեն վերլուծական ասելիք՝ կապված հասարակական տարբեր խնդիրների ու դրանց լուծման ուղիների հետ: Հունիսի 30-ին տեղի ունենալիք միջոցառման մասին զրուցել ենք Սոցիոլոգիայի ֆակուլտետի ՈՒԳԸ անդամ Տաթևիկ Կարապետյանի հետ:
«ՖԻԶԻԿՈՍ» ԿԱՏՈՒՆ, ՈՐՆ ԱՊՐՈՒՄ Է ԵՊՀ-ՈՒՄ
Մոլեկուլային ֆիզիկայի ամբիոնի դասախոս, ֆիզմաթ. գիտ. թեկնածու, պրոֆեսոր Վլադիմիր Ֆեոդորի Մորոզովն իր աշխատասենյակում պահում է տասնմեկամյա Մաթիլդա կատվին: Կատվի անունը «Փոքրիկը և Կառլսոնը» մուլտֆիլմից է: Ըստ Մորոզովի՝ Մաթիլդան ֆիզիկայից ավելի շատ գիտելիքներ ունի, քան որոշ ուսանողներ: