27.04.2017 | 
Մշակույթ
ԴԱՍԱԿԱՆ ԵՎ ՀՈԳԵՎՈՐ ԵՐԳԵՐԻ ՀՆՉՅՈՒՆՆԵՐԸ ԹԵՎԱԾՈՒՄ ԷԻՆ ՄԱՅՐ ԲՈՒՀՈՒՄ
ԴԱՍԱԿԱՆ ԵՎ ՀՈԳԵՎՈՐ ԵՐԳԵՐԻ ՀՆՉՅՈՒՆՆԵՐԸ ԹԵՎԱԾՈՒՄ ԷԻՆ ՄԱՅՐ ԲՈՒՀՈՒՄ
Ապրիլի 26-ին ԵՊՀ մեծ դահլիճում հանդես եկավ «Շարլոտտա» երգչախումբը՝ իր ելույթները նվիրելով Հայոց ցեղասպանության անմեղ զոհերի հիշատակին:

Ինչպես արդեն տեղեկացրել ենք, Երևանի պետական համալսարանի հրավերով ապրիլի 25-30-ը Հայաստանում է Իսրայելի «Շարլոտտա» երգչախումբը:

 

Ապրիլի 26-ի առավոտյան Ծիծեռնակաբերդի հուշահամալիրում տեղի ունեցած ելույթից հետո երգչախումբն իր կատարումներով հանդես եկավ նաև Մայր բուհում: Համերգային ծրագրում ընդգրկված էին հայ և համաշխարհային կոմպոզիտորների դասական և հոգևոր երգեր:

 

Ելույթից առաջ երգչախմբի անդամ Սիլվի Գեֆենն ասաց, որ խումբն այստեղ է, որպեսզի պատվի Հայոց ցեղասպանության զոհերի հիշատակը. «Մենք ձեզ հետ կիսում ենք վիշտը, որն ապրում եք: Հայերի նկատմամբ իրականացված ցեղասպանությունը ներում չունի, և մենք պետք է համախմբվենք ու թույլ չտանք, որ նման տեսակի ցեղասպանություններ երբևէ կրկնվեն»:

 

 

Մեզ հետ զրույցում «Շարլոտտա» երգչախմբի հայաստանյան միջոցառումները համակարգող ԵՊՀ մշակույթի կենտրոնի տնօրեն Կարինե Դավթյանը փաստեց, որ երգչախումբը համերգային ծրագրի շրջանակում ելույթ կունենա նաև Իջևանի մշակույթի տանը և Կոմիտասի անվան կամերային երաժշտության տանը: Կարինե Դավթյանը հավելեց, որ նախատեսվում են նաև այցելություններ մշակութային կենտրոններ:

 

Հիշեցնենք, որ  Իսրայելի «Շարլոտտա» երգչախումբը ստեղծվել է 1990 թ.-ին Էլի Գեֆենի կողմից, ով մինչ օրս ղեկավարում է երգչախումբը: Հանրաճանաչ երգչախումբը հեղինակություն է ձեռք բերել իր լայն երգացանկի շնորհիվ, որն ընդգրկում է դասական և հոգևոր ստեղծագործություններ:

 

Այլ նորություններ
«ՀԱՄԱԼՍԱՐԱՆԸ ՀԱՅԱԳԻՏԱԿԱՆ ՀՈՒՄԱՆԻՏԱՐ ԿԵՆՏՐՈՆ Է, ՈՐԸ ԳԻՏՈՒԹՅԱՆ ՆՎԱՃՈՒՄՆԵՐԻՆ ՈՒ ՁԵՌՔԲԵՐՈՒՄՆԵՐԻՆ ԻՄԱՍՏ ԵՎ ՀՈՂԵՂԵՆ ՄԱՐՄԻՆ Է ՏԱԼԻՍ». ՏԻԳՐԱՆ ՄԱՆՍՈՒՐՅԱՆ
ԵՊՀ Շառլ Ազնավուրի անվան մշակույթի կենտրոնում տեղի ունեցավ հանդիպում հայ կոմպոզիտոր, Հայաստանի Հանրապետության ժողովրդական արտիստ Տիգրան Մանսուրյանի հետ, որի ընթացքում համալսարանի ռեկտոր Հովհաննես Հովհաննիսյանը մաեստրոյին հանձնեց ԵՊՀ ոսկե մեդալ:
ՀԱՄԱԼՍԱՐԱՆԱԿԱՆՆԵՐԸ ԴԻՏԵՑԻՆ «…ԵՎ ՆՈՐԻՑ ԳԱՐՈՒՆ» ՆԵՐԿԱՅԱՑՈՒՄԸ
ԵՊՀ Շառլ Ազնավուրի անվան մշակույթի կենտրոնի նախաձեռնությամբ «Համալսարանական» թատրոն-ստուդիայի սաները Ս. Սարգսյանի անվան համազգային թատրոնում դիտեցին ներկայացում, որի ավարտին տեղի ունեցավ քննարկում ներկայացման ստեղծագործական և դերասանական կազմի հետ: