01.06.2019 | 
Հասարակություն
ՄԱՆՈՒԿՆԵՐԸ ԵՊՀ-ՈՒՄ ԵՎՍ ՕՐԸ ՏՈՆԻ ՎԵՐԱԾԵՑԻՆ
ՄԱՆՈՒԿՆԵՐԸ ԵՊՀ-ՈՒՄ ԵՎՍ ՕՐԸ ՏՈՆԻ ՎԵՐԱԾԵՑԻՆ
Երեխաների պաշտպանության միջազգային օրվան նվիրված՝ այսօր ԵՊՀ-ում էին հյուրընկալվել Ֆարմացիայի ինստիտուտի դասախոսների երեխաները և թոռնիկները:

Հունիսի 1-ը նշանավորվում է ոչ միայն իբրև ամռան առաջին օր, այլև Երեխաների պաշտպանության միջազգային օր: 

 

ԵՊՀ-ն ևս անմասն չմնաց  օրվա խորհրդին՝ իր հարկի տակ հյուրընկալելով մի խումբ դասախոսների երեխաներին և թոռնիկներին:

 

Մայր բուհում մթնոլորտը տոնական էր. փուչիկներ, զարդարանքներ, խաղեր, երգեր և, իհարկե, մանուկների ժպիտներ։

 

Միջոցառման կազմակերպիչներից մեկը՝ Ֆարմացիայի ինստիտուտի  ֆարմքիմիայի և ֆարմակագնոզիայի ամբիոնի վարիչ Հայարփի Սիմոնյանը մեզ հետ զրույցում նշեց, որ սա լավագույն հնարավորությունն էր՝ երեխաներին ծանոթացնելու իրենց ծնողների կամ պապիկ-տատիկների աշխատավայրին՝ սեր և ջերմություն առաջացնելով համալսարանի հանդեպ. «Ծնողներն իրենց օրվա մեծ մասն անցկացնում են այստեղ, իսկ երեխաների համար դեռևս «անիմանալի» է այդ վայրը, ուստի սա պատեհ առիթ էր՝ փոքրիկներին ծանոթացնելու և մտերմացնելու Մայր բուհի հետ»:

 

Ուսումնական աշխատանքների գծով փոխտնօրեն Սամվել Վարդապետյանն էլ նշեց, որ ինքը մտադրված էր մեկ այլ վայրում նշելու մանուկների տոնը, բայց իմանալով միջոցառման մասին՝ միացավ իր գործընկերներին: «Ես մեծ սիրով իմ երեք թոռնիկների հետ եկա այստեղ: Այսպիսի միջոցառումները մեզ՝ գործընկերներիս, ավելի են մտերմացնում, իսկ երեխաների հետ ժամանակն անցկացնելը միշտ էլ հաճելի ու ջերմ է»: 

 

Փոքրիկներից Անահիտ Գալստյանը ԵՊՀ ֆարմացիայի ինստիտուտ էր եկել մայրիկի հետ:

 

Փոքրիկն արդեն որոշել է, թե ապագայում ինչ մասնագիտություն է ընտրելու, իսկ այն հարցին, թե նորից կգա ԵՊՀ,  նա պատասխանեց. «Այստեղ ամեն ինչ հետաքրքիր և գեղեցիկ է»:

 

Տոնը նշվեց ջերմ մթնոլորտում. մանուկները ծնողների օգնությամբ մի քանի փորձեր կատարեցին, խաղեր կազմակերպեցին, մուլտֆիլմեր դիտեցին և լուսանկարվեցին:

Անգին Խաչատրյան

Այլ նորություններ
ԵՊՀ ԲՈՒՍԱԲԱՆՈՒԹՅԱՆ ԵՎ ՍՆԿԱԲԱՆՈՒԹՅԱՆ ԱՄԲԻՈՆԻ ԵՎ «ՓՈՔՐԻԿ ԻՇԽԱՆ» ԿՐԹԱՀԱՄԱԼԻՐԻ ՀԱՄԱԳՈՐԾԱԿՑՈՒԹՅՈՒՆԸ ՏԱԼԻՍ Է ԻՐ ԱՐԴՅՈՒՆՔՆԵՐԸ. ԱՇԱԿԵՐՏՆԵՐՆ ԱՐԺԱՆԱՑԵԼ ԵՆ ՀԱՏՈՒԿ ՄՐՑԱՆԱԿՆԵՐԻ
ԵՊՀ կենսաբանության ֆակուլտետի բուսաբանության և սնկաբանության ամբիոնի դասախոսների և «Փոքրիկ Իշխան» կրթահամալիրի ավագ դպրոցի սաների համատեղ նախաձեռնությամբ իրականացված գիտական հետազոտական աշխատանքների արդյունքները ներկայացվել են ՀՀ ԿԳՄՍ նախարարության կողմից կազմակերպված «Համադպրոցական գիտության փառատոնին», որտեղ սաներն արժանացել են հատուկ մրցանակի։
 «COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
ԵՊՀ տնտեսագիտության և կառավարման ֆակուլտետի «Հետազոտությունների և գործարարության կենտրոն» հիմնադրամը ԿորոնաԹեստ ընկերության հովանավորությամբ հայտարարում է մրցույթ՝ նպատակ ունենալով փնտրել ուղիներ՝ համավարակը ճնշելու հետ մեկտեղ պահպանելու տնտեսական ակտիվությունը: