24.05.2019 | 
Կրթություն
ԱԻՆ ՀՐՇԵՋ-ՓՐԿԱՐԱՐՆԵՐԸ՝ ԵՊՀ ՔԱՂՊԱՇՏՊԱՆՈՒԹՅԱՆ ԱՄԲԻՈՆԻ ԿԱԶՄԱԿԵՐՊԱԾ ԿԻՍԱՄՅԱԿԻՆ ՈՒՍՈՒՄՆԱՎԱՐԺԱՆՔԻ ՄԱՍՆԱԿԻՑՆԵՐ
ԱԻՆ ՀՐՇԵՋ-ՓՐԿԱՐԱՐՆԵՐԸ՝ ԵՊՀ ՔԱՂՊԱՇՏՊԱՆՈՒԹՅԱՆ ԱՄԲԻՈՆԻ ԿԱԶՄԱԿԵՐՊԱԾ ԿԻՍԱՄՅԱԿԻՆ ՈՒՍՈՒՄՆԱՎԱՐԺԱՆՔԻ ՄԱՍՆԱԿԻՑՆԵՐ
ԵՊՀ քաղպաշտպանության ամբիոնն այսօր անցկացրեց կիսամյակային հերթական ուսումնավարժանքը, որն այս տարի նվիրված էր ԵՊՀ հիմնադրման 100-ամյակին:

Այսօրինակ ուսումնավարժանքների նպատակն է կատարելագործել ուսանողների տեսական և գործնական ունակություններն ու հմտությունները:

Կիսամյակային ուսումնավարժանքի ծրագիրը Քաղաքացիական պաշտպանության ամբիոնի դասապրոցեսի բաղկացուցիչ մասն է, որի ընթացքում ուսանողները գործում են՝ ըստ «բեմադրված սցենարի»:



Ուսումնավարժանքին ներկա էին ոչ միայն Քաղաքացիական պաշտպանության ամբիոնի դասախոսները և ուսանողները, այլև ԵՊՀ ուսումնական աշխատանքների գծով պրոռեկտոր Մենուա Սողոմոնյանը , ԱԻ նախարարության և Երևանի փրկարարական վարչության համապատասխան ստորաբաժանումների հրշեջ-փրկարարները:



Վարժանքը մեկնարկեց տագնապային ազդանշանով: Լսարանում և շենքի կտուրում բռնկված հրդեհը փորձել էին հանգցնել սեփական ուժերով, բայց չէր ստացվել, և վարժանքի մասնակիցները ստիպված էին ուսանողներին ու դասախոսներին տարհանել: Ըստ սցենարի՝ տարհանման ընթացքում ոմանք ստացել էին վնասվածքներ՝ այրվածքներ, կոտրվածքներ և այլն:

Սցենարի գլխավոր հերոսներն Իրավագիտության ֆակուլտետի առաջին կուրսի ուսանողներն էին:



Այս անգամ տուժածներին օգնության էին հասել ոչ միայն ուսանողները, այլև դեպքի վայր ժամանած հրշեջ մեքենաները և ԱԻՆ փրկարարները:

Մանրամասն ներկայացնելով արտակարգ իրավիճակներում տարհանման կարգն ու ցույց տալով առաջին բուժօգնությունը՝ ուսանողները դարձան «բեմադրված սցենարի» գլխավոր հերոսները:



Քաղաքացիական պաշտպանության և արտակարգ իրավիճակների ամբիոնի վարիչ Սարգիս Մանուկյանը վստահեցրեց, որ տարեցտարի ավելանում է ուսանողների ներգրավվածությունն ուսումնավարժանքներին:

«Ես վստահ եմ, որ տարվա ընթացքում ձեռք բերած տեսական գիտելիքներն այժմ նրանք հմտորեն կիրառելու են» ,- նշեց ամբիոնի վարիչը:



Իրավագիտության ֆակուլտետի առաջին կուրսի ուսանող Վազգեն Մկրտչյանին, ըստ սցենարի, տրված էր հետախույզի դերը: Լավագույն կատարելով իր առաքելությունը՝ Վազգենին հաջողվեց գտնել և դուրս բերել տուժածներին:



Նրա խոսքով, նմանաբնույթ ուսումնավարժանքները հնարավորություն են ընձեռնում ուսանողներին կիրառելու տեսական գիտելիքները:

 


Անգին Խաչատրյան

Այլ նորություններ
ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ՆՊԱՏԱԿՈՎ ԱՅՑԵՐԸ ԵՎ ԵՊՀ ՀՅՈՒՐԸՆԿԱԼՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ
Երևանի պետական համալսարանի աշխարհագրության և երկրաբանության ֆակուլտետն այսօր հյուրընկալել էր Երևանի թիվ 4 հիմնական դպրոցի աշակերտներին, իսկ Երևանի թիվ 190 դպրոցը՝ ԵՊՀ ռեգիոնալ երկրաբանության և օգտակար հանածոների հետախուզման ամբիոնի դոցենտներ Ռուբեն Մովսեսյանին և Հարություն Մովսիսյանին։
«ՄԱՐԴՈՒ ԻՐԱՎՈՒՆՔՆԵՐԻ ԱԶԳԱՅԻՆ ՀԱՍՏԱՏՈՒԹՅՈՒՆՆԵՐԻ ՀԶՈՐՈՒԹՅԱՆ ԱՍՏԻՃԱՆԸ ԽՈՍՈՒՄ Է ԱՅԴ ԵՐԿՐՈՒՄ ԺՈՂՈՎՐԴԱՎԱՐՈՒԹՅԱՆ ԵՎ ՕՐԵՆՔԻ ԳԵՐԱԿԱՅՈՒԹՅԱՆ ՄԱԿԱՐԴԱԿԻ ՄԱՍԻՆ»․ ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԵՊՀ-ՈՒՄ
Երևանի պետական համալսարանի գիտխորհրդի նիստերի դահլիճում այսօր տեղի է ունեցել «Մարդու իրավունքներ և սոցիալական աշխատանք» թեմայով դասախոսություն-քննարկում, որը կազմակերպել էր Սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնը՝ ի դեմս Լիանա Մկրտչյանի։