31.03.2017 | 
Կրթություն
ԱՄՓՈՓՎԵՑ «ԵՊՀ ՕԼԻՄՊԻԱԴԱ-2017»-Ը
ԱՄՓՈՓՎԵՑ «ԵՊՀ ՕԼԻՄՊԻԱԴԱ-2017»-Ը
Այսօր ԵՊՀ մեծ դահլիճում տեղի ունեցավ «ԵՊՀ օլիմպիադա-2017»-ի փակման և պարգևատրման հանդիսավոր արարողությունը:

ԵՊՀ մինչհամալսարանական կրթության վարչության նախաձեռնությամբ արդեն 9-րդ տարին անցկացվող դպրոցական օլիմպիադային այս տարի մասնակցել են հանրակրթական դպրոցներում սովորող շուրջ 3000 աշակերտներ: Լավագույն արդյունքի հասած դպրոցականները մասնակցել են նաև օլիմպիադայի 2-րդ փուլին, որը տեղի է ունեցել Մայր բուհում: Մասնակիցներից 86-ն այսօր արժանացան I, II և III կարգերի դիպլոմների:

 

Միջոցառմանը մասնակցում էին ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը, տարբեր ֆակուլտետների դեկաններ, դասախոսներ, դպրոցների տնօրեններ, ուսուցիչներ, աշակերտներ և ուրիշներ:

 

Մայր բուհը, ընդլայնելով դպրոցների հետ իր համագործակցության շրջանակը, այսօր ևս երեք ավագ դպրոցների հետ (Սևանի, Հրազդանի համար 13 և Մ. Հերացու անվան ավագ դպրոցներ) ստորագրեց համագործակցության պայմանագիր, որը հնարավորություն կտա սերտացնելու դպրոց-բուհ կապը:

 

«ԵՊՀ ռեկտորի անունից ողջունում եմ բոլորիդ և շնորհավորում այն դպրոցներին, որոնք ակտիվ մասնակցել են մեր՝ արդեն 9-րդ աշակերտական օլիմպիական շարժմանը: Ողջունում են նաև գործընկեր դպրոցների հետ համագործակցության շրջանակը: Համալսարանն իր գործունեության մեջ մշտապես կարևորել է այս ոլորտը, որը ներառված է նաև ԵՊՀ զարգացման ռազմավարական ծրագրում: Հանրակրթական հաստատությունների հետ ամենօրյա կապը մեր ուշադրության կենտրոնում է: Այս օլիմպիադան նույնպես կարևոր է, քանի որ այն հնարավորություն է տալիս աշակերտներին ընդունելության քննություններից առաջ փորձելու իրենց ուժերը»,- ասաց պրոռեկտոր Գրիգորյանը:

 

Նշենք, որ օլիմպիադայում I, II և III կարգերի դիպլոմներ ստացած աշակերտները Մայր բուհ ընդունվելիս ուսումնառության առաջին տարում կօգտվեն ուսման վարձի 50, 40 և 30% զեղչի հնարավորությունից, որը  հաստատվել է ԵՊՀ գիտական խորհրդում:

 

 

ԵՊՀ մինչհամալսարանական կրթության վարչության պետ Վաչագան Գալստյանը մեզ հետ զրույցում նշեց, որ այս տարի ակտիվ մասնակցել են 31 դպրոցներ, որոնք պարգևատրվել են ԵՊՀ շնորհակալագրերով և գրքերով: Պարոն Գալստյանն առանձնացրեց հատկապես Երևանի Ա. Շահինյանի անվան ֆիզմաթ դպրոցի, Երևանի «Քվանտ» վարժարանի, Գորիսի համար 4 դպրոցի և Գյումրու «Ֆոտոն» վարժարանի սաների մասնակցությունը, որոնք արժանացել են տարբեր կարգերի դիպլոմների:

 

Տեղեկացնենք, որ «ԵՊՀ օլիմպիադա-2017»-ում ամենաշատ կարգերի են արժանացել հիմնականում «Անգլերեն», «Հայոց լեզու և գրականություն», «Կենսաբանություն», «Մաթեմատիկա» առարկաների գծով օլիմպիադային մասնակցած դպրոցականները: Իսկ ահա օլիմպիադայի 2-րդ փուլ անցած 397 դպրոցականներից ամենաշատը մասնակցել են «Հայոց լեզու գրականություն», «Մաթեմատիկա» առարկաների ստուգատեսներին:

 

Դպրոցականներին դիպլոմներն ու գրքերը հանձնեցին ԵՊՀ պրոռեկտոր Ալեքսանդր Գրիգորյանը, ինչպես նաև տարբեր ֆակուլտետների դեկաններ:

Այլ նորություններ
ԵՊՀ ԴԱՍԱԽՈՍՆԵՐԻ ՀԱՄԱՐ ԱՆՑԿԱՑՎԵՑ ՀԱՄԱԼՍԱՐԱՆԻ ՄԻՋԱԶԳԱՅՆԱՑՄԱՆ ՔԱՂԱՔԱԿԱՆՈՒԹՅԱՆԸ  ՆՊԱՍՏՈՂ ԴԱՍԸՆԹԱՑ
Այսօր ԵՊՀ միջազգային համագործակցության վարչությունը ԵՊՀ 2016-2020 թթ. զարգացման ռազմավարական ծրագրի շրջանակում դասախոսների համար կազմակերպել էր դասընթաց, որի նպատակն է նպաստել համալսարանի միջազգայնացման քաղաքականությանը: Նշենք, որ դասընթացների ավարտից հետո մասնակիցներին կտրվի մեկ կրեդիտ։
«ԶՈՀԻ ՀՈԳԵԲԱՆՈՒԹՅՈՒՆՆ ԻՆՁ ՀԱՄԱՐ ՉԷ». ՀԱՐՑԱԶՐՈՒՅՑ ՄԱԳԻՍՏՐԱՆՏ ՆԵԼԻ ԱԲՐԱՀԱՄՅԱՆԻ ՀԵՏ
Հայոց ցեղասպանության առջև օրեցօր ծառացող մարտահրավերներն առավել պահանջված են դարձնում հարցին տիրապետող, բանիմաց երիտասարդ մասնագետներին: