05.04.2021 | 
Հասարակություն
«COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
 «COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
ԵՊՀ տնտեսագիտության և կառավարման ֆակուլտետի «Հետազոտությունների և գործարարության կենտրոն» հիմնադրամը ԿորոնաԹեստ ընկերության հովանավորությամբ հայտարարում է մրցույթ՝ նպատակ ունենալով փնտրել ուղիներ՝ համավարակը ճնշելու հետ մեկտեղ պահպանելու տնտեսական ակտիվությունը:

Մրցույթի կազմակերպիչների հավաստմամբ, Կորոնավիրուսի տարածումը ցնցել է ոչ միայն առողջապահական համակարգը, այլև վերածվել տնտեսական համընդհանուր մարտահրավերի, ուստի անհրաժեշտ է գտնել ուղիներ, որոնք թույլ կտան պահպանելու տնտեսական ակտիվությունը՝ միաժամանակ կանխելով համավարակի տարածումը։

 

Ըստ կազմակերպիչների՝ որոշ քաղաքներում և համալսարանական քամպուսներում կիրառված ու բարձր արդյունավետություն ցուցաբերած ռազմավարություններից է պարբերական թեստավորումը, որը մաթեմատիկորեն գնահատելու նպատակով էլ հայտարարվում է «COVID-19: Ռազմավարություններ, մոդելներ, սիմուլյացիաներ» խորագրով մրցույթը:

 

Մրցույթի նպատակն է մոդելավորել համավարակի տարածումը՝ նկատի ունենալով, որ որպես ռազմավարություն կիրառվելու է «պարբերական թեստավորումը» և/կամ այլ արդյունավետ միջոցներ, և այն համեմատել ընթացիկ մոդելի հետ, որը հիմնված է ախտանիշների առկայության վրա։

 

Տեղեկացնենք, որ մրցույթին մասնակցելու համար նախնական գրանցումը տեղի կունենա մինչև ապրիլի 9-ը (գրանցումը այստեղ): Մրցույթի վերաբերյալ լրացուցիչ մանրամասներն այստեղ:

 

Մրցույթի հաղթողների համար սահմանված են ֆինանսական մրցանակներ, ըստ այդմ՝ 1-ին տեղ՝ 300.000 դրամ, 2-րդ տեղ՝ 200.000 դրամ, 3-րդ տեղ՝ 100.000 դրամ:

 

Պատրաստեց Քնար Միսակյանը

Այլ նորություններ
ԵՊՀ ԲՈՒՍԱԲԱՆՈՒԹՅԱՆ ԵՎ ՍՆԿԱԲԱՆՈՒԹՅԱՆ ԱՄԲԻՈՆԻ ԵՎ «ՓՈՔՐԻԿ ԻՇԽԱՆ» ԿՐԹԱՀԱՄԱԼԻՐԻ ՀԱՄԱԳՈՐԾԱԿՑՈՒԹՅՈՒՆԸ ՏԱԼԻՍ Է ԻՐ ԱՐԴՅՈՒՆՔՆԵՐԸ. ԱՇԱԿԵՐՏՆԵՐՆ ԱՐԺԱՆԱՑԵԼ ԵՆ ՀԱՏՈՒԿ ՄՐՑԱՆԱԿՆԵՐԻ
ԵՊՀ կենսաբանության ֆակուլտետի բուսաբանության և սնկաբանության ամբիոնի դասախոսների և «Փոքրիկ Իշխան» կրթահամալիրի ավագ դպրոցի սաների համատեղ նախաձեռնությամբ իրականացված գիտական հետազոտական աշխատանքների արդյունքները ներկայացվել են ՀՀ ԿԳՄՍ նախարարության կողմից կազմակերպված «Համադպրոցական գիտության փառատոնին», որտեղ սաներն արժանացել են հատուկ մրցանակի։
«ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՄԱՍԻՆ» ՀՀ ՕՐԵՆՔԻ ԱՌԱՆՁԻՆ ԴՐՈՒՅԹՆԵՐ ՀԱԿԱՍՈՒՄ ԵՆ ՍԱՀՄԱՆԱԴՐՈՒԹՅԱՆԸ. ՀՀ ԳԱԱ ԵՎ ԵՊՀ ՀԱՄԱՏԵՂ ՀԱՅՏԱՐԱՐՈՒԹՅՈՒՆԸ
ՀՀ ԳԱԱ-ն և ԵՊՀ-ն «Բարձրագույն կրթության և գիտության մասին» ՀՀ օրենքի (ընդունվել է ՀՀ ԱԺ-ի կողմից 24.03.2021 թվականին) որոշ կարգավորումների՝ Սահմանադրության հետ համապատասխանության վերաբերյալ համատեղ հայտարարություն են տարածել, որը բաց է գիտակրթական կազմակերպությունների և կառույցների միանալու համար: