07.05.2019 | 
Ուսանողական
«ՖԻԼԻՆՏԵԼԼԵԿՏ» ԽԱՂ-ՄՐՑՈՒՅԹ՝ ՆՎԻՐՎԱԾ ՈՒԽ 25-ԱՄՅԱԿԻՆ
«ՖԻԼԻՆՏԵԼԼԵԿՏ» ԽԱՂ-ՄՐՑՈՒՅԹ՝ ՆՎԻՐՎԱԾ ՈՒԽ 25-ԱՄՅԱԿԻՆ
ԵՊՀ Պալեանների անվան դահլիճում այսօր տեղի ունեցավ Ռուս բանասիրության ֆակուլտետի կողմից կազմակերպված «Ֆիլինտելլեկտ» (ФилИнтеллект) խաղը, որի նպատակն էր ամրապնդել ռուսական մշակույթի վերաբերյալ ուսանողների գիտելիքները:

ԵՊՀ ռուս բանասիրության ֆակուլտետի կողմից կազմակերպվող «Ֆիլինտելլեկտ» խաղն ավանդական բնույթ է կրում:

 

Ի տարբերություն ամեն տարվա ներֆակուլտետային պայքարի՝ այս տարի այն անցկացվեց ՀՀ տարբեր բուհերի միջև:

 

Հաղթանակի համար պայքարում էին Հայ-ռուսական, Մխիթար Հերացու անվան պետական բժշկական, Խաչատուր Աբովյանի անվան պետական մանկավարժական համալսարանները:

 

Մեզ հետ զրույցում ԵՊՀ ռուս բանասիրության ֆակուլտետի ՈՒԽ նախագահ Վարսենիկ Օհանյանը նշեց, որ պայմանավորված ԵՊՀ ՈՒԽ 25-ամյակի հոբելյանով՝ խաղը կազմակերպվել է նման մեծ ընդգրկմամբ:

 

Խաղը կազմված էր 3 փուլից:

 

Առաջին փուլում մասնակիցները պատասխանում էին հարցերին, երկրորդ փուլում հարցերին պատասխանելու համար սահմանված էր ժամանակացույց, իսկ երրորդ փուլում մասնակիցները պատասխանում էին հարցերին՝ ըստ ընտրած ոլորտների՝ պատմություն, մշակույթ, կինո:  

 

Խաղն անցկացվեց թեժ պայքարում: Առավելագույն միավորներ հավաքած թիմերն անցան եզրափակիչ, որի արդյունքում 34 միավոր հավաքեց Հայ-ռուսական համալսարանը, 27 միավոր՝ Մխիթար Հերացու անվան պետական բժշկական համալսարանը, իսկ 25 միավոր՝ ԵՊՀ-ն:

Հաղթող թիմերը պարգևատրվեցին պատվոգրերով և գրքերով:

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: