28.11.2016 | 
Մշակույթ
ՀԱՄԱԼՍԱՐԱՆԱԿԱՆՆԵՐԸ՝ ԱՌՆՈ ԲԱԲԱՋԱՆՅԱՆԻՆ ՆՎԻՐՎԱԾ ՀԱՄԵՐԳԻ ՄԱՍՆԱԿԻՑ
ՀԱՄԱԼՍԱՐԱՆԱԿԱՆՆԵՐԸ՝ ԱՌՆՈ ԲԱԲԱՋԱՆՅԱՆԻՆ ՆՎԻՐՎԱԾ ՀԱՄԵՐԳԻ ՄԱՍՆԱԿԻՑ
Նոյեմբերի 26-ին «Առնո Բաբաջանյան» համերգասրահում երգահանի 95-ամյակին նվիրված համերգը համախմբել էր Բաբաջանյանի արվեստի երկրպագուներին:

Միջոցառումը կազմակերպել էին «Հարմոնիա» ռուսական մշակույթի միջազգային կենտրոնը և Առնո Բաբաջանյանի հիշատակի միջազգային հիմնադրամը: Համերգին մասնակցում էին «Մենք երգում ենք Ա. Բաբաջանյանի երգերը», «Главные песни России» և «Ռուսական ռազմական երգեր» հանրապետական մրցույթների տարբեր տարիների հաղթողները և դափնեկիրները, այդ թվում՝ ԵՊՀ մշակույթի կենտրոնի անհատ կատարողները և երգչախումբը: 

           
Համերգին հնչած երգերը ուղեկցվում էին ՀՀ արվեստի վաստակավոր գործիչ, ՀՀ ժողովրդական արտիստ Երվանդ Երզնկյանի նվագախմբի կատարումներով:

«Մեզ համար մեծ պատիվ էր ներկայացնել Մայր բուհը նմանօրինակ կարևոր միջոցառմանը: Մինչ այդ՝ տարբեր տարիների, մասնակցել ենք «Հարմոնիա» կենտրոնի կողմից կազմակերպված հանրապետական մրցույթներին, որի արդյունքում էլ այժմ հնարավորություն ենք ստացել հանդես գալու այս միջոցառմանը: Մշակույթի կենտրոնի սաները շատ են սիրում Բաբաջանյանի երգերը և հնարավորինս նպաստում են դրանց տարածմանը հայ երիտասարդության շրջանում»,- նշեց ԵՊՀ մշակույթի կենտրոնի անհատ կատարող Արևիկ Պռազյանը:

Համերգի ընթացքում երգիչները կատարեցին Առնո Բաբաջանյանի հայտնի ու սիրված երգերից:         

«Այսօր մենք ունկնդրեցինք կատարումներ, որոնք մեր երիտասարդ տարիներն են հիշեցնում: Մենք գիտենք և սիրում ենք Առնո Բաբաջանյանի այս բոլոր երգերը: Շատ կարևոր է, որ այսօր ևս Հայաստանում երիտասարդները երգում են նույն երգերը»,- նշեց «Հարմոնիա» ռուսական մշակույթի միջազգային կենտրոնի նախագահ Աիդա Հարությունյանը:

 

 

Այլ նորություններ
ԿՈՐԵԵՐԵՆԻՆ ԵՎ ԿՈՐԵԱԿԱՆ ՄՇԱԿՈՒՅԹԻՆ ՆՎԻՐՎԱԾ ՑԵՐԵԿՈՒՅԹ ԵՊՀ-ՈՒՄ
ԵՊՀ միջազգային հարաբերությունների ֆակուլտետում տեղի ունեցավ կորեերենին և կորեական մշակույթին նվիրված ցերեկույթ, որի ընթացքում ԵՊՀ-ում անցկացված կորեերենի ութամսյա դասընթացի մասնակիցներին ֆակուլտետի կողմից հանձնվեցին վկայականներ։
ՏՈՆԱԿԱՆ ՀԱՄԵՐԳ ԵՊՀ-ՈՒՄ․ «YSU BAND»-Ն ԻՐ ԱՌԱՋԻՆ ՄԵՆԱՀԱՄԵՐԳԸ ՆՎԻՐԵՑ ԵՊՀ ՇՐՋԱՆԱՎԱՐՏՆԵՐԻՆ
ԵՊՀ շրջանավարտների ավարտական հանդիսությունների շրջանակում համալսարանի տարբեր մասնաշենքերի բակերում տեղի ունեցան տոնական միջոցառումներ։ Երաժշտական համարներով հանդես եկան «YSU Band», «Mad Blues Band», «By The Way Band» երաժշտական խմբերը։