18.06.2019 | 
Հասարակություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԴԱՍԱԽՈՍ ԱՆԱՀԻՏ ՄԱՆԱՍՅԱՆԸ ԹԲԻԼԻՍԻԻ ՊԵՏԱԿԱՆ ՀԱՄԱԼՍԱՐԱՆՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԴԱՍԱԽՈՍ ԱՆԱՀԻՏ ՄԱՆԱՍՅԱՆԸ ԹԲԻԼԻՍԻԻ ՊԵՏԱԿԱՆ ՀԱՄԱԼՍԱՐԱՆՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԵՊՀ սահմանադրական իրավունքի ամբիոնի դոցենտ, Արդարադատության ակադեմիայի պրոռեկտոր Անահիտ Մանասյանը՝ որպես հրավիրյալ դասախոս, հունիսի 14-ին Թբիլիսիի պետական համալսարանում հանդես է եկել դասախոսությամբ:

«Սահմանադրական կայունությունը՝ որպես կայուն ժողովրդավարության կարևորագույն գրավական» թեմայով դասախոսությունը կազմակերպվել էր Գերմանիայի միջազգային համագործակցության ընկերության (GIZ) և Թբիլիսիի պետական համալսարանի նախաձեռնությամբ:

 

Դասախոսությանը ներկա են եղել Թբիլիսիի պետական համալսարանի պրոֆեսորադասախոսական կազմի և Գերմանիայի միջազգային համագործակցության ընկերության ներկայացուցիչներ:  

 

Մեզ հետ զրույցում Անահիտ Մանասյանն ասաց, որ հանդիպման ընթացքում ծավալվել է հետաքրքիր քննարկում սահմանադրական կայունության, զարգացումների, սահմանադրական կայունության և քաղաքականության, ժամանակի ու սահմանադրական կայունության միջև կապի, սահմանադրական զարգացումների սահմանադրականության, սահմանադրական զարգացումների եղանակների արդյունավետ համադրման և իրացման, ինչպես նաև այլ հարցադրումների վերաբերյալ:

 

Նրա հավաստմամբ, քննարկվել են նաև ԵՊՀ-ի և Թբիլիսիի պետական համալսարանի իրավագիտության ֆակուլտետների միջև համագործակցությունն առավել արդյունավետ դարձնելու քայլեր:

 

Պատրաստեց Քնար Միսակյանը

Այլ նորություններ
Արի՛ ԵՊՀ 100-ամյակին նվիրված համերգին
Սիրով հրավիրում ենք ներկա գտնվելու ԵՊՀ 100-ամյակին նվիրված համերգին, որի ժամանակ ելույթ են ունենալու Aram MP3-ն, Գոռ Սուջյանը և DJ Շանթը։
ԱՈՒԴԻՈԳՐՔԵՐ. ՀԵՇՏ Է ԼՍԵԼ ԹԵ՛ ՏԱՆԸ, ԹԵ՛ ՃԱՆԱՊԱՐՀԻՆ
Գերծանրաբեռնված առօրյայի, ազատ ժամանակի սակավության պայմաններում մարդիկ հաճախ ստիպված են լինում մի քանի գործողություն միաժամանակ անել: Ընթերցելու համար ժամանակ գտնելն այսօր շատ ավելի բարդ է, քան երբևէ: Ժամանակը խնայելու, բայց միաժամանակ սիրելի վեպերը վերանայելու կամ նորերն ընթերցելու համար մեզ օգնության են հասնում աուդիոգրքերը: Եթե գիրք կարդալու ժամանակ չունեք, այն կարող եք լսել տրանսպորտում, ավտոմեքենայի ղեկին, քայլելիս, ճաշ պատրաստելիս, լողավազանում՝ հատուկ ականջակալներով: