14.04.2017 | 
Կրթություն
ՍԱՀՄԱՆԱԴՐԱԿԱՆՈՒԹՅՈՒՆ. ԱԽՏՈՐՈՇՄԱՆ ԵՎ ԿԱՌԱՎԱՐՄԱՆ ՀԻՄՆԱԽՆԴԻՐՆԵՐ
ՍԱՀՄԱՆԱԴՐԱԿԱՆՈՒԹՅՈՒՆ. ԱԽՏՈՐՈՇՄԱՆ ԵՎ ԿԱՌԱՎԱՐՄԱՆ ՀԻՄՆԱԽՆԴԻՐՆԵՐ
Այսօր ԵՊՀ տնտեսագիտության և կառավարման ֆակուլտետում մեկնարկեց տնտեսագիտության առանձին թեմաներին նվիրված սեմինարների շարքը:

Ֆակուլտետին կից գործող Սահմանադրական տնտեսագիտության գիտավերլուծական կենտրոնի կողմից կազմակերպված «Սահմանադրականություն. ախտորոշման և կառավարման հիմնախնդիրներ» թեմայով սեմինարը վարում էր ֆակուլտետի դեկան, պրոֆեսոր Հայկ Սարգսյանը:

 

Սեմինարին մասնակցում էին ոչ միայն ուսանողներ, այլև ֆակուլտետի պրոֆեսորադասախոսական կազմի ներկայացուցիչներ:

 

«Գիտության զարգացման առանձնահատկություններից մեկն այն է, որ գիտական ճյուղերն այլևս առանձին չեն զարգանում: Այսօր միջառարկայական գիտություններն են, որ առաջընթաց ու զարգացում են ապրում: Այդ ճյուղերից մեկն էլ իրավագիտության և տնտեսագիտության վրա հիմնված «Սահմանադրական տնտեսագիտություն» առարկան է, որն այսօր մեր ուսումնասիրման առանցքում է»,- նշեց Հայկ Սարգսյանը:

 

Բանախոսը նախ ներկայացրեց սահմանադրական տնտեսագիտության ուսումնասիրության առարկան, դասակարգումը, ինստիտուցիոնալիզմի և սահմանադրական տնտեսագիտության միջև առկա կապը, ինչպես նաև բնագավառի մասնագետների առաջ քաշած մեթոդներն ու մոտեցումները:

 

Պրոֆեսորն ընդգծեց, որ սահմանադրական տնտեսագիտությունն ուսումնասիրում է կանոնների (սահմանադրական) գործող հատկությունները, այն ինստիտուտները, որոնց շրջանակներում անհատները փոխազդում են, ինչպես նաև գործընթացները, որոնց միջոցով այդ կանոններն ու ինստիտուտները ծագում և ընտրվում են:

 

«Եթե ավանդական տնտեսագիտությունում վերլուծությունները կենտրոնանում են առկա սահմանափակումների շրջանակներում ընտրության վրա, ապա սահմանադրական տնտեսագիտությունը վերլուծությունը ուղղորդում է դեպի սահմանափակումների միջև ընտրությանը` այդպիսով ներկայացնելով քննության «ավելի բարձր» մակարդակ»,- հավելեց Հայկ Սարգսյանը:   

 

Հավելենք, որ սեմինարները կրելու են շարունակական բնույթ:

Այլ նորություններ
ՀԱՄԱԼՍԱՐԱՆԱԿԱՆՆԵՐԸ ՀԱՋՈՂ ԱՐԴՅՈՒՆՔՆԵՐ ԵՆ ԳՐԱՆՑԵԼ ՕԼԻՄՊԻԱԴԱՅՈՒՄ
Այսօր ԵՊՀ Ե. Չարենցի անվան դահլիճում ամփոփվեցին Ռուս բանասիրության ֆակուլտետի նախաձեռնությամբ կազմակերպված ռուսաց լեզվի օլիմպիադայի արդյունքները:
ՀՈԳԵԲԱՆԱԿԱՆ ՎԵՐՆԻՍԱԺ. ԾԱՆՈԹԱՆՈՒՄ ՈՒ ԾԱՆՈԹԱՑՆՈՒՄ ԵՆ ՀՈԳԵԲԱՆՆԵՐԸ
Արդեն 7-րդ անգամ ԵՊՀ-ում անցկացվեց հոգեբանական վերնիսաժ, որի առանձնահատկությունն այս տարի այն էր, որ մասնակցում էին նաև գործատուները: