03.10.2019 | 
Կրթություն
«ԿՈՆՐԱԴ ԱԴԵՆԱՈՒԵՐ» ՀԻՄՆԱԴՐԱՄԻ ԵՎ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆՆ ԸՆԴԼԱՅՆՎՈՒՄ Է
«ԿՈՆՐԱԴ ԱԴԵՆԱՈՒԵՐ» ՀԻՄՆԱԴՐԱՄԻ ԵՎ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆՆ ԸՆԴԼԱՅՆՎՈՒՄ Է
ԵՊՀ իրավագիտության ֆակուլտետի դեկան Գագիկ Ղազինյանը հոկտեմբերի 1-ին հյուրընկալել է «Կոնրադ Ադենաուեր» հիմնադրամի Հարավային Կովկաս տարածաշրջանային գրասենյակի ղեկավար Թոմաս Շրապելին և Երևանյան գրասենյակի ղեկավար Լիանա Մարուքյանին:

ԵՊՀ իրավագիտության ֆակուլտետի և «Կոնրադ Ադենաուեր» հիմնադրամի միջև  համագործակցությանը սկիզբ է դրվել 2018-2019 ուսումնական տարվանից:



Համագործակցություն շրջանակում ԵՊՀ իրավագիտության ֆակուլտետի 5 ուսանողներից բաղկացած թիմը հնարավորություն է ստացել մասնակցելու քրեական իրավունքի հիմնախնդիրներին նվիրված նյուրնբերգյան հեղինակավոր դատախաղ-մրցույթի՝ Գերմանիայում  ընթացող բանավոր փուլին:



Հանդիպման ընթացքում «Կոնրադ Ադենաուեր» հիմնադրամի ներկայացուցիչները հայտնեցին, որ նյուրնբերգյան դատախաղ-մրցույթում ներկայացված թիմի՝ Իրավագիտության ֆակուլտետում այս պահին սովորող ուսանողները մեկ ուսումնական տարվա ընթացքում ֆինանսական աջակցություն կստանան «Կոնրադ Ադենաուեր» հիմնադրամի կողմից:



Հանդիպման ընթացքում քննարկվել են նաև կրթական գործընթացում «Կոնրադ Ադենաուեր» հիմնադրամի կողմից հնարավոր աջակցության ոլորտները: Նախնական համաձայնություն է ձեռք բերվել լրագրողների իրավական կրթության ապահովման ոլորտում համատեղ կրթական ծրագրեր իրականացնելու, մասնավորապես՝ լրագրողների վերապատրաստման դասընթացների անցկացման, ինչպես նաև մագիստրատուրայում առանձին կրթական ծրագիր նախատեսելու ուղղությամբ:

Պատրաստեց Քնար Միսակյանը

Այլ նորություններ
ՏԵՍԱԿԱՆ ԳԻՏԵԼԻՔՆԵՐԸ ՎԵՐԱԾՎՈՒՄ ԵՆ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ․ «ՏՕՊԱՍ» ԾՐԱԳՐԻ ՀԵՐԹԱԿԱՆ ԽՈՐՀՐԴԱԿՑՈՒԹՅՈՒՆԸ ԵՊՀ-ՈՒՄ
Երևանի պետական համալսարանի տնտեսագիտության և կառավարման ֆակուլտետում այսօր տեղի է ունեցել «ՏՕՊԱՍ»-ի (TOPAS- From Theoretical-Oriented to Practical education in Agrarian Studies) «Տեսական ուղղվածությունից գործնական կրթությանը նվիրված Ագրարային կրթության» ծրագրի հերթական խորհրդակցությունը։
 «ՏՎՅԱԼՆԵՐԻ ԳԻՏՈՒԹՅՈՒՆԸ ԲԻԶՆԵՍՈՒՄ» ՄԱԳԻՍՏՐՈՍԱԿԱՆ ԾՐԱԳՐԻ ՈՐՈՇ ՈՒՍԱՆՈՂՆԵՐ ՇԱՐՈՒՆԱԿԵԼՈՒ ԵՆ ՈՒՍՈՒՄԸ ՍԱՆ ԽՈՍԵԻ ՀԱՄԱԼՍԱՐԱՆՈՒՄ
Երևանի և Սան Խոսեի պետական համալսարանների 2019 թվականին ձեռք բերված համագործակցության շնորհիվ ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագրի ընտրական փուլը հաղթահարած 2-4 ուսանող 2020 թ. սեպտեմբերից կշարունակեն ուսումն ԱՄՆ-ի Սան Խոսեի պետական համալսարանի «Data Analytics» (MS) մագիստրոսական ծրագրում։ Համագործակցության, նպատակների ու հետագա գործունեության մասին ysu.am-ը զրուցել է «Տվյալների գիտությունը բիզնեսում» մագիստրոսական ծրագրի ղեկավար Ռուբեն Գևորգյանի և ընտրական փուլ հասած ուսանողներից մի քանիսի հետ։