21.05.2019 | 
Կրթություն
ԵՊՀ-Ի ԵՎ ՉԻՆԱՍՏԱՆԻ ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԱԿԱԴԵՄԻԱՅԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆՆ ԱՄՐԱՊՆԴՎՈՒՄ Է
ԵՊՀ-Ի ԵՎ ՉԻՆԱՍՏԱՆԻ ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԱԿԱԴԵՄԻԱՅԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆՆ ԱՄՐԱՊՆԴՎՈՒՄ Է
ԵՊՀ արևելագիտության ֆակուլտետի չինագիտության կենտրոնում այսօր դասախոսություններով հանդես եկան Չինաստանի հասարակական գիտությունների ակադեմիայի գիտաշխատողներ Լի Սյան, Յույ Խունլյանը, Տան Չժի Ցաոն և Խուան Յունգուանը:

Միջազգային համագործակցության վարչության նախաձեռնությամբ տեղի ունեցած դասախոսությունները կազմակերպվել էին ԵՊՀ-ի և Չինաստանի հասարակական գիտությունների ակադեմիայի միջև հաստատված փոխհամագործակցության շրջանակում: Հիշեցնենք, որ հենց այդ ակադեմիայի աջակցությամբ է ստեղծվել Չինագիտության կենտրոնը, որի հիմնական նպատակն է նպաստել հայ-չինական հարաբերությունների ամրապնդմանը:

 

Դասախոսությունների մեկնարկից առաջ ԵՊՀ արևելագիտության ֆակուլտետի դեկան, պրոֆեսոր Ռուբեն Մելքոնյանը  փաստեց, որ կենտրոնում իրականացվում են ուսումնասիրություններ Չինաստանի պատմության և քաղաքականության վերաբերյալ, ինչպես նաև կազմակերպվում գիտական քննարկումներ ու հանդիպումներ:

 

«Չինաստանից ժամանած մեր գործընկերներն այսօր կօգնեն բացահայտել Չինաստանի արտաքին քաղաքականությունը, հասկանալ ներքին իրադրությունները, պարզել իրավական համակարգի առանձնահատկությունները և առավել մանրամասն ծանոթանալ «Մեկ գոտի, մեկ ճանապարհ» նախաձեռնությանը»,- ասաց Ռուբեն Մելքոնյանը:

 

 

«Չինական հակակոռուպցիոն մեխանիզմը», «Չինաստանի զարգացման պատմությունն արդիականացման ճանապարհին», «Չինաստանի ներքին քաղաքականությունը և նախաձեռնությունները. Մեկ գոտի, մեկ ճանապարհ» և «Մեկ գոտի, մեկ ճանապարհ նախաձեռնության հարցերը» խորագրերով դասախոսությունների ընթացքում ԵՊՀ իրավագիտության, միջազգային հարաբերությունների և արևելագիտության ֆակուլտետների ուսանողները հնարավորություն ունեցան ստանալու իրենց հետաքրքրող հարցերի պատասխանները:

 

Հիշեցնենք, որ «Մեկ գոտի, մեկ ճանապարհ» նախաձեռնությունը Չինաստանի կողմից առաջադրված բաց և տնտեսական դիվանագիտության բարձր մակարդակի նախագիծ է, նոր դարաշրջանում համագործակցության զարգացմանն ու ընդհանուր բարգավաճմանն ուղղված չինական մոդել:

 

 

Չինական կառավարության առաջարկած համագործակցության այս մոդելը միտված է՝ խթանելու «Մետաքսի ճանապարհ» նախաձեռնության շրջանակում խաղաղությունն ու համագործակցությունը, հրապարակայնությունն ու հանդուրժողականությունը, փոխադարձ ուսուցումն ու փոխշահավետությունը: Այս նախաձեռնության ակտիվ գործընկերներից է նաև Հայաստանը:

 

Քնար Միսակյան

Այլ նորություններ
ԵՊՀ-ՈՒՄ ՏԵՂԻ Է ՈՒՆԵՑԵԼ ԻԻՀ ԽՈՐՀՐԴԱՐԱՆԻ ՀԱՅԱԶԳԻ ՊԱՏԳԱՄԱՎՈՐԻ ՊԱՐՍԿԵՐԵՆ ՄԵՆԱԳՐՈՒԹՅԱՆ ՇՆՈՐՀԱՆԴԵՍԸ
ԵՊՀ արևելագիտություն ֆակուլտետի իրանագիտության ամբիոնում այսօր տեղի են ունեցել ԻԻՀ խորհրդարանի հայազգի պատգամավոր, պատմագիտության դոկտոր Կարեն Խանլարյանի «Հայաստանի աշխարհագրության սահմանումը ըստ իսլամական աղբյուրների» պարսկերեն մենագրության շնորհանդեսը և հեղինակի հետ հանդիպումը։
ՍԱՀՄԱՆՎԵԼ Է ԵՊՀ 2019-2020 ՈՒՍՈՒՄՆԱԿԱՆ ՏԱՐՎԱ ՀԱՄԱՐ ՄԻՋԻՆ ՈՐԱԿԱԿԱՆ ԳՆԱՀԱՏԱԿԱՆԻ (ՄՈԳ) ՇԵՄԸ
ԵՊՀ-ում 2019-2020 ուսումնական տարվա համար միջին որակական գնահատականի (ՄՈԳ) շեմը բակալավրիատում սահմանվել է 11.00-ն, իսկ մագիստրատուրայում՝ 15.00-ն: