07.09.2017 | 
Քաղաքականություն
ՉԻՆԱՍՏԱՆԻ ՀԵՏ ՀԱՄԱԳՈՐԾԱԿՑՈՒԹՅԱՆ ՇՐՋԱՆԱԿՆ ԸՆԴԼԱՅՆՎՈՒՄ Է
ՉԻՆԱՍՏԱՆԻ ՀԵՏ ՀԱՄԱԳՈՐԾԱԿՑՈՒԹՅԱՆ ՇՐՋԱՆԱԿՆ ԸՆԴԼԱՅՆՎՈՒՄ Է
Այսօր ԵՊՀ ռեկտոր Արամ Սիմոնյանը ընդունեց Չինաստանի հասարակական գիտությունների ակադեմիայի պատվիրակությանը:

Ռեկտորը հյուրերին ներկայացրեց ԵՊՀ պատմությունը, ուսումնագիտական գործընթացն ու միջազգային համագործակցությունը՝ մատնանշելով արևելյան երկրների և մասնավորապես չինական կրթական հաստատությունների հետ արդյունավետ փոխգործակցության ոլորտներն ու զարգացման միտումները:

 

Հանդիպմանը ներկա էին նաև ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը, գիտական քաղաքականության և միջազգային համագործակցության գծով պրոռեկտոր Գեղամ Գևորգյանը, ինչպես նաև Միջազգային համագործակցության վարչության պետ Ալեքսանդր Մարգարովը:

 

«Պետք է ասել, որ Մայր բուհը Չինաստանի մի շարք բուհերի հետ բավականին ակտիվ է համագործակցում, սակայն մենք պատրաստակամ ենք այդ համագործակցությունն ընդլայնել և նոր գործընկերներ ձեռք բերել»,- նշեց Արամ Սիմոնյանը:

 

Չինաստանի հասարակական գիտությունների ակադեմիայի Ռուսաստանի, Արևելյան Եվրոպայի և Կենտրոնական Ասիայի ինստիտուտի տնօրենի տեղակալ Սոն Լին շնորհակալություն հայտնեց ընդունելության և հարուստ տեղեկատվության համար ու ընդգծեց, որ Երևանի պետական համալսարանն իր գիտական ներուժով հայտնի է ոչ միայն տարածաշրջանում, այլև Չինաստանում:

 

«Չնայած մեր ակադեմիան շատ ավելի երիտասարդ կառույց է, քան հարյուրամյա պատմություն ունեցող Մայր բուհը, սակայն բավականին մեծ է, լուրջ ներուժ ունի և իր մեջ մի քանի տասնյակ ինստիտուտներ է ներառում»,- ներկայացրեց հյուրը և հավելեց, որ պատրաստ են քննարկելու ԵՊՀ-ի հետ փոխգործակցություն սկսելու բոլոր ուղիները:

 

Չինաստանի հասարակական գիտությունների ակադեմիայի «Մեկ գոտի և մեկ ուղի» հետազոտական կենտրոնի գլխավոր քարտուղար Վան Սյաոցյունն էլ ԵՊՀ ռեկտորին հանձնեց կրթօջախների միջև փոխգործակցություն սկսելու հուշագրի օրինակը և ակադեմիայի նախագահի պաշտոնական նամակը:  

 

Արամ Սիմոնյանը խոստացավ հնարավորինս սեղմ ժամկետում ուսումնասիրել այն ու պատասխանել չինացի գործընկերներին:

Այլ նորություններ
ԵՊՀ ԴԱՍԱԽՈՍԸ ՆԵՐԿԱՅԱՑՐԵՑ ԲԱՐՈՅԱԿԱՆ ՀԱՍԱՐԱԿԱՐԳ ԿԱՌՈՒՑԵԼՈՒ ՀԱՄԱՐ ԱՆՀՐԱԺԵՇՏ ՍԱՀՄԱՆԱԴՐՈՒԹՅԱՆ ՈՒՐՎԱԳԻԾԸ
ԵՊՀ ֆիզիկայի ֆակուլտետի դասախոս Մերուժան Հարությունյանն այսօր ԵՊՀ-ում հանրային քննարկմանը ներկայացրեց իր կազմած «Բարոյակարգ հաստատելու դրույթները» վերնագրով 18-էջանոց առաջարկությունների ձեռնարկը:
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԴԵԿԱՆ Է ՎԵՐԸՆՏՐՎԵԼ ԱՐԾՐՈՒՆ ԱՎԱԳՅԱՆԸ
Այսօր ԵՊՀ հայ բանասիրության ֆակուլտետի գիտխորհրդի նիստում փակ, գաղտնի քվեարկությամբ, 32 կողմ և 3 անվավեր ձայների հարաբերակցությամբ ֆակուլտետի դեկան է վերընտրվել բանասիրական գիտությունների դոկտոր, պրոֆեսոր Արծրուն Ավագյանը: