08.05.2018 | 
Քաղաքականություն
ԵՊՀ-Ն ՈՒ ՖՐԱՆՇ-ԿՈՄՏԵԻ ՀԱՄԱԼՍԱՐԱՆԸ ԿՀԱՄԱԳՈՐԾԱԿՑԵՆ ՃՇԳՐԻՏ ԳԻՏՈՒԹՅՈՒՆՆԵՐԻ ՈԼՈՐՏՈՒՄ
ԵՊՀ-Ն ՈՒ ՖՐԱՆՇ-ԿՈՄՏԵԻ ՀԱՄԱԼՍԱՐԱՆԸ ԿՀԱՄԱԳՈՐԾԱԿՑԵՆ ՃՇԳՐԻՏ ԳԻՏՈՒԹՅՈՒՆՆԵՐԻ ՈԼՈՐՏՈՒՄ
Այսօր ԵՊՀ ռեկտորի աշխատասենյակում համագործակցության հուշագիր ստորագրվեց Մայր բուհի և Բուրգունդիա Ֆրանշ-Կոմտե համալսարանի միջև:

Ռեկտոր Արամ Սիմոնյանը հյուրընկալեց Բուրգունդիա Ֆրանշ-Կոմտե համալսարանի պատվիրակությանը, որը ղեկավարում էր արտասահմանյան բուհի նախագահ Նիկոլա Շեյլեն: Պատվիրակության կազմում էին նաև պրոֆեսոր Քլաուդ Լերոյը, Կրթության միջազգայնացման ծրագրերի ղեկավար Եվգենիա Փաշայան-Լերոյը:

 

Հանդիպմանը ներկա էին ԵՊՀ պրոռեկտորներ Ալեքսանդր Գրիգորյանն ու Գեղամ Գևորգյանը, Միջազգային համագործակցության վարչության պետ Ալեքսանդր Մարգարովը, ինչպես նաև բնագիտական թևի ֆակուլտետների դեկաններ Վահրամ Դումանյանը, Էմիլ Գևորգյանը, Տարիել Ղոչիկյանը, Ռոլանդ Ավագյանն ու Տեղեկատվական տեխնոլոգիաների կրթական և հետազոտական կենտրոնի ղեկավար Սամվել Շուքուրյանը:

 

Ա. Սիմոնյանը հյուրերին ներկայացրեց ԵՊՀ ուսումնագիտական գործունեությունը, միջազգային համագործակցությունը, ինչպես նաև բուհի զարգացման հիմնական ուղղություններն ու հեռանկարները:

 

«Մենք կարևորում ենք միջազգային համագործակցության և արտասահմանյան հեղինակավոր բուհերի հետ գիտական կապերի ընդլայնումը: Վստահ եմ, որ այսօր ձեռք բերված համաձայնությունները թղթի վրա չեն մնա և համատեղ ջանքերով կյանքի կկոչվեն»,- նշեց ԵՊՀ ռեկտորը:

 

Տեխնիկական և բնական գիտությունների ուղղվածություն ունեցող Ֆրանշ-Կոմտե համալսարանի նախագահ Նիկոլա Շեյլեն շնորհակալություն հայտնեց ջերմ ընդունելության համար և նույնպես հակիրճ ներկայացրեց ֆրանսիական բուհի կառուցվածքը, ուսումնական գործընթացի մեթոդաբանությունը, գիտահետազոտական ուղղվածությունը, միջազգային համագործակցությունը՝ հատկապես կարևորելով ԵՊՀ-ի հետ փոխգործակցությունը:

 

«Ֆրանշ-Կոմտե համալսարանը զարգացման կարևորագույն փուլում գտնվում՝ անընդհատ կատարելագործվելով և կրթական ու գիտական ծրագրերը հարմարեցնելով ժամանակի մարտահրավերներն»,- ասաց Նիկոլա Շեյլեն և հավելեց, որ Ֆրանշ-Կոմտե համալսարանում փայլուն հայ ուսանողներ կան, ովքեր բարձր են պահում Մայր բուհի հեղինակությունը:

 

Այնուհետև համալսարանականներն արտասահմանցի գործընկերներին ներկայացրին միջազգային կրթական կառույցների և նախագծերի շրջանակում իրականացված հաջողված ծրագրերը:

 

Հանդիպումից հետո կողմերը հուշանվերներ փոխանակեցին և նախնական պայմանավորվածություն ձեռք բերեցին ակտիվացնել գործնական քայլերը համատեղ կոնկրետ ծրագրեր իրականացնելու ուղղությամբ:

Այլ նորություններ
ՀԱՄԱՊԱՏԱՍԽԱՆ ՔԱՆԱԿԻ ԿՐԵԴԻՏՆԵՐ ՉՀԱՎԱՔԱԾ ԵՎ ՈՒՍՄԱՆ ՎԱՐՁԵՐԸ ՉՎՃԱՐԱԾ ՈՒՍԱՆՈՂՆԵՐԸ ԿՀԵՌԱՑՎԵՆ. ԵՊՀ ՌԵԿՏՈՐԱՏԻ ՆԻՍՏՈՒՄ ԱՄՓՈՓՎԵՑ ՔՆՆԱՇՐՋԱՆԸ
Այսօր ԵՊՀ գիտխորհրդի նիստերի դահլիճում տեղի ունեցավ ռեկտորատի հերթական նիստը, որի ընթացքում ամփոփվեց 2017-2018 ուստարվա երկրորդ կիսամյակի քննաշրջանը:
4 ԴԵԿԱՆՆԵՐԻ ՈՒ 31 ԱՄԲԻՈՆԻ ՎԱՐԻՉՆԵՐԻ ԸՆՏՐՈՒԹՅՈՒՆՆԵՐԻ ՀԱՍՏԱՏՈՒՄ, ՆՈՐ ՊՐՈՖԵՍՈՐՆԵՐ, ԴՈՑԵՆՏՆԵՐ. ԹԵԺ ՔՆՆԱՐԿՈՒՄ՝ ԵՊՀ ԳԻՏԽՈՐՀՐԴՈՒՄ
Այսօր ԵՊՀ գիտխորհրդի նիստերի դահլիճում տեղի ունեցավ գիտխորհրդի հերթական նիստը, որի օրակարգում ընդգրկված էին ութ օրակարգային և մի քանի ընթացիկ հարցեր: