12.06.2018 | 
Կրթություն
ԳԵՐՄԱՆԻԱՅԻ ՀՈՒՄԲՈԼԴՏԻ ՀԱՄԱԼՍԱՐԱՆԻ ԵՎ ԵՊՀ-Ի ՄԻՋԵՎ ՇԱՐՈՒՆԱԿՎՈՒՄ Է ՀԱՄԱԳՈՐԾԱԿՑՈՒԹՅՈՒՆԸ
ԳԵՐՄԱՆԻԱՅԻ ՀՈՒՄԲՈԼԴՏԻ ՀԱՄԱԼՍԱՐԱՆԻ ԵՎ ԵՊՀ-Ի ՄԻՋԵՎ ՇԱՐՈՒՆԱԿՎՈՒՄ Է ՀԱՄԱԳՈՐԾԱԿՑՈՒԹՅՈՒՆԸ
ԵՊՀ-ի հետ «Erasmus+» ծրագրի համագործակցության շրջանակում ԵՊՀ կենսաբանության ֆակուլտետի կենդանաբանության ամբիոնը հյուրընկալել է Գերմանիայի Հումբոլդտի համալսարանի (Humboldt University of Berlin) ուսանողներին:

Նշենք, որ ուսանողները ԵՊՀ էին այցելել դիպլոմային աշխատանքներն ավարտին հասցնելու և վերջին կուրսի դասընթացներն անցնելու նպատակով: Նրանք նաև հունիսի 7-ից 10-ն ուսումնական պրակտիկա են անցել Շիրակի մարզում, որը կազմակերպել էին Շիրակի պետական համալսարանի աշխատակիցները:

Ուսումնասիրության առարկան էր «Կենսաբանության հետազոտման արդի մեթոդների և աշխարհագրական մեթոդների համատեղումը», որի շրջանակում Գերմանիայի Հումբոլդտի համալսարանի ուսանողները Կենդանաբանության ֆակուլտետի ուսանողների և «WWF» հայաստանյան կազմակերպության մասնագետների հետ մայիսի 7-ից 13-ը դաշտային պրակտիկա են անցել նաև Խոսրովի արգելոցում:

Ի դեպ, նույն ծրագրի շրջանակում Կենդանաբանության ֆակուլտետի երկու ուսանողներ այժմ Հումբոլդտի համալսարանում են սովորում: Ծրագիրը գործում է նաև պրոֆեսորադասախոսական կազմի համար: Այդ նպատակով Կենսաբանության ֆակուլտետի կենդանաբանության ամբիոնի դասախոսները 2018 թվականի հունվար-փետրվար ամիսներին մեկնել են Գերմանիա, իսկ սեպտեմբերին սպասվում են պատասխան այցեր:

Այլ նորություններ
ԵՐԻՏԱՍԱՐԴ ԿԵՆՍԱԲԱՆՆԵՐԻ ՄԻՋԱԶԳԱՅԻՆ ԳԻՏԱԺՈՂՈՎ ԾԱՂԿԱՁՈՐՈՒՄ
Հոկտեմբերի 5-7-ը տեղ է ունեցել «Կենսաբազմազանություն ու վայրի բնության պահպանության էկոլոգիական հիմնախնդիրներ» թեմայով ԳԱԱ 75-ամյակին նվիրված երիտասարդ գիտնականների երկրորդ միջազգային գիտաժողովը, որն անցկացվել է Ծաղկաձորում:
«L’ANCILLAIRE» ԿԱԶՄԱԿԵՐՊՈՒԹՅԱՆ ՆԵՐԿԱՅԱՑՈՒՑԻՉՆԵՐԸ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
Ֆրանսիայի «L՛Ancillaire» մշակութային, տնտեսական և սոցիալական զարգացման կազմակերպության գլխավոր քարտուղար Բեռնար Հոլասյանը և ՀՀ-ում կազմակերպության ներկայացուցիչ Վարուժան Աբելյանը հոկտեմբերի 9-ին հյուրընկալվեցին ԵՊՀ իրավագիտության ֆակուլտետում: