Անվանի հայագետ Մայքլ Սթոունը Երուսաղեմի եբրայական համալսարանի պատվավոր պրոֆեսոր է: Հայագիտության կենտրոնը նա հիմնել է 1967 թ., որը գործում է առ այսօր: Մայքլ Սթոունը հիմնադրել և նախագահել է նաև «Հայագիտության միջազգային ընկերակցությունը», որն այսօր հայագիտության առաջատար կազմակերպություններից մեկն է:
Մայքլ Սթոունին և Ռուվեն Ամիտային հյուրընկալեց ԵՊՀ ռեկտորի ժամանակավոր պաշտոնակատար Գեղամ Գևորգյանը: Հանդիպման ընթացքում, որին ներկա էր նաև ԵՊՀ միջազգային համագործակցության վարչության պետ Ալեքսանդր Մարգարովը, Երուսաղեմի եբրայական համալսարանի հայագիտության կենտրոնի ներկայացուցիչները պատմեցին իրենց գործունեության մասին: 
Կողմերը քննարկեցին նաև երկու կառույցների միջև հաստատված համագործակցությունն առավել արդյունավետ դարձնելու ուղիները: Գեղամ Գևորգյանը փաստեց, որ պատրաստ է աջակցելու երկկողմ գաղափարների իրականացմանը:
ԵՊՀ ռեկտորի ժամանակավոր պաշտոնակատարը Մայքլ Սթոունին և Ռուվեն Ամիտային հրավիրեց՝ մասնակցելու ԵՊՀ 100-ամյակին նվիրված միջոցառումներին, որոնք տեղի են ունենալու սեպտեմբերին:
Երուսաղեմի եբրայական համալսարանի հայագիտության կենտրոնի ներկայացուցիչները ռեկտորի ժամանակավոր պաշտոնակատարի հետ հանդիպումից հետո այցելեցին ԵՊՀ հայագիտական հետազոտությունների ինստիտուտ, որտեղ հանդիպեցին ինստիտուտի տնօրեն Արամ Սիմոնյանի և Ցեղասպանագիտության բաժնի վարիչ Սուրեն Մանուկյանի հետ:
Հանդիպման ընթացքում կողմերը քննարկեցին հայագիտության հիմնահարցեր և համատեղ համագործակցության հնարավորություններ, մասնավորապես ուսանողների փոխանակման ծրագրերի իրականացում, երկու համալսարանների դասախոսների փոխայցելությունների իրագործում, որոնց ժամանակ նրանք հանդես կգան Հայոց ցեղասպանության, Հոլոքոստի, տարածաշրջանային քաղաքականության և սփյուռքագիտության հարցերի ուսումնասիրությունների վերաբերյալ դասախոսություններով:
ԵՊՀ-ն պատրաստակամություն է հայտնել ուսումնական մեկ կիսամյակի ընթացքում հյուրընկալելու Երուսաղեմի եբրայական համալսարանի ուսանողներին՝ հայոց լեզվի ուսուցման նպատակով:
Ի դեպ, հանդիպման ընթացքում հյուրերը պատմեցին, որ իրենց կողմից այս տարի Հայոց ցեղասպանության հիշատակին նվիրված միջոցառմանն առաջին անգամ մասնակցել է նաև Երուսաղեմի եբրայական համալսարանի ռեկտորը:
«PMI Science» գիտահետազոտական կենտրոնում տեղի է ունեցել հերթական միջոցառումը՝ նվիրված «Տվյալների գիտությունը բիզնեսում» մագիստրոսական ծրագրին, որի ընթացքում մագիստրոսական ծրագրի 2021 թվականի շրջանավարտները ստացան իրենց դիպլոմները։
ԵՊՀ կիրառական հոգեբանության կենտրոնն ու «Այգ» հոգեբանական ծառայությունների կենտրոնն այսօր համաձայնագիր են ստորագրել՝ ազդարարելով համագործակցության նոր սկզբի մասին:
