18.07.2019 | 
Կրթություն
ԵՊՀ-Ի ԵՎ ՊՈԼ ՎԱԼԵՐԻ ՄՈՆՊԵԼՅԵ 3 ՀԱՄԱԼՍԱՐԱՆԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎԵԼՈՒ Է
ԵՊՀ-Ի ԵՎ ՊՈԼ ՎԱԼԵՐԻ ՄՈՆՊԵԼՅԵ 3 ՀԱՄԱԼՍԱՐԱՆԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎԵԼՈՒ Է
«Erasmus+» ծրագրի շրջանակում Երևանի պետական համալսարանի և Ֆրանսիայի Պոլ Վալերի Մոնպելյե 3 համալսարանի միջև հաստատված համագործակցությունն ամրապնդվում է: Այն շարունակվելու է մինչև 2020 թվականը:

ԵՊՀ միջազգային հարաբերությունների ֆակուլտետի դեկանի տեղակալ Արթուր Իսրայելյանը և Միջազգային համագործակցության վարչության առաջատար մասնագետ Հայկուհի Մկրտչյանը հուլիսի 8-ից 12-ն այցելել են Ֆրանսիայի Պոլ Վալերի Մոնպելյե 3 համալսարան:

 

Այցի նպատակն էր ուսումնասիրել Պոլ Վալերի Մոնպելյե 3 համալսարանի շարժունության ծրագրերի կազմակերպման փորձը, ինչպես նաև ընդլայնել համագործակցության ոլորտները:

 

Մեզ հետ զրույցում Հայկուհի Մկրտչյանը պատմեց, որ երկու համալսարանի միջև առկա համագործակցության շրջանակում իրականացվում են դասախոսների և ուսանողների փոխանակման ծրագրեր՝ միտված կարողությունների զարգացմանը:

 

Նրա փոխանցմամբ, դրանք իրականացվում էին մասնավորապես Պատմության ու Եվրոպական լեզուների և հաղորդակցության ֆակուլտետների դասախոսների և ուսանողների համար, սակայն հանդիպման ընթացքում քննարկվել է առաջիկա մեկ տարվա աշխատանքային ծրագիրը, որի ժամանակ էլ որոշվել է հետագա ծրագրերում ներառել նաև ԵՊՀ միջազգային հարաբերությունների ֆակուլտետը:

 

«Բացի դրանից՝ քննարկվել են ուսանողների և դասախոսների շարժունության հետ կապված խնդիրների հաղթահարման ուղիները և համագործակցության արդյունավետությանն ուղղված քայլերը»,- ասաց Հայկուհի Մկրտչյանը:

 

Այցի ընթացքում նա և Արթուր Իսրայելյանն այցելել են Պոլ Վալերի Մոնպելյե 3համալսարանի տարբեր ֆակուլտետներ, եղել են Գրականության և լեզվաբանության բաժնում, ծանոթացել դասավանդման մեթոդներին և առանձնահատկություններին:

 

Մեզ հետ զրույցում Հայկուհի Մկրտչյանը փաստեց, որ երկու համալսարանի միջև հաստատված համագործակցությունը, ըստ պայմանավորվածության, շարունակվելու է մինչև 2020 թվականը:

 

Քնար Միսակյան

Այլ նորություններ
ՔՆՆԱՐԿԵԼ ՓԱԽՍՏԱԿԱՆՆԵՐԻ ԻՐԱՎՈՒՆՔՆԵՐԸ ԵՎ ԽԹԱՆԵԼ ԴՐԱՆՑ ՊԱՇՏՊԱՆՈՒԹՅԱՆ ՈԼՈՐՏՈՒՄ ԻՐԱՎԱԿԱՆ ԿՐԹՈՒԹՅԱՆ ԶԱՐԳԱՑՈՒՄԸ. ԵՌՕՐՅԱ ԴՊՐՈՑ՝ ԴԻԼԻՋԱՆՈՒՄ
ԵՊՀ իրավագիտության ֆակուլտետի, ՄԱԿ-ի փախստականների գծով գերագույն հանձնակատարի հայաստանյան գրասենյակի և «Առաքելություն Հայաստան» ՀԿ-ի համատեղ նախաձեռնությամբ հոկտեմբերի 11-13-ը Դիլիջան քաղաքում կազմակերպվել է արդեն ավանդական դարձած «Փախստականների իրավունք» խորագրով 9-րդ դպրոցը:
«ՆՊԱՏԱԿԸ ՏԵՍԱԿԱՆ ԳԻՏԵԼԻՔՆԵՐԸ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ ՎԵՐԱԾԵԼՆ Է»․ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ԱՅՑԸ ԵՐԵՎԱՆԻ «ԱՐԱՐԱՏ» ԿՈՆՅԱԿԻ-ԳԻՆՈՒ-ՕՂՈՒ ԿՈՄԲԻՆԱՏ
Արդեն չորրորդ տարին է, ինչ ԵՊՀ տնտեսագիտության և կառավարման ֆակուլտետի կառավարման և գործարարության ամբիոնը նախաձեռնում է արտալսարանային դասեր, որոնք, տեսական գիտելիքներից բացի, նաև գործնական հմտություններ ձեռքբերելու հնարավորություն են տալիս: Տնտեսագիտության և կառավարման ֆակուլտետի 4-րդ կուրսի ուսանողներն այսօր նմանօրինակ դաս են ունեցել Երևանի «Արարատ» կոնյակի-գինու-օղու կոմբինատում: