16.05.2022 | 
Ուսանողական, Կրթություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԿԱԶՄԵՑԻՆ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԿԱԶՄԵՑԻՆ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐ
Ծաղկաձորում գտնվող ԵՊՀ ուսումնաարտադրական բազայում կայացավ «Creation and law» («Իրավաստեղծագործում են ուսանողները») միջֆակուլտետային ծրագրի երրորդ փուլը: Երկօրյա այցի շրջանակում մասնակիցները կազմեցին իրավական ակտերի նախագծեր՝ համալսարանում անցկացված փուլում ձեռք բերած գիտելիքների հիման վրա։

Իրավագիտության ֆակուլտետի ՈՒԽ-ի կազմակերպած ծրագրի մեկնարկը տրվեց մասնակից խմբերի՝ միմյանց հետ ծանոթանալով և թիմերի մենթորների ընտրությամբ, որին հաջորդեց իրավական ակտերի երեք նախագծի հիմնական գաղափարների հստակեցումը: Այնուհետև տեղի ունեցավ քննարկում թիմային մենթորների և ծրագրի մոդերատորների հետ։

 

 

Առաջին օրվա ավարտին թիմերը կազմեցին իրավական ակտերի նախագծային տարբերակներ, որոնք ամփոփվեցին երկրորդ օրը։ Երկրորդ օրվա ընթացքում մասնակից թիմերից յուրաքանչյուրի կազմած իրավական ակտերի նախագծերը քննարկվեցին ԱԺ գլխադասային հանձնաժողովների մոդելային երեք նիստերում, ինչի արդյունքում հիմնական և հարակից զեկույցներով հանդես եկան իրավական ակտերի նախագծերի հեղինակները մենթորների հետ, իսկ մյուս մասնակիցները ստանձնեցին պատգամավորների մոդելային գործառույթներ։

 

Արտահամալսարանական փուլի ավարտին մասնակիցներն ունեին աշխատանքային բարձր տրամադրություն, գործնական նոր գիտելիքներ և իրավական ակտերի երեք նախագիծ, որոնց ճակատագիրը կորոշվի Աժ մոդելային կայանալիք նիստերում։

 

 

Ծրագրի հրավիրյալ հյուրերն էին «ELL Partnership Law Firm» («ԻԷլԷլ գործընկերություն») իրավաբանական ընկերության բաժնետերեր Տարոն Սիմոնյանը և Նորայր Բալայանը: Նրանք, լսելով թիմերի առաջարկած օրենսդրական փոփոխությունների գաղափարները, ուղղորդեցին մասնակիցներին նախագծերի մշակման գործընթացում։

Այլ նորություններ
 «YSU-KRISP AI LAB» ՀԵՏԱԶՈՏԱԿԱՆ ԿԵՆՏՐՈՆԻ ԲԱՑՄԱՆ ԱՐԱՐՈՂՈՒԹՅՈՒՆԸ ԵՎ «AI CONF ARMENIA 2022» ԿՈՆՖԵՐԱՆՍԸ ԵՊՀ-ՈՒՄ
«YSU-Krisp AI Lab» («ԵՊՀ-Կրիսպ ԷյԱյ լաբ») գիտակրթական հետազոտական կենտրոնը մեծ նվաճում է ՀՀ-ում արհեստական բանականության ոլորտի զարգացման գործում։ Կենտրոնի բացման շրջանակում կազմակերպվեց նաև «AI Conf Armenia 2022» խորագրով կոնֆերանս, որին մասնակցում էին ոլորտի հմուտ մասնագետներ։
ԵՊՀ-ՈՒՄ ԿՈՐԵԵՐԵՆ Է ԴԱՍԱՎԱՆԴՈՒՄ ՋՈՆ ՄՈՒՆԻՆ. ԸՆԴԼԱՅՆՎՈՒՄ Է ՄԻՋԱԶԳԱՅԻՆ ԿԱՌՈՒՅՑՆԵՐԻ ՀԵՏ ԿԱՊԸ
ԵՊՀ միջազգային հարաբերությունների ֆակուլտետի դասախոս Ջոն Մունին 2020 թվականի սեպտեմբերից դասավանդում է կորեերեն։ Դասախոսի հետ զրուցել ենք համալսարանում ծավալած գործունեության, կրթական միջավայրի և այլ հարցերի շուրջ։