28.11.2018 | 
Հասարակություն
ԲԼՈՔՉԵՅՆ ՏԵԽՆՈԼՈԳԻԱՆԵՐԻ ՄՈՒՏՔԸ ՀԱՄԱԼՍԱՐԱՆԱԿԱՆ ԱՌՕՐՅԱ
ԲԼՈՔՉԵՅՆ ՏԵԽՆՈԼՈԳԻԱՆԵՐԻ ՄՈՒՏՔԸ ՀԱՄԱԼՍԱՐԱՆԱԿԱՆ ԱՌՕՐՅԱ
ԵՊՀ շրջանավարտների և կարիերայի կենտրոնը «Բլոքչեյն թեքնոլոջիզ քորփորեյշն» ընկերության հետ այսօր կազմակերպել էր «Crypto Breaks the Borders» խորագրով դասընթաց:

Դասընթաց-սեմինարի  նպատակն էր Հայաստանում զարգացնել բլոքչեյն ոլորտի նորարական տեխնոլոգիաները:

Սեմինար-դասընթացը վարում էր  ոլորտի փորձառու մասնագետ Փիթեր Միկկելսենը:

 

 

Վերջինս սեմինարի ընթացքում ներկայացրեց կրիպտոարժույթների ստեղծման և զարգացման պատմությունը, ինչպես նաև բլոքչեյն տեխնոլոգիաների հետ ունեցած կապը:

«Կրիպտոարժույթը վճարային միջոց է, որն ունի  ապակենտրոնացված հաշվառում  և պարունակում է գաղտնագրված տեղեկություն, այն հնարավոր չէ կրկնօրինակել, այստեղից էլ առաջացել է վերջինիս  «կրիպտո» անվանումը»,- ներկայացրեց  բանախոսը:

Բլոքչեյնն իրենից ներկայացնում է բլոկների հավաքածու, որտեղ ամեն մի բլոկ կապված է նախորդի հետ և պաշտպանված է ինտերնետային «հարձակումներից»։

Բլոքչեյն  տեխնոլոգիաները, որոնք ի սկզբանե ստեղծվել էին կրիպտոարժույթները ղեկավարելու համար, ժամանակի ընթացքում ընդլայնել են  իրենց   գործունեության ոլորտը:

Այժմ բլոքչեյն տեխնոլոգիաներն օգտագործվում ենք նաև  վճարումների, դրամական փոխանցումների համակարգերում, ինչպես նաև բժշկական տարբեր ծառայությունների մատուցման բնագավառներում:

 

Մեզ հետ զրույցում «Բլոքչեյն թեքնոլոջիզ  քորփորեյշն» ընկերության գործադիր օգնական  Էլեն Միքայելյանը նշեց, որ իրենց ընկերության համար առաջնահերթ է արդյունավետ համագործակցություն սկսել համալսարանների հետ, քանի որ նախատեսում են բացել նաև բլոքչեյն կենտրոններ:

«Մեզ համար հատկանշական է այն, որ հնարավորություն ունենք նմանաօրինակ սեմինար անցկացնել ԵՊՀ-ում, քանի որ այստեղ առկա մասնագիտություններն ու մասնագիտացումները հնարավորություն են տալիս բլոքչեյնն ուսումնասիրել և կիրառել ամենատարբեր ոլորտներում»,- ասաց Էլեն Միքայելյանը:

Սեմինարի վերջում ուսանողները հնարավորություն ունեցան  թեմային վերաբերող հարցեր տալ, ինչպես նաև արտահայտել սեփական մտքերը և գաղափարները:

Անի Պողոսյան

Այլ նորություններ
«#ԱՐԻ՛ PR». «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳԻՐՆ ԱՅՍ ՏԱՐԻ ՆԵՐԿԱՅԱՑՎԵԼ Է «ZOOM» ՀԱՐԹԱԿՈՒՄ
Տեղի է ունեցել «#Արի՛ PR». «Հասարակայնության հետ կապեր (PR)» մագիստրոսական ծրագիրը ներկայացնելու նպատակով կազմակերպված ամենամյա հանդիպումը: Այս տարի «արտակարգ» հանդիպման շրջանակում «Zoom» հարթակում հավաքվել են ծրագրի դասախոսները, շրջանավարտները, ուսանողներն ու ծրագրով հետաքրքրվող ապագա դիմորդներն ինչպես ԵՊՀ սոցիոլոգիայի, այնպես էլ այլ ֆակուլտետներից և բուհերից:
«ԵՍ ԱՎԵԼԻ ԻՐԱՏԵՍ ԵՄ, ՀԱՎԱՏՈՒՄ ԵՄ ԳԻՏՈՒԹՅԱՆԸ». ԱՐՄԵՆ ՄԱՐՏԻՐՅԱՆ
ԵՊՀ անօրգանական և անալիտիկ քիմիայի ամբիոնի վարիչ Արմեն Մարտիրյանը ԵՊՀ-ում դասավանդման մեթոդների կատարելագործումը խթանելու, արդի մեթոդների կիրառմանը, ինչպես նաև լավագույն փորձի տարածմանը նպաստելու նպատակով հայտարարված մրցույթի բնագիտական անվանակարգի հաղթողներից է: Պարոն Մարտիրյանի հետ զրուցել ենք մասնագիտության ընտրության, իր կողմից կիրառվող մեթոդների, քիմիայի բնագավառի մարտահրավերների, աշխատաշուկայի պահանջարկի ու նոր հետազոտությունների մասին: