10.12.2018 | 
Մշակույթ
ՇԱՐՈՒՆԱԿՎՈՒՄ Է ԵՊՀ ՏԱՂԱՆԴՆԵՐԻ ԲԱՑԱՀԱՅՏՈՒՄԸ. ՏԵՂԻ ՈՒՆԵՑԱՎ «ԱՐԻ ՄՐՑԵՆՔ» ԱՌԱՋՆՈՒԹՅԱՆ ՊԱՐԻ ՄՐՑՈՒՅԹԸ
ՇԱՐՈՒՆԱԿՎՈՒՄ Է ԵՊՀ ՏԱՂԱՆԴՆԵՐԻ ԲԱՑԱՀԱՅՏՈՒՄԸ. ՏԵՂԻ ՈՒՆԵՑԱՎ «ԱՐԻ ՄՐՑԵՆՔ» ԱՌԱՋՆՈՒԹՅԱՆ ՊԱՐԻ ՄՐՑՈՒՅԹԸ
«Արի մրցենք» առաջնության շրջանակում ԵՊՀ ՈւԽ մշակույթի հանձնաժողովն այսօր կազմակերպել էր պարի միջֆակուլտետային մրցույթ։

Այսօր բեմում մրցեց 17 ֆակուլտետ, ժողովրդական ոճում՝ 7, իսկ ազատ ոճում՝ 10 մասնակից:

 

ԵՊՀ ՈւԽ մշակույթի հանձնաժողովի փոխնախագահ Էրիկ Հովհաննիսյանը մեզ հետ զրույցում նշեց, որ մրցույթի հիմնական նպատակն է բացահայտել համալսարանի տարբեր ֆակուլտետների տաղանդավոր ուսանողներին, որոնք հետագայում դառնալու են միջհամալսարանական տարբեր միջոցառումների և համերգների մասնակիցը: «Մենք ցանկանում ենք համալսարանական կյանքն ավելի հետաքրքիր դարձնել:  Մրցույթն արդեն ավանդական բնույթ է կրում, որին ամեն տարի ավելի շատ ուսանողներ են մասնակցում»,- հավելեց նա:

 

Նրա խոսքով, «Արի մրցենք» առաջնության շրջանակում նախատեսվում է անցկացնել նաև ասմունքի մրցույթ, մինչ այս արդեն տեղի են ունեցել պարի և գեղանկարչության մրցույթները:

 

 

Պարի միջֆակուլտետային մրցույթի ժյուրիի կազմում այսօր ընդգրկված էին «Պարող համալսարանական-2016»-ի հաղթող Զենֆիրա Եգանյանը, ԵՊՀ ՈւԽ մշակույթի հանձնաժողովի փոխնախագահ Էրիկ Հովհաննիսյանը և «Gold Star» պարային համույթի տնօրեն Արման Ղուկասյանը:

 

Մրցույթի առաջին փուլում մասնակիցները հանդես եկան ժողովրդական, իսկ երկրորդ փուլում՝ ազատ ոճի պարերով:  

 

 

Պարի մրցույթի արդյունքները պարզ կդառնան դեկտեմբերի 18-ին՝ «Արի մրցենք» առաջնության մրցանակաբաշխության ժամանակ:

 

ԵՊՀ ՈւԽ մշակույթի հանձնաժողովի փոխնախագահը նշեց, որ մյուս տարի նախատեսվում է անցկացնել միջհամալսարանական «Արի մրցենք» առաջնությունը:

 

Նադեժդա Տեր-Աբրահամյան

Այլ նորություններ
ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ՏՈՆԵՑԻՆ «ՄԱՍԼԵՆԻՑԱ»-Ն
ԵՊՀ ռուս բանասիրության ֆակուլտետի ուսանողական խորհուրդն այսօր կազմակերպել էր ռուսական ազգային «Մասլենիցա»-ն, որն ավետում է ձմռան ավարտն ու գարնան սկիզբը։
ԹԱԼԻՇԱԿԱՆ ԵՐԱԺՇՏՈՒԹՅՈՒՆ՝ ԵՊՀ ԻՐԱՆԱԳԻՏՈՒԹՅԱՆ ԱՄԲԻՈՆՈՒՄ
ԵՊՀ իրանագիտության ամբիոնում այսօր տեղի ունեցավ թալիշ երաժշտագետ, ազգագրագետ, մտավորական, «Քադուս» երաժշտական համույթի ղեկավար Արմին Ֆարիդիի «Հայացք Իրանում թալիշական ազգագրական երաժշտությանը» թեմայով դասախոսությունը: