19.06.2019 | 
Կրթություն
ՀԱՎԱՍՏԱԳՐԵՐ՝ «SPSS ՓԱԹԵԹԻ ՀԻՄՈՒՆՔՆԵՐԸ» ԴԱՍԸՆԹԱՑԻ ՄԱՍՆԱԿԻՑՆԵՐԻՆ
ՀԱՎԱՍՏԱԳՐԵՐ՝ «SPSS ՓԱԹԵԹԻ ՀԻՄՈՒՆՔՆԵՐԸ» ԴԱՍԸՆԹԱՑԻ ՄԱՍՆԱԿԻՑՆԵՐԻՆ
ԵՊՀ սահմանադրական տնտեսագիտության գիտավերլուծական կենտրոնը «Data Science for Business» մագիստրոսական ծրագրի հետ շարունակում է իրականացնել ծրագրային դասընթացներ, որոնցից հերթականի ավարտին մասնակիցներին տրվեցին հավաստագրեր:

Հունիսի 18-ին ԵՊՀ տնտեսագիտության ֆակուլտետում «Data Science for Business» մագիստրոսական ծրագրի «SPSS փաթեթի հիմունքները» դասընթացի մասնակցները ստացան իրենց հավաստագրերը։

Մագիստրոսական ծրագրի «SPSS փաթեթի հիմունքները» դասընթացին մասնակցում էին չորս տասնյակից ավելի ուսանողներ, ասպիրանտներ և դասախոսներ, որոնք մասնագետի օգնությամբ կարճ ժամանակահատվածում հիմնարար գիտելիքներ ստացան «SPSS» փաթեթի վերաբերյալ, ծանոթացան վերջինիս պարզ, բայց մեծ կիրառություն ունեցող վիճակագրական մեթոդների օգտագործմանը:



Կազմակերպիչները նշում են, որ դասընթացի կարևորագույն մաս են կազմել գործնական և ինքնուրույն աշխատանքները, որոնք կատարվել են իրական տվյալների բազայի հիման վրա:

«Այս կարճ դասընթացի ընթացքում մենք մասնակիցներին ենք ներկայացնում տվյալների հավաքագրման, մոդելների կառուցման և ստացված արդյունքների վերլուծության մեթոդները»,- ասաց պրոֆեսոր Ռուբեն Գևորգյանը։



Նշենք, որ դասընթացները շարունակական են լինելու: Մանրամասն տեղեկություններ իմանալու համար կարող եք հետևել դասընթացի ֆեյսբուքյան էջին։

Այլ նորություններ
ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ՆՊԱՏԱԿՈՎ ԱՅՑԵՐԸ ԵՎ ԵՊՀ ՀՅՈՒՐԸՆԿԱԼՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ
Երևանի պետական համալսարանի աշխարհագրության և երկրաբանության ֆակուլտետն այսօր հյուրընկալել էր Երևանի թիվ 4 հիմնական դպրոցի աշակերտներին, իսկ Երևանի թիվ 190 դպրոցը՝ ԵՊՀ ռեգիոնալ երկրաբանության և օգտակար հանածոների հետախուզման ամբիոնի դոցենտներ Ռուբեն Մովսեսյանին և Հարություն Մովսիսյանին։
«ՄԱՐԴՈՒ ԻՐԱՎՈՒՆՔՆԵՐԻ ԱԶԳԱՅԻՆ ՀԱՍՏԱՏՈՒԹՅՈՒՆՆԵՐԻ ՀԶՈՐՈՒԹՅԱՆ ԱՍՏԻՃԱՆԸ ԽՈՍՈՒՄ Է ԱՅԴ ԵՐԿՐՈՒՄ ԺՈՂՈՎՐԴԱՎԱՐՈՒԹՅԱՆ ԵՎ ՕՐԵՆՔԻ ԳԵՐԱԿԱՅՈՒԹՅԱՆ ՄԱԿԱՐԴԱԿԻ ՄԱՍԻՆ»․ ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԵՊՀ-ՈՒՄ
Երևանի պետական համալսարանի գիտխորհրդի նիստերի դահլիճում այսօր տեղի է ունեցել «Մարդու իրավունքներ և սոցիալական աշխատանք» թեմայով դասախոսություն-քննարկում, որը կազմակերպել էր Սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնը՝ ի դեմս Լիանա Մկրտչյանի։