10.10.2018 | 
Հասարակություն
ԵՊՀ-ՈՒՄ ՆՇՎԵՑ ՀԱՅ ԼԵՌՆԱԳՆԱՑԻ ՕՐԸ
ԵՊՀ-ՈՒՄ ՆՇՎԵՑ ՀԱՅ ԼԵՌՆԱԳՆԱՑԻ ՕՐԸ
Հոկտեմբերի 9-ին ԵՊՀ «Ապառաժ» լեռնագնացության ակումբը և Հայաստանի ալպինիզմի և լեռնային տուրիզմի ֆեդերացիան կազմակերպել էին միջոցառում՝ նվիրված հայ լեռնագնացի օրվան:

Միջոցառմանը ներկա էին Հայաստանի ալպինիզմի և լեռնային տուրիզմի ֆեդերացիայի փոխնախագահ Սուրեն Դանիելյանը, «Ապառաժ» լեռնագնացության ակումբի մարզիչ Սուրեն Սեփանյանը, Ֆիզիկական դաստիարակության և սպորտի ամբիոնի մարզական ակումբի նախագահ Հենրիկ Թումանյանը, ուսանողներ և զբոսավարներ։

Միջոցառման մեկնարկին բացման խոսքով հանդես եկավ Սուրեն Դանիելյանը, ով շնորհավորեց լեռնագնացներին:

Այնուհետև ցուցադրվեց լեռնագնացին նվիրված տեսաֆիլմ, որից հետո ուսանողները փորձեցին իրենց ուժերը ժայռամագլցման պատին:

Սուրեն Սեփանյանը, որի նախաձեռնությամբ ժայռամագլցման պատը տեղադրվել է ԵՊՀ ֆիզդաստիարակության և սպորտի մարզասրահում, նշեց, որ այս միջոցառումը դառնալու է ավանդական:

Խոսելով ժայռամագլցման պարապմունքների մասին՝ նա նշեց, որ արդյունքները գոհացուցիչ են, իսկ ուսանողական խումբը՝ կազմակերպված. «Մի ընտանիքի նման են, մեկը մյուսի հանդեպ սիրով ու հոգատարությամբ են լցված»:

Անի Սիսակյանը «Ապառաժ» ակումբի սաներից է, ժայռամագլցման պարապմունքների ակտիվ մասնակցիներից: Նա Կենսաբանության ֆակուլտետի չորրորդ կուրսի ուսանող է և դասերից հետո սիրով գալիս է պարապմունքներին. «Մեկ տարի է, ինչ «Ապառաժ» ակումբի անդամ եմ, ժայռամագլցումը ինձ համար դարձել է կենսակերպ, ապրելու ձև: Ես այլևս չեմ վախենում բարձրությունից, կոփել եմ կամքս ու պատրաստ եմ հաղթահարելու շատ դժվարություններ»:

Տեղեկացնենք, որ արդեն երկու տարի է ԵՊՀ –ի «Ապառաժ» լեռնագնացության ակումբը ակտիվորեն իրականացնում է ժայռամագլցման պարապմունքներ: 54 ուսանողներ ներգրավված են այդ պարապմունքներին, որտեղ մեծ թիվ են կազմում աղջիկները: Պարապմունքներն անցկացվում են շաբաթական երկու անգամ:

 

Անգին Խաչատրյան

Այլ նորություններ
ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԻ ԵՐԵՔ ՈՒՍԱՆՈՂՆԵՐԸ՝ «ԼՐԱԳՐՈՂԱԿԱՆ ՄԵՆԱՄԱՐՏ» ՀԵՌՈՒՍՏԱՆԱԽԱԳԾԻ ՄԱՍՆԱԿԻՑՆԵՐ
ԵՊՀ ժուռնալիստիկայի ֆակուլտետի երեք ուսանողներ՝ Աննա Կոստանյանը, Էլեն Աղաջանյանը (4-րդ կուրս) և Ռիմա Գրիգորյանը (2-րդ կուրս), մասնակցել են Եվրոպական միության կողմից համաֆինանսավորվող «Տեղեկատվության մատչելիություն և հետաքննական լրագրություն առավել իրազեկված քաղաքացիների համար» ծրագրի շրջանակում իրականացվող «Լրագրողական մենամարտ» հեռուստանախագծին և հասել մինչև եզրափակիչ:
ՔՆՆԱՐԿՈՒՄ՝ ԲԱՐՁՐԱԳՈՒՅՆ ԿՐԹՈՒԹՅԱՆ ՀԻՄՆԱԽՆԴԻՐՆԵՐԻ, ՄԱՐՏԱՀՐԱՎԵՐՆԵՐԻ ԵՎ ԴՐԱՆՑ ՀՆԱՐԱՎՈՐ ԼՈՒԾՈՒՄՆԵՐԻ ՎԵՐԱԲԵՐՅԱԼ
ԵՊՀ Չարենցի անվան դահլիճում «Մեդիա կենտրոն»-ի նախաձեռնությամբ անցկացվեց «Բարձրագույն կրթության հիմնախնդիրները, առկա մարտահրավերներն ու դրանց հնարավոր լուծումները բարձրագույն կրթության զարգացման ռազմավարությունում» թեմայով քննարկում: