05.10.2007 | 
Գիտություն
ԲԱՆԲԵՐԸ 40 ՏԱՐԵԿԱՆ Է
ԲԱՆԲԵՐԸ 40 ՏԱՐԵԿԱՆ Է
Այսօր ԵՊՀ-ում տոնում էին «Բանբեր Երեւանի համալսարանի» հանդեսի տարեդարձը:

Այն ԵՊՀ-ի կողմից տպագրված առաջին պարբերական գիտական հանդեսն է, որն անդրադառնում է հումանիտար գիտությունների շրջանակներում կատարված նորամուծություններին եւ տպագրվում է տարին երեք անգամ պարբերականությամբ:

«Այս հանդեսը հայագիտության մեջ ամենակարեւոր ձեռքբերումներից մեկն է, որն ունի այդ գիտությունը ներկայացնող դեմք, ներկա ճանապարհ, որն էլ միտված է դեպի ապագան»,- իր շնորհավորական խոսքում նշեց ԵՊՀ ռեկտոր Արամ Սիմոնյանը:

Ռեկտորի խոսքերով` «Բանբեր Երեւանի համալսարանի» գիտական հանդեսը այսօր կարելի է դասել լավագույնների շարքին, քանի որ այն տարիներ շարունակ դաստիարակել է գիտական ճաշակ: Ըստ նրա` Վերջինիս հետագա գործունեությունը նպաստելու է ապագա գիտնականների մասնագիտական գիտելիքների կատարելագործմանը:

Շնորհավորական խոսքով հանդես եկող բոլոր գիտնականները առաջին հերթին հիշատակում էին ԵՊՀ ռեկտոր Մ. Ներսիսյանի անունը, ում ջանքերով 1966թ-ին այն հրատարակվեց: Թերթի գլխավոր խմբագիր Հրաչ Միրզոյանի խոսքերով` շատերն էին խոչընդոտում այդ գործընթացին.

«Բայց հանդեսը հրատարակվեց: Չկա որեւէ հայ մեծանուն գիտնական, ով իր ավանդը ներդրած չլինի այս գործում, այդ թվում նաեւ` տասնյակ մասնագետներ սփյուռքից: Տարիների ընթացքում բաժանորդների թիվը 1250-ից հասավ 3000-ի, որոնցից 350-ը հայկական գաղթօջախների գիտնականներ էին»,- հիշում է նա:

ԽՍՀՄ փլուզումից հետո այս հանդեսի տպաքանակն այլ պարբերականների նման նվազեց` հասնելով 300-ի, իսկ սփյուռքի գաղթօջախներ այն հասնում է միայն հատուկենտ օրինակներով: «Բանբերն» այսօր գործում է կոնկրետ լսարանի համար: Ամեն համարի` հոդվածներ, բանավեճ եւ քննարկում, հրապարակումներ եւ հաղորդումներ,գիտական կյանք, գրքերի տեսություն խորագրերի շրջանակներում տպագրվում են տասնյակ աշխատություններ: Հանդեսի վերջին համարը նվիրված է 40-ամյակին եւ ներկայացնում է վերջինիս տարեգրությունը հիմնադրման օրից: Առաջիկայում խմբագրակազմը նախատեսում է ստեղծել հանդեսի էլեկտրոնային տարբերակը:

Նշենք, որ ԵՊՀ-ում երկար տարիներ մեծ ներդրում ունենալու համար հանդեսի գլխավոր խմբագիրն ու երկու մեծ ավանդ ունեցող աշխատակիցները պարգեւատրվեցին համալսարանի ոսկե մեդալով, իսկ մեկը` արծաթե: Երեք աշխատակիցներ ստացան պատվոգրեր:

Այլ նորություններ
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը:
ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒ ՄՈՍԿՎԱՅԻ Մ. ԼՈՄՈՆՈՍՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ՄԱՍՆԱՃՅՈՒՂԻ ՄԻՋԵՎ
Երևանի պետական համալսարանի տնտեսագիտության և կառավարման ֆակուլտետի ու Մոսկվայի Մ. Լոմոնոսովի պետական համալսարանի Երևանի մասնաճյուղի միջև այսօր կնքվել է համագործակցության համաձայնագիր։