23.06.2017 | 
Քաղաքականություն
ԵՊՀ-Ն ԿԱՊԵՐ Է ՀԱՍՏԱՏՈՒՄ ԻՆԴՈՆԵԶԻԱՅԻ ՀԵՏ
ԵՊՀ-Ն ԿԱՊԵՐ Է ՀԱՍՏԱՏՈՒՄ ԻՆԴՈՆԵԶԻԱՅԻ ՀԵՏ
Հունիսի 23-ին ԵՊՀ պրոռեկտոր Ալեքսանդր Գրիգորյանն ընդունեց Ինդոնեզիայի պատվիրակությանը:

ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանի հյուրն էր ՀՀ-ում Ինդոնեզիայի Հանրապետության արտակարգ և լիազոր դեսպան, պրոֆեսոր Յուդի Քրիսնանդին:

 

Հանդիպմանը ներկա էր նաև ԵՊՀ միջազգային համագործակցության վարչության պետ Ալեքսանդր Մարգարովը, ով դեսպանին և պատվիրակության անդամներին ներկայացրեց ԵՊՀ միջազգային կապերը, կրթական և գիտահետազոտական ծրագրերը, բուհի զարգացման հիմնական ուղղությունները:

 

«Ուրախ ենք, որ Ինդոնեզիայի Հանրապետությունը հետաքրքրված է ՀՀ կրթական ոլորտով, մասնավորապես Մայր բուհով: Մենք պատրաստակամ ենք համագործակցություն ծավալելու ինդոնեզական բուհերի հետ, իրականացնելու կրթական, գիտական և, ինչու ոչ, նաև ուսանողների փոխանակման ծրագրեր ու փոխայցելություններ»,- նշեց պրոռեկտոր Ալեքսանդր Գրիգորյանը:

 

Դեսպան Յուդի Քրիսնանդին էլ հավելեց, որ տեղեկատվությունը կփոխանցվի Ինդոնեզիայի կրթության նախարարությանը՝ հետագա ուսումնասիրության և համատեղ ծրագրերի իրականացման համար:

 

«Ես վստահ եմ, որ մոտ ապագայում՝ որոշ հարցեր հստակեցնելուց հետո, հայ ուսանողները հնարավորություն կունենան կրթություն ստանալու ինդոնեզական լավագույն համալսարաններում»,- ասաց դեսպանը:

 

Կողմերը նշեցին, որ երկու երկրների բուհերն էլ համագործակցության լայն շրջանակ ունեն, սակայն համաձայնություն ձեռք բերեցին փոխգործակցությունը սկսել ֆարմացիայի ոլորտից` համատեղելով մի շարք ուղղություններ՝ակադեմիական կրթութուն, գիտական հետազոտություն և արտադրություն:

 

«Ֆարմացիայի բնագավառն իր բոլոր ճյուղերով՝ կրթություն, արտադրություն, հետազոտություն, զարգացման լուրջ հեռանկարներ ունի ամբողջ աշխարհում: Ուրախ ենք, որ Երևանի պետական համալսարանն այդ ոլորտում նույնպես ամուր հիմքեր ու զարգացման միտումներ ունի: Կարծում եմ՝ մեր ուսանողները կկարողանան ուսումնասիրել հայկական փորձն ու նոր գիտելիքներ ստանալ»,- հավելեց պրոֆեսոր Յուդի Քրիսնանդին: 

Այլ նորություններ
ԵՊՀ ԱՍՏՎԱԾԱԲԱՆՈՒԹՅԱՆ ՖԱԿՈՒԼՏԵՏԸ ՀԱՅՏԱՐԱՐՈՒԹՅՈՒՆ Է ՏԱՐԱԾԵԼ
Հայաստանյայց Առաքելական Սուրբ և Ուղղափառ Եկեղեցին Քրիստոսավանդ ուսմունք ժառանգած ու պահպանած իր երկհազարամյա պատմության ընթացքում ունեցել է և ունի ուղղափառ դավանանք, հավատարիմ է մնացել եկեղեցական սրբազան ավանդությանը, ստեղծել է քրիստոնեական բազմաշերտ մշակույթ:
ՀԱՅԿ ՍԱՐԳՍՅԱՆԸ ԵՎՍ 5 ՏԱՐԻ ԿՂԵԿԱՎԱՐԻ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԸ
Այսօր ԵՊՀ տնտեսագիտության և կառավարման ֆակուլտետի գիտխորհրդի նիստի օրակարգում մեկ հարց էր՝ ֆակուլտետի դեկանի ընտրություն, որին ներկայացված էին պրոֆեսորներ Հայկ Սարգսյանի և Միքայել Միքայելյանի թեկնածությունները: