20.11.2017 | 
Քաղաքականություն
ՀԱՄԱԳՈՐԾԱԿՑՈՒԹՅՈՒՆԸ ԿՍԿՍՎԻ ՖԱՐՄԱՑԻԱՅԻ ԲՆԱԳԱՎԱՌԻՑ
ՀԱՄԱԳՈՐԾԱԿՑՈՒԹՅՈՒՆԸ ԿՍԿՍՎԻ ՖԱՐՄԱՑԻԱՅԻ ԲՆԱԳԱՎԱՌԻՑ
Այսօր ԵՊՀ պրոռեկտոր Ալեքսանդր Գրիգորյանը հյուրընկալել էր Ազգերի բարեկամության ռուսաստանյան համալսարանի պատվիրակությանը:

ԱՊՀ ցանցային համալսարանի կոնսորցիումի շրջանակում Ազգերի բարեկամության ռուսաստանյան համալսարանի (РУДН) պատվիրակության անդամները հանդիպեցին ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանի հետ:

 

Պատվիրակության կազմում էին РУДН-ի ընդհանուր քիմիայի ամբիոնի դոցենտ Ելենա Նևսկայան, Օրգանական քիմիայի ամբիոնի դոցենտ Ելենա Սորոկինան, ինչպես նաև Միջազգային կազմակերպությունների ու դրամաշնորհների բաժնի ղեկավար Օլեգ Բարնաշովը:

 

Հանդիպմանը ներկա էր նաև ԵՊՀ միջազգային համագործակցության վարչության պետ Ալեքսանդր Մարգարովը, ինչպես նաև ներկայացուցիչներ Ֆարմացիայի ինստիտուտից:

 

«Ազգերի բարեկամության ռուսաստանյան համալսարանի հետ բավականին արդյունավետ համագործակցություն է ծավալվում: Դրա վառ ապացույցն այն է, որ մեր ուսանողուհին այսօր իր կրթությունը շարունակում է ձեր համալսարանում: Ուրախ ենք, որ երկուստեք համաձայնություն կա փոխգործակցությունն ավելի ընդլայնելու հարցում»,- նշեց պրոռեկտորը:

 

Ալեքսանդր Գրիգորյանը հակիրճ ներկայացրեց նաև ԵՊՀ պատմությունը, զարգացման հեռանկարները, ուսումնագիտական գործընթացները, անդրադարձավ նաև միջազգային ծրագրերին ու արտասահմանյան բուհերի հետ համագործակցությանը:

 

«Երևանի պետական համալսարանը մեր լավագույն գործընկերներից մեկն է: Շնորհակալ ենք հրավերի համար: Կարծում եմ՝ նոր նախաձեռնությունը նույնպես արդյունավետ ու հեռանկարային կլինի,- ասաց Օլեգ Բարնաշովը և հավելեց,- ինձ համար կրկնակի հաճելի է գտնվել Հայաստանում, քանի որ այստեղ եմ ծնվել և կրթություն ստացել»:

 

Կողմերը քննարկեցին համագործակցության ընդլայնման բոլոր հնարավոր ուղղությունները, սակայն առանցքում ֆարմացիայի բնագավառն էր:

 

Հյուրերն ընդգծեցին նաև, որ Ազգերի բարեկամության ռուսաստանյան համալսարանում քիմիայի և ֆիզիկայի ճյուղերը նույնպես բավականին ակտիվ գործունեություն են ծավալավում, ուստի հետագա փոխգործակցությունը կարող է ներառել նաև այդ բնագավառները:

 

Այլ նորություններ
«ERASMUS+ PRINTEL» ՆԱԽԱԳԾԻ ՇՐՋԱՆԱԿՈՒՄ ՎԵՐԱՊԱՏՐԱՍՏՈՒՄ ԱՆՑԱԾ ԴԱՍԱԽՈՍՆԵՐՆ ԱՄՓՈՓՈՒՄ ԵՆ ԱՐԴՅՈՒՆՔՆԵՐԸ
ԵՊՀ գիտական խորհրդի նիստերի դահլիճում «ERASMUS+ PRINTeL» նախագծի շրջանակում գործընկեր համալսարաններ վերապատրաստման մեկնած դասախոսները ԵՊՀ ղեկավարությանը ներկայացրին ձեռք բերած գիտելիքները և գործիքները:
ԵՊՀ-ՈՒՄ ՆՇՎԵՑ ԱՐԱԲԵՐԵՆԻ ՄԻՋԱԶԳԱՅԻՆ ՕՐԸ
ԵՊՀ արևելագիտության ֆակուլտետի Երկանյանների անվան լսարանում այսօր նշվեց Արաբերենի միջազգային օրը: