07.06.2019 | 
Կրթություն
ՄԻՋԱԶԳԱՅԻՆ ԻՐԱՎՈՒՆՔԻ ՀԱՅՏՆԻ ՊՐՈՖԵՍՈՐ ՄԱՅՔԼ ԳԼԵՆՈՆԸ ԴԱՍԱԽՈՍՈՒԹՅՈՒՆ ԿԱՐԴԱՑ ԵՊՀ-ՈՒՄ
ՄԻՋԱԶԳԱՅԻՆ ԻՐԱՎՈՒՆՔԻ ՀԱՅՏՆԻ ՊՐՈՖԵՍՈՐ ՄԱՅՔԼ ԳԼԵՆՈՆԸ ԴԱՍԱԽՈՍՈՒԹՅՈՒՆ ԿԱՐԴԱՑ ԵՊՀ-ՈՒՄ
Իրավագիտության ֆակուլտետի նախաձեռնությամբ այսօր ԵՊՀ-ում դասախոսությամբ հանդես եկավ ԱՄՆ Թավթս համալսարանի Ֆլեթչերի իրավունքի և դիվանագիտության դպրոցի պրոֆեսոր Մայքլ Գլենոնը:

Պրոֆեսոր Մայքլ Գլենոնը մի շարք սահմանադրական և միջազգային իրավունքի վերաբերյալ հոդվածների, ինչպես նաև բազմաթիվ գիտական աշխատանքների և գրքերի հեղինակ է: Նա՝ որպես իրավական խորհրդատու, երկար տարիներ աշխատել է ԱՄՆ սենատի միջազգային հարաբերությունների հանձնաժողովում: Որպես հրավիրյալ դասախոս՝ միջազգային իրավունքի պրոֆեսորը հանդես է եկել Եվրոպայի և ԱՄՆ-ի ամենահայտնի համալսարաններում:

 

Դասախոսության սկզբում ԵՊՀ իրավագիտության ֆակուլտետի դեկանի տեղակալ Կարեն Գևորգյանը փաստեց, որ հանդիպման մասնակիցները բացառիկ հնարավորություն ունեն լսելու աշխարհահռչակ մասնագետին. «Պրոֆեսոր Գլենոնը հայտնի է նաև իր պրակտիկ գործունեությամբ: Նա միջազգային դատական ատյաններում բազմիցս ներկայացրել է ՀՀ-ի շահերը»:

 

Քաղաքացիական դատավարության ամբիոնի ասիստենտ, միջոցառման համակարգող Պավել Թադևոսյանը, ողջունելով հանդիպման մասնակիցներին, փաստեց, որ Մայքլ Գլենոնի հեղինակային կարծիքները տպագրվել են միջազգային այնպիսի հայտնի ամսագրերում, ինչպիսիք են «Los Angeles Times»-ը, «New York Times»-ը, «The Washington Post»-ը և այլն:

 

 

Մայլք Գլենոնը հանդիպմանը հանդես եկավ «Ժողովրդավարությունը ժամանակակից աշխարհում» խորագրով դասախոսությամբ, որի ընթացքում խոսեց ժողովրդավարության ժամանակակից մարտահրավերների մասին և առավել մանրամասն ներկայացրեց ԱՄՆ քաղաքական իրավիճակը:

 

Մեզ հետ զրույցում Պավել Թադևոսյանը փաստեց, որ հրավիրյալ պրոֆեսորը թեման ընտրել է՝ հաշվի առնելով նաև Հայաստանում վերջին մեկ տարվա ընթացքում տեղի ունեցած իրադարձությունները: Նա ասաց նաև, որ Մայքլ Գլենոնը հանդիպելու է ԵՊՀ իրավագիտության ֆակուլտետի դեկան Գագիկ Ղազինյանի հետ, որի ընթացքում ուրվագծվելու են հետագա համագործակցության հեռանկարները:

 

Հանդիպման ընթացքում ուսանողները հնարավորություն ունեցան իրենց հարցերն ուղղելու հայտնի պրոֆեսորին:

Քնար Միսակյան

 

Այլ նորություններ
ՔՆՆԱՐԿԵԼ ՓԱԽՍՏԱԿԱՆՆԵՐԻ ԻՐԱՎՈՒՆՔՆԵՐԸ ԵՎ ԽԹԱՆԵԼ ԴՐԱՆՑ ՊԱՇՏՊԱՆՈՒԹՅԱՆ ՈԼՈՐՏՈՒՄ ԻՐԱՎԱԿԱՆ ԿՐԹՈՒԹՅԱՆ ԶԱՐԳԱՑՈՒՄԸ. ԵՌՕՐՅԱ ԴՊՐՈՑ՝ ԴԻԼԻՋԱՆՈՒՄ
ԵՊՀ իրավագիտության ֆակուլտետի, ՄԱԿ-ի փախստականների գծով գերագույն հանձնակատարի հայաստանյան գրասենյակի և «Առաքելություն Հայաստան» ՀԿ-ի համատեղ նախաձեռնությամբ հոկտեմբերի 11-13-ը Դիլիջան քաղաքում կազմակերպվել է արդեն ավանդական դարձած «Փախստականների իրավունք» խորագրով 9-րդ դպրոցը:
«ՆՊԱՏԱԿԸ ՏԵՍԱԿԱՆ ԳԻՏԵԼԻՔՆԵՐԸ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ ՎԵՐԱԾԵԼՆ Է»․ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ԱՅՑԸ ԵՐԵՎԱՆԻ «ԱՐԱՐԱՏ» ԿՈՆՅԱԿԻ-ԳԻՆՈՒ-ՕՂՈՒ ԿՈՄԲԻՆԱՏ
Արդեն չորրորդ տարին է, ինչ ԵՊՀ տնտեսագիտության և կառավարման ֆակուլտետի կառավարման և գործարարության ամբիոնը նախաձեռնում է արտալսարանային դասեր, որոնք, տեսական գիտելիքներից բացի, նաև գործնական հմտություններ ձեռքբերելու հնարավորություն են տալիս: Տնտեսագիտության և կառավարման ֆակուլտետի 4-րդ կուրսի ուսանողներն այսօր նմանօրինակ դաս են ունեցել Երևանի «Արարատ» կոնյակի-գինու-օղու կոմբինատում: