27.07.2018 | 
Կրթություն
ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ ՏԵՂԻ ՈՒՆԵՑԱՎ ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆԸ
ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ ՏԵՂԻ ՈՒՆԵՑԱՎ ԴԻՊԼՈՄՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆԸ
Այսօր ԵՊՀ մաթեմատիկայի և մեխանիկայի ֆակուլտետի շրջանավարտները դիպլոմներ ստացան:

Ուսանողների դիպլոմները հանձնեց ֆակուլտետի դեկանի տեղակալ  Առաքել Թասլաքյանը, ով  իր շնորհավորական խոսքում  նշեց, որ կարևորում է որակյալ կրթության դերը հասարակության զարգացման գործում: ԵՊՀ-ի ամենակարևոր գործառույթներից են որակյալ կրթության ապահովումը և աշխատաշուկայում մրցունակ կադրերի պատրաստումը:

 

«Ուրախությամբ պետք է նշեմ, որ մեր ուսանողները միշտ կարողացել են բարձր պահել համալսարանի և ֆակուլտետի պատիվն ամենատարբեր, ինչու չէ նաև միջազգային  հարթակներում և մրցույթներում՝ վերադառնալով մեդալներով ու մրցանակներով,- ասաց Առաքել Թասլաքյանը,- մեր ֆակուլտետի յուրաքանչյուր ուսանողի գրանցած հաջողությունը նաև բուհի ձեռքբերումն է, ուստի ես կցանկանայի, որ դիպլոմների հանձնմամբ ձեր կյանքում սկսվեր մի նոր, էլ ավելի հետաքրքիր փուլ, որտեղ դուք ձեզ կդրսևորեք որպես մրցունակ կադրեր աշխատաշուկայում և լավ գիտնականներ՝ ակադեմիական միջավայրում»:

 

 

Առաքել Թասլաքյանն ավելացրեց նաև, որ յուրաքանչյուր ուսանող պետք է կարողանա իր գիտելիքներով հնարավորինս օգտակար լինել պետությանը և հասարակությանը՝ մասնակցելով վերջինիս բարեփոխման և զարգացման գործընթացին:

Անի Պողոսյան

Այլ նորություններ
5 ՄԱԳԻՍՏՐՈՍԱԿԱՆ ԾՐԱԳԻՐ, ՈՐ ԽՈՐՀՈՒՐԴ Է ՏԱԼԻՍ ՌՈՒԲԵՆ ՄԵԼՔՈՆՅԱՆԸ
«Ընտրություն կատարելիս պետք է առաջնորդվել պետական շահով և աշխատաշուկայի տված հնարավորություններով»:
ԵՊՀ ԱՍՊԻՐԱՆՏԸ ՄԱՍՆԱԿՑԵԼ Է ԲԱՐՁՐ ԷՆԵՐԳԻԱՆԵՐԻ ՖԻԶԻԿԱՅԻ ԵՎՐՈՊԱԿԱՆ ԴՊՐՈՑԻՆ
ԵՊՀ ֆիզիկայի ֆակուլտետի միջուկային ֆիզիկայի ամբիոնի ասպիրանտ Էլմիրա Մելյանը մասնակցել է Բարձր էներգիաների ֆիզիկայի եվրոպական դպրոցին, որն անցկացվել է հունիսի 20-ից հուլիսի 3-ն Իտալիայի Մարատեա քաղաքում: Էլմիրան մեզ հետ զրույցում պատմեց իր տպավորությունների և ձեռքբերումների մասին: