20.04.2022 | 
Քաղաքականություն, Կրթություն
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԿԱԶՄԱԿԵՐՊԵԼ ԷՐ ՊԱՆԵԼԱՅԻՆ ՔՆՆԱՐԿՈՒՄ
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԿԱԶՄԱԿԵՐՊԵԼ ԷՐ ՊԱՆԵԼԱՅԻՆ ՔՆՆԱՐԿՈՒՄ
Քննարկման հրավիրյալ բանախոսներն էին պ.գ.դ., պրոֆեսոր Ռուբեն Մելքոնյանը, տնտ. գիտ. թեկն., դոցենտ Կառլեն Խաչատրյանը և իրավ. գիտ. թեկն. Լևոն Գևորգյանը:

Քննարկումը «Հայ-թուրքական հարաբերությունների զարգացման տնտեսական, քաղաքական, իրավական հեռանկարները և մարտահրավերները» թեմայով էր:

 

Ողջույնի խոսքով հանդես եկավ ՈՒԽ նախագահ Գոհար Ավագյանը՝ կարևորելով այս ձևաչափով քննարկումները:

Բանախոսներից յուրաքանչյուրը խնդրո առարկան դիտարկեց իր մասնագիտության սահմաններում, ինչի շնորհիվ միմյանց լրացնող տեսակետներով պանելային քննարկում ստացվեց:

 

Պրոֆեսոր Ռուբեն Մելքոնյանը ողջունեց միջոցառման կազմակերպումը, ընդգծեց ընտրված թեմայի տարողունակությունը՝ նշելով. «Երկու պետությունների միջև հարաբերությունների զարգացումը համաշխարհային քաղաքականությանը կապված խնդիր է։ Այն ենթադրում է մեծ քաղաքական «խաղի» որոշակի հանգուցալուծում»:

 

Կառավարման և գործարարության ամբիոնի վարիչ Կառլեն Խաչատրյանը նույնպես ողջունեց նախաձեռնությունը և շնորհակալություն հայտնեց կազմակերպիչներին և մասնակիցներին: Բանախոսը թեմային անդրադարձավ տնտեսագիտական տեսանկյունից և հավելեց. «Քաղաքակիրթ աշխարհը պահանջում է, որ երկու երկրների միջև երկխոսությունը տեղի ունենա»։

 

 

Իրավաբան Լևոն Գևորգյանը շնորհակալություն հայտնեց հրավերի համար: Ամփոփելով թեմայի տնտեսական և քաղաքական բաղադրիչները՝ Լ. Գևորգյանն իրավական տեսանկյունից ներկայացրեց երկու երկրների միջև բանակցային գործընթացը՝ միջազգային իրավունքի համապատասխան։

 

Հանդիպման վերջում ծավալվեց ակտիվ քննարկում:

Այլ նորություններ
ԵԼՀ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԸ ՀԱՄԱԼՐՎԵԼ Է ՄԱՍՆԱԳԻՏԱԿԱՆ ԴԱՍԱԳՐՔԵՐՈՎ
Եվրոպական լեզուների և հաղորդակցության ֆակուլտետի դեկան Գևորգ Բարսեղյանը Գերմանական տնտեսական միավորման անդամ Իսմայիլ Շեկին հանձնեց շնորհակալագիր՝ երախտագիտություն հայտնելով ֆակուլտետի գերմանական բանասիրության ամբիոնին նվիրաբերած դասագրքերի համար: Կազմակերպված հանդիպման ընթացքում բիզնես ոլորտի ներկայացուցիչները կիսվեցին իրենց հաջողության պատմություններով՝ ներկայացնելով կրթության և հատկապես գերմաներենի իմացության դերը բիզնեսում հաջողություն գրանցելու հարցում:
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ
«Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։